Kisah Para Rasul 9:2 - Allah Wene Hurumbik Keron

² yig ituk wilil, “Nowe-o, an it Yahudi ap o Allah wene uruk ambeg o Damsyik etno laminen holal baloko og nimin-o. O epma it aphe Allah wene iniluk amon warukon etno heag inabil laruk aruhukseg, ap inim, hweap inim hele waroko og inaplug o Yerusalem niog suhuluk waruhuk-o,” ulug yig epag.

Kisah Para Rasul 9:2 ပူးပေါင်းရင်းမြစ်များ

Matius 10:17

Eke fobik sen hinaplug, it ap Allah unde suon wene baltuk ambeg epmano inim, eke o Allah wene uruk ambeg epmano inim, hinombisahik lalug, epmanowen yikangge hinusuhup-o.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Kisah Para Rasul 18:25

At Yesusen sebahon epmano yig ituk atusama, fikfag eberoko waruk atisireg, indi ahientoho wilil, At Yesusen sebahon epmano yig isaruk atisi. Ariroho yig isaruk wilil, eke at Yohanesen ikma belap inaptuk apahon epmano-at iluk welatisi.

Kisah Para Rasul 19:23

Epma weregma, o Efesus etno Allah wene obogsoho waruk atusama, wene ayeg waroko inenggal-at uruk ulug uruk atusa.

Kisah Para Rasul 19:9

Ariroho surukmu, it nin inindi arikon epmano wene weheg eleg wilil, At Yesusen sebahon epmano it aphe obog inil fam seberoho embeheg suruk atusama, at Paulus etno it sohorep isaruk atisireg, it omini epmano og inaplug at Tiranusen sekolah yanggul isaruk ambeg etnowen nintul nantul inim uruk atusa.

Kisah Para Rasul 24:14

Eke kidia anden nahla bihion hat yig hirik-o. An kidia it ninetamuki Inikni Allah etno obam ebetuk wilil, At Yesus inuk fam Allah obam ebetuk ahion ari, iren dag ulug uruk-o. Ariroho urukon oke, eke an hag at Musaen ebahon etno inim, eke it nabien wene holal embebahon etno inim eberoko waruk ahi-o.

Kisah Para Rasul 24:22

Yig ituk atisimu, at Feliks etno Yahudi wene fano ilukon oke, “Yoho arat ehe-o,” ulug irisi. Uruk atisireg, yig ituk wilil, “At Roma ap inowe inuk Lisias etno waruhumu, hawene fanoroho baluhuk,” ulug yig itisi.

Kisah Para Rasul 26:10

Ariroho sil nurukmu, eke it imam ap suon epmanowen fano at-o ulug yig nituk atusama, eke anden it aphe Allah udaki nin o aphe dahon imbisaruk ambeg epmano kolap inaptikik-o. Kolap inaptuk atikikmu, eke fobik iren At Yesus udaki epmano war inabuog ulug surukmu, anden war inabuk fano at-o ulug yig isarikik.

Kisah Para Rasul 26:12

At Paulusen yig isaruk wilil, “Eke an o Damsyik etnowen mug inaplug wariog ulug surukmu, it imam ap suon epmanowen fano at-o ulug yig nituk atusama, mug inaplug waharikik-o, nikni.

Kisah Para Rasul 6:9

Sil nurukmu, it Yahudi ap nin inim winimug apag. Winimug apag etno, it Yahudi ap Allah wene uruk ambeg inuk Libertini soalfahon etno alem weregma, it Yahudi ap Sireniaon inim, eke Aleksandriaon inim, eke Kireniaon inim, eke Asiaon inim it obohen at Stefanus inim winimug apag.

Kisah Para Rasul 7:19

Inowe atuk apareg, it ninetamuki epmano seberep isaruk wilil, yi angge di angge angginon inobam umburuk apag. Umburuk apareg, yig isaruk wilil, ‘Hinudaki endohowon epmano waramag ulug selema hik isimuk-o,’ ulug yig isebareg weregma, fobik at Musa etno endag apag.

Kisah Para Rasul 9:14

Eke kidia at imam suon etnowen holal og itisimu, o Damsyik duma it Hat hinuk warukon epmano ininggik senoko og inaplug liog ulug waharisi-o,” ulug yig ituk apagma,

Kisah Para Rasul 9:21

Yig isaruk apagma, it obog inesanggo holtuk apareg, fog suruk wilil, “Wi, ap du bilin o Yerusalem aphe Yesus inuk warukon war inaptuk atision etnowen-at yig nisaruk-o. Eke kidia o duma aphe ininggik senoko og inaplug it imam ap suon og isiog ulug waharision etnowen-at yig nisaruk-o,” ulug uruk apag.

2 Korintus 11:32

Eke bilin o Damsyik etno wereg neyeheg, at inowe Aretas ot suon etnowen an nebe sen nabukon etno wilip am nowen ulug at osi epmano o lehet wal kiko minduhup isarisi-o.

Galatia 1:17

Eke it bilin Allah wene yig isawag ulug mondep isebahon epmano o Yerusalem weregma inambeg larikik fug-o. Ariroho larikik fuhon oke, bikit o Arabia etno laruk atikikseg, fobik niog suhuluk o Damsyik etno waharikik-o.