Kisah Para Rasul 9:13 - Allah Wene Hurumbik Keron

¹³ Ananias etnowen yig ituk wilil, “Eleg-o, Nikni, ap du o Yerusalemen Hat hudaki epmano dahon inobam imbisarisi ulug it apheyen hurumbik yig nitusa-o.

Kisah Para Rasul 9:13 ပူးပေါင်းရင်းမြစ်များ

Matius 10:16

At Yesusen yig isaruk wilil, “Hit hinesanggo holtuk amiek­-o. Wam domba epmano it oloyangge hahon inayeg libil inaptukon inambeg lahap isaruk etno hag, lahap hisaruk ahi-o. Eke wam elien orom niog ulug aphe inamben baltuk etno hag, hit hinebe yaharoho wilil, sue yalme indi fano wereg etno hag hit hinindi fanoroho welamuk-o.

Kisah Para Rasul 22:4

Eke it bilin Yesus wene webahon epmano mondog war inabiog ulug suruk wilil, ap inim hweap inim obog hele war inaplug o aphe dahon imbisaruk ambeg epma kolap isaruk seyag-o.

Kisah Para Rasul 8:3

Salepfik laruk apagma, at Saulus etnowen it Allah wene warukon epmano war inabil laruk wilil, inibam ya keheg sil lebag. Sil laruk wilil, ap hweap Allah wene warukon halug, wilip isa watlug, o dag surukon imbisaruk ambeg epmano kolap isaruk apag. Ariroho heag inabil laruk apareg, it Yerusalem aphe Allah wene warukon epmano mug inaplug laruk apagma, o Yudea Samaria inim lebag.

Kisah Para Rasul 9:1

Eke fobik at Saulus etnowen it aphe Allah wene warukon epmano inusil laruk wilil, at ap imam suon etno ambeg laruk apareg,

Kisah Para Rasul 9:21

Yig isaruk apagma, it obog inesanggo holtuk apareg, fog suruk wilil, “Wi, ap du bilin o Yerusalem aphe Yesus inuk warukon war inaptuk atision etnowen-at yig nisaruk-o. Eke kidia o duma aphe ininggik senoko og inaplug it imam ap suon og isiog ulug waharision etnowen-at yig nisaruk-o,” ulug uruk apag.

Kisah Para Rasul 9:32

At Petrus etno o ahik ya da sil nuruk apareg, eke misihim it Allah udaki o Lida werehon epmano bik isa lebag.

Kisah Para Rasul 9:41

Minduhupfuruk apareg, it Allah wene warukon inim, it hweap suhweon epmano inim wol isaruk apareg, yig isaruk wilil, “Hwe mondog warahaon etno iluk aha du hinilanggen himiek-o,” ulug yig isebag.

Roma 1:7

Hit Roma aphe obog At Allah udaki amuhuben ulug hinayonggo embebag-o. Ariroho hinayonggo embebag ari fam, an heahi war hinaptuk ahi-o. Eke At Ninikni Allah Ninowe Yesus Kristus inimen hinabua hisaruk wilil hinim welamag ulug wene holal du bal hisihi-o.

Roma 15:31

Eke it Yudea aphe Allah wene ninambit urukon epmanowen nowabuk nowen ulug hit nake sembahyang uruk amuk-o. Eke it Allah udaki o Yerusalem werehon epmano yi angge di angge og isa lahukon ari inahientoho holawag ulug sembahyang uruk amuk-o.

Roma 16:15

Eke it Filologus inim eke at hwe Yulia etno inim eke at Nereus ot hweap angge etno inim eke at Olimpas etno inim eke it Allah udaki inim werehon epmano inim obog-at heahi war inaptuk amuk-o.

Roma 16:2

Eke it Allah udakien inomini inim fanoroho welamuog ulug suruk etno hag, hit At Ninowe inuk fam at hwe etno fanoroho hinim wilil, aren yig hisaruk halug fanoroho yalmaharuk amuk-o. Eke at hwe ebe it nin obog inim, eke an inim fanoroho welamuhuken ulug ninaohi esag ninaptisi-o.

1 Korintus 1:2

Eke hit Allah udaki o Korintus welahebon du At Allahen At Yesus Kristus inuk fam hinakeleg-at hinombisahakeg, eke At Allah udaki wilil hinakeleg welamuhuben ulug wol hiseheg suruk atision etno hit inim, eke it yi aphe di aphe ninim obog-at Ninowe Yesus Kristus inuk suontepfuruk aheon etno inim, wene holal du baloko hinombisaharuk ahe-o.

1 Korintus 14:33

Eke At Allahen dahan fahan yuhun-at sembahyang uruk amag ulug wol nisebag fug-o; we fanoroho-at uruk amag ulug wol nisebag-o.

1 Korintus 16:1

Kidia it Allah udaki o Yudea werehon epmano yalmag inabukon uang balu sukag ulug yig hisamin-o, eke ariroho yig hisamin ari, it Allah udaki o Galatia werehon epmanowen sukag ulug yig isarikik etno hag yig hisaruk ahi-o.

1 Korintus 6:5

Ari halug, an hinenggali warep hisahaki-o. Eke ap misig indi weregsoho wilil at ominion alem heako yig isarukon etno hit hinahla epma mondog eleg ano?

Efesus 1:1

An Paulus, At Allah ahla buruk apareg, At Yesus Kristus awene yig isil lawag ulug mondep nahabahon etnowen, hit Allah udaki o Efesus epmen At Yesus Kristus obam ebetuk wilil At awene eberoko waruk ahebon epmano holal du bal hisihi-o.

Filipi 1:1

Nit Paulus Timotius At Kristus Yesus anggimbu etnowen hit Allah udaki At Kristus Yesus awene waruk wilil, o Filipi welahebon obog inim, eke hit hinindi aso welahebon inim, eke hit yalmag inaptukon epmano inim,

Filipi 4:22

Eke it Allah udaki duma werehon inim, eke it Kaisar omini nin epmano inimen heahi war hinaptuk-o.

Kolose 1:2

Eke hit Allah udakion epmano hinibam o Kolose wilil ninomini welahep halug, At Ninikni Allahen hinabua hisaruk wilil hinim welamag ulug yig hisehe-o.

Ibrani 13:24

Eke it hinowesi obog epmano inim, eke it Allah udaki obog epmano inim obog-at heahi war hinaptuk ulug yig isimuk-o. Eke it hinomini o Italia werehon epmanowen heahi war hinaptuk-o.

Yudas 1:3

Nomini-o, alem At Allahen hit hinili warukon etno holal baloko og hisaminen ulug bihireg fam, fobik it inenggal urukon epmano hit hinune yig isahuben ulug holal baloko og hisaminen ulug nahla bihi-o. Wene At Allahen udaki yig isebahon etno waruk wilil welamuhuben ulug yig hisaminen ulug nahla bihi-o.