Kisah Para Rasul 9:18 - Allah Wene Hurumbik Keron

¹⁸ at Saulus etno ilanggenmen amolmol angge neken oko amburuk apareg, fenggen apag. Fenggen atuk apareg, minatuk apagma ikma belapfebag. Ikma belapfuruk apagma, orom naruk apareg, fobik at ebe mondog oag wereg apag.

Kisah Para Rasul 9:18 ပူးပေါင်းရင်းမြစ်များ

Kisah Para Rasul 2:38

Yig isaruk apagma, at Petrus etnowen, “Hit hinakeleg hinakeleg dag suruk atikibon epmano sohorep isalihipmu, At Yesus Kristus inuk fam hinapelegsoho apma hinombisahukag ulug ikma belap hinabukag-o.

Kisah Para Rasul 2:41

Yig isaruk apagma, it obohen wene yig isebahon etno eberoko waruk apagma, it inebe tiga ribu obam seberoho belap inapag.

Kisah Para Rasul 22:16

Ari halug, nit kidia keroho ulug bok welamul-o? Hat hebe kidia minatuk apmihinmu, ikma belap habikon-o. Ari haren At Yesus inuk waruk wilil, dag suruk atikinon epmano sohorep isalug, hindi dahon ho habukag ulug ikma belap habikon-o,’ ulug at Ananias etnowen yig nitisi,” ulug eke at Paulusen yig isarisi.

Kisah Para Rasul 9:17

Yig ituk apagma, at Ananias o etno kik waharuk apareg, at Saulus ungguluagma inggik embebag. Inggik umburuk wilil, “Nare Saulus wai. An At Yesusen lahap nabik waha-o. Eke hat o duma wariog ulug At Yesus kwalemen harikinon etnowen hilanggen fenggenep hahalug, Roh Kudus og hemag ulug lahap nabik waha-o,” ulug yig ituk apagma,

Kisah Para Rasul 9:19

Nin eke at Saulus etno inggik dorat o Damsyik aphe Allah wene warukon epmano inim wilil,

Kisah Para Rasul 9:8

Inilanggen heheg eleg-at weregma, at Saulus etno kweanmen minatuk apareg, fobik ilanggen fenggen ariog ulug bug apag. Ilanggen bug atuk apagma, inggik senoko walug o Damsyik etno imbik wapag. Imbik wapagma wilil, ilanggen fenggen aheg eleg hupnig mondog welapag.

2 Korintus 3:14

Ariroho suruk apareg fam, kidia it Yahudi aphe inahla burukon epmano sok lareg neken wereg-o. Eke at Musa olohore sum sambuntepatebag etno hag, it Yahudi ap kidia hurumbik amukon holal baleg etno wane suruk wilil sum sambunteg wereg etno fam inilanggen hupnig neken wereg-o. Ariroho wereg oke, At Kristus awene etno-at waruk isalug, sum sambunteg neken werehon etno eleg atuk-o.

2 Korintus 4:6

Eke amuk At Allahen uruk wilil, “O hik wereg ambeg epma seleg amag-o,” ulug ebag etno hag, kidia ninindimu Aren o seleg etno og nisaruk-o. Eke o seleg og nisarukon etno At Yesus Kristus olohotmen fisag ninaptuk wilil, At Allah etno abikag suruk wilil alon werehon-at wereg-o, ulug niniluk amag ulug yig nisaruk-o.