Kisah Para Rasul 8:7 - Allah Wene Hurumbik Keron

⁷ Eke it epmano inil fam it setan dahon epmano aphe inindimuen inune suon urukmu wilip iseheg, eke aphe inoag elehon inim, eke ininggik iniog dahon inim fano inabeheg surukmu inilanggen hebag.

Kisah Para Rasul 8:7 ပူးပေါင်းရင်းမြစ်များ

Matius 10:1

Eke fobik At Yesusen omini dua belas epmano wol isaruk apareg, yig isaruk wilil, “Hiren it setan inindimu werehon epmano lisoko wilip iseheg, eke it uk warehon epmano fano inabeheg sukag ulug minduhup hisahaki-o,” ulug yig isaruk apareg,

Matius 11:5

‘Inilanggen buhon fenggen atukon inim, eke ap inoag elehon fano atukon inim, eke it hon­anggore­hon elehap inaptu­kon inim, eke inesanggo dohuon fano inaptukon inim, eke it warehon iniluksoho minduhup isarukon inim, eke it inaharek elehon epmano wene fano wene yig isaru­kon inim obog-at fano suruk hehe-o,’ ulug at Yohanes yig irik lali­hip-o.

Matius 4:24

Ariroho sil nuruk apareg fam, it ninen At etno fano inabil waha-o, ulug o Siria epmanowen At awene etno yig isil le­bag. Yig isil laruk apagma, it aphe uk warehon inim, eke uk oloken surukon inim, eke it setan inindimu kebahon inim, eke it nenek surukon inim, eke it inoag sahalehon inim At ambeg imbisa waharuk apagma, Aren obog-at fano inapag.

Markus 9:26

Winimug yig ituk apagma, at setan etno une nga uruk apareg, dahag fahag suruk wilil, wilip apag. Wilip atuk apagma, udag etno ap warehon neken wereg heheg, it aphe epmanowen, “Waraha-o,” ulug uruk apag.

Lukas 10:17

Eke fobik it ap inebe tujuh puluh dua epmano inahien suon haruk apareg, iniog suhuluk wapag. Waharuk apareg, At Yesus yig ituk wilil, “Ninowe-o, nit Hat hinuk fam it setan epmano winimug yig isarukukmu, inesanggo holtusa-o,” ulug yig epag.

Yohanes 14:12

Ari halug, Anden wene demat uruk amon etno yig hipmin-o, it yi aphe di aphe obog An nobam ebetukon epmanowen Anden yabuk suruk ahi epmano ilitoho suruk amuhup-o. Eke An nebe Nikni ambeg lahukseg fam, iren fobik sukfugangge anggolo-at suruk amuhup-o.

Kisah Para Rasul 5:16

Kwalema imbisa larukmu, o Yerusalem enggatgatmen it yi aphe di aphe obog inomini uk warehon inim, it setan inindimu kebahon inim obog-at og inaplug waharuk apagma, fano inapag.

Kisah Para Rasul 8:6

Yig isarukmu, it aphe obog fanoroho inesanggo holtuk iseheg, aren sukfugangge surukmu inilanggen hebag.

Ibrani 2:4

Ariroho yig nisarukmu, niren wene du demat ninahla bukag ulug At Allahen oag weregsoho surukon etno inim, eke elalintoho sukon etno inim, eke sukfugangge sukon inim obog-at suruk apag-o. Eke At ahla buruk apareg, At Roh Kudusen og isebahon etno sumburoko og nisebag-o.