Kisah Para Rasul 8:20 - Allah Wene Hurumbik Keron

²⁰ at Petrus etnowen, “Eleg-o, hat At Allahen og nisarukon etno uang fam onggo balik ehen ari, hahuang wereg oke, dahon etno nobam nombahukag ulug uruk ahen ano?

Kisah Para Rasul 8:20 ပူးပေါင်းရင်းမြစ်များ

Matius 10:8

Yig isaruk wilil, eke it uk warehon fano inabe­heg, it warehon minduhup iseheg, eke it honanggorohon fano in­abeheg, eke it setan inindimu werehon wilip iseheg sil nuruk amuk-o. Eke hit Anden onggo eleg yuhun-at og hisarikikon etno fam, hiren uang anggen onggo dot og nisimiek-o ulug kino eheg eleg-at sil nuruk amuk-o.

Matius 15:19

It apheyen dag suog ulug inindimuen ebetuk-o. Inindimuen ebetuk atlug, ap watukon etno inim, eke ap inuhweon diloko warukon etno inim, eke hweap selemen surukon etno inim, eke inalomnangge heraharukon etno inim, eke inenggal-at urukon etno inim, eke inune dahon inobam denggeltukon etno inim,

Kisah Para Rasul 1:18

Eke at Yudas etno dag sirisimu, uang og ituson etno, it ap suon epmano og isarisimu it etnowen wen amig misig onggo baltusa. Ariroho onggo baltusareg fam, fobik at Yudas etno olohore sahun bule amburuk wilil, ahum supsoho al wilik waharisi-o.

Kisah Para Rasul 10:45

Belabik waharuk apagma, at Petrus inim, eke it Yahudi ap o Yopeyen inim wapahon epmano inimen, “Wi, it aphe duma Yahudi wene etno inapelehon oke, At Allahen Roh Kudus og isaruk-o,” ulug fog suruk apag.

Kisah Para Rasul 11:17

Nindi ebetuk wilil, At Ninowe Yesus Kristus obam ebetuk nisalug, At Allahen og nisarisi etno hag, it At awene inapelehon epmano-at og isehek-o, eke anden At Allah ariroho og isa fug keroho yig irik-o, ulug nahla birikik-o,” ulug at Petrusen dindiloko yig isaruk apag.

Kisah Para Rasul 2:38

Yig isaruk apagma, at Petrus etnowen, “Hit hinakeleg hinakeleg dag suruk atikibon epmano sohorep isalihipmu, At Yesus Kristus inuk fam hinapelegsoho apma hinombisahukag ulug ikma belap hinabukag-o.

Kisah Para Rasul 8:19

uruk apag, “Anden inungguluag ninggik senetukmu Roh Kudus inobam belabik wamon etno an nin og nimiek-o,” ulug kino yig isaruk apagma,

Kisah Para Rasul 8:22

Eke hat hahla buruk ahenon inim, eke dag suruk ahenon inim sohorep isalug, At Allahen hobam hapelegsoho apma hombahukag ulug sembahyang uruk amin-o.

1 Timotius 6:9

Eke it aphe ninen ninaharek anggolo amag ulug heahil sil nurukon epmanowen yi angge di angge nindi nindi urukmu, inindi kahalik waharuk-o. Eke inindi kahalik waharukmu, bak helema waratuk etno hag, it aphe yi angge di angge nindi nindi urukon epmano inonggarehen wataruk amuhupseg, fobik mondog dag amuhup-o.

Yakobus 5:3

Eke hiren angge emas, perak epmano kibolal atlug olohore dag atuk-o, ariroho seg atuk ari fam hinilanggen haruk amuhupseg, hinindi seneni anggolo ebebehup-o. Eke hit hinaharek epmano sono hao anggolo ombatarikip-o.

Wahyu 18:15

Yig ituk atusama, it nin bilin o epmen hundutuk wilil inaharek anggolo holaruson epmano o Babel hondok nawon etno inakolen inebe yatma larusareg, it etnowen obok yatuk wilil,