Kisah Para Rasul 8:39 - Allah Wene Hurumbik Keron

³⁹ At Roh Kudusen Filipus etno walug eleg apag. Eleg atuk apagma, at ap suon etnowen ilanggen halug eleg kwalem etno fam indi ahientoho lebag.

Kisah Para Rasul 8:39 ပူးပေါင်းရင်းမြစ်များ

Matius 13:44

At Yesus etnowen yig isaruk wilil, “At Allah weregmen sukon etno hag, ebe yaha suon misig kweanma heraho welapag-o. Weregma, ap misihen sega fam yuloko heaharuk apareg, dahagsoho kweanma epmano herahapfebag-o. Herahapfuruk apareg, at etno indi ahien suruk wilil, aharek yi angge di angge werehon epmano obog onggo og isebag-o. Og isaruk apareg, uang anggen og isebahon etno fam wen ari onggo balfag-o,” ulug At Yesusen yig isebag.

Matius 3:16

Belaptuk apagma, ikmen lahik wapag. Lahik waharuk apagma, bohol heal haruk neken, Roh Kudus etno sue yalme ilitoho At unggu­luagma belabik waharukmu ilanggen hebag.

Markus 1:10

Ikma belapfuruk apagma, minatuk apareg, At Yesus etno ilanggen lahap haruk apag, bohol heal haruk wilil, Roh Kudus etno sue yalme ilitoho At Yesus ungguluagma belabik waharukmu ilanggen hebag.

Kisah Para Rasul 13:52

Laruk apagma, it o Antiokhiaon Allah wene webahon epmano Roh Kudus inindimu kurukmu inahientoho welapag.

Kisah Para Rasul 16:34

Ikma belap inaptuk atusama, it Paulus Silas inim at ibam welamag ulug og inaplug larisireg, inaharom menag isarisi. Ariroho inim wilil, “Nit Allah wene wehe-o,” ulug at omini inim inahientoho welatusa.

Kisah Para Rasul 8:29

Wane suruk weregma, At Roh Kudus etnowen Filipus etno yig ituk wilil, “Kereta ari kwalema salkal uruk apmihinteg, hinim wene baltihip-o,” ulug yig epareg fam,

Kisah Para Rasul 8:38

Yig ituk apareg, at ap suon etnowen kereta etno umburuk apareg, at Filipus inim ik ayegma ambik waharuk apareg, at Filipus etnowen at ap suon etno ikma belapfebag. Ikma belapfuruk apareg, leko lahik waharuk apagma,

Kisah Para Rasul 8:8

Inilanggen haruk apareg, it Samaria aphe epmano inahien anggolo hebag.

Roma 5:2

Eke ariroho At obam ebetuk atukukseg fam, At Allahen ninabua nisawag ulug og ninaplug waharisi-o. Ariroho og ninaplug waharisireg fam, kidia At Allahen ninabua nisaruk heheg minduhuk neken welahe-o. Ariroho wilil, At Allah ninim suon neken welamuhuk-o ulug ninahientoho ninahla buruk ahe-o.

Filipi 3:3

Eke nit hag Roh Kudus etno fam At Allah inuk weheg, eke At Yesus Kristus ninim wilil ninahientoho welaheg suruk ahe fam nit hag niniyunggul ambilik baleg neken welahe-o. Eke it iniyunggul ambilik balehon epmano inenggal-at wereg-o. Eke nit hag yi angge di angge nininggiken surukon epmano fam ninili wahu fug buruk ahe-o.

Filipi 4:4

Eke At Allahen og hisaruk etno fam hinindi hinahien haruk amuk-o. Eke hit hinindi hinahien haruk amag ulug misihim inim dahagsoho yig hisaruk ahi-o.

Yakobus 4:16

Eke hinonggareg hinuneyen, “Ari suhuk, ari suhuk,” ulug suontepataruk ahep ari, dag-at suruk ahep-o.