Kisah Para Rasul 8:1 - Allah Wene Hurumbik Keron

¹ Waratuk apagma, eke at Saulus etnowen fano warehesa-o ulug ahla bebag. Eke at Stefanus etno waratuk apagma,

Kisah Para Rasul 8:1 ပူးပေါင်းရင်းမြစ်များ

Matius 22:6

it ninen at anggimbu yonggo lahap isebahon etano sen inaptuk apareg, inenggali warep isalug, fobik mondog warep isebag-o.

Matius 23:34

Ari halug, Anden yig hisamin-o. Anden it nabi ap inim, it ap inindi enggaron inim, eke it yanggul isarukon epmano inim hinambeg lahap isahukmu, hiren nin warep iseheg, it nin e fam lenggalep isalug paku waroko imbiseheg, eke it nin hit wene uruk ahep ambeg epmanowen hele lambisog war inabeheg, eke it nin o misihen muko wilip iseheg, o misihen wilip iseheg suruk amuhup-o.

Matius 5:13

Eke fobik At Yesusen yig isaruk wilil, “Hit o kweanma saho olokon neken welahebon oke, eke saho ari olok eleg atuk halug, keroho fol aru­hu-o? Saho olok elehon ari sele­ma wilip isalug aphe iniohen hondorepfuk fano-o.

Yohanes 15:20

Eke Anden hit bilin yig hisaruk wilil, ‘Ap misig anggimbu etno suon neken, eke ikni etno doron neken wereg eleg-o,’ ulug yig hisarikikon etno hinindi eberiek-o. Iren An nebe muko wilip nabuog ulug surusa etno hag, hit ariroho at muko wilip hinabuog ulug suhup-o. Eke iren An nawene etno inesanggo holtusa fug etno hag, hit hinawene epmano ariroho-at inesanggo holtuk amuhup fug-o.

Yohanes 16:2

Eke hit hinebe epmano fobik o Allah wene uruk ambeg epmanowen muko wilip hisahup-o. Eke hit hinebe warep hisaharuk amuhupseg, niren war inabehe ari, Allah yabuk-at sehe-o, ulug inahla buruk amuhup-o.

Kisah Para Rasul 1:8

Hinapelegsoho weregma, Roh Kudus oag werehon etno hinobam belabik waruhumu, hit An nawene-at yig isil nuruk amuhup-o. O Yerusalem, Yudea, Samaria inim, o kweanma obog yig isil nuruk amuhup-o,” ulug yig isebag.

Kisah Para Rasul 13:1

Eke it o Antiokhia aphe Yesus wene webahon epmano inanggelegma wilil, Allah wene yig iseheg, eke yi wene di wene yanggul iseheg surukon epmano ininuk Barnabas inim, Simeon eke inuk misig Niger etno inim, eke at Lukius, Kirene ap etno inim, eke at Menahem, inowe Herodes endag inapahon etno misig inim, eke at Saulus etno inim it obog welapag.

Kisah Para Rasul 2:47

Inahientoho wilil, At Allah wa ulug suontepfuruk weregma, it ninen inahien inobam embebag. Inahien isaruk apareg weregma, At Allahen nintul nantul it inili webahon epmano at misig obam seberoho embeheg, at misig obam seberoho embeheg suruk apag.

Kisah Para Rasul 22:20

Eke at Stefanus hat hawene yig isarukon etno watukmu, nilanggen isaruk atikikseg, anden fano watuk ahep ulug it ap watukon epmano inasum aso welatikik-o,’ ulug anden At Allah yig ituk atikikmu,

Kisah Para Rasul 26:10

Ariroho sil nurukmu, eke it imam ap suon epmanowen fano at-o ulug yig nituk atusama, eke anden it aphe Allah udaki nin o aphe dahon imbisaruk ambeg epmano kolap inaptikik-o. Kolap inaptuk atikikmu, eke fobik iren At Yesus udaki epmano war inabuog ulug surukmu, anden war inabuk fano at-o ulug yig isarikik.

Kisah Para Rasul 5:18

hele waroko aphe dahon imbisaruk ambeg epmano kolap isebag.

Kisah Para Rasul 5:20

“Hit o Allah ibam lalihipseg, epma minduhuk wilil, it aphe obog epma iniluk inabukon wene etno yig isa lalihip-o,” ulug yig isaruk apagma,

Kisah Para Rasul 5:33

Yig isaruk apagma, it imam inowesi suon epmano inesanggo holtuk apareg, inasine anggolo haruk wilil, ap du wabuk-o, ulug uruk apag.

Kisah Para Rasul 5:40

it mondep isebahon epmano maniek ulug wol isaruk apareg, yig isaruk wilil, “Hit At Yesus inuk fam wene aphe obog yig isa fug-o,” ulug yig isaruk apareg, yikangge waroko sohorep isebag.

Kisah Para Rasul 7:38

Yig isaruk apareg, at etno it ninetamuki Israel ap epmano inim o limu wilil, at malaikat etnowen dom Sinai isinmu epmanowen yig itukmu esanggo holfag. Holtuk apareg, it ninetamuki epmano nit-at og isahuben ulug Allah wene fano wene etno yig isebag.

Kisah Para Rasul 7:54

Eke it Yahudi ap inowesi suon epmano at Stefanusen yig isarukmu inesanggo holtuk apareg, inasineyen inayeg kilit matuk wilil, inambit haruk apag.

Kisah Para Rasul 7:58

Senetuk apareg, o Yerusalem etno selema fil imbik wilip atuk apareg, helep fam warik lebag. Warik laruk wilil, inasum loloko udag elege misig inuk Saulus etno aso welamag ulug umbulug lebag.

Kisah Para Rasul 8:14

Fog suruk apareg weregma, it mondep isebahon epmano o Yerusalem wilil, it Samaria aphe Allah wene waruk-o ulug inesanggo holtuk apareg, it Petrus Yohanes inim o Samaria etno lahap isebag.

Kisah Para Rasul 8:2

it ap nin inobabut fanowon epmanowen ebe waroko embebahon etno walug obok yatuk wilil, kweanma salepfik lebag.

Kisah Para Rasul 8:4

Laruk wilil, o ahik ya da obog-at wene yig isil nuruk apag. It epmanowen yig isil nurukmu, eke it mondep isebahon epmano o Yerusalem welapag.

Kisah Para Rasul 8:5

Nin eke at Filipus etno o Samaria laruk apareg, Kristus wene fano wene etno it aphe obog yig isebag.

Kisah Para Rasul 9:31

Lahapfuruk apagma, it o Yerusalem, Galilea, Samaria aphe Allah wene warukon epmano obog fano welapag. Fano wilil, it inebe At Roh Kudusen yalmag inaptukmu anggolo apag. Inebe anggolo atuk apareg wilil, At Allah apma seberoho welapag.

Roma 1:32

Eke it ariroho surukon epmano At Allahen dag ban suruk isalug An war inabuhuk-o ulug ebahon wene etno iniluk wilil oke, eke iren-at dag seheg, eke it ninen ariroho dag surukon epmano inahien iseheg suruk-o.

Filipi 1:12

Nomini-o, an yi angge di angge nobam umburuson epmano fam wene fano wene etno su atisi-o ulug hiniluk amagsoho yig hisaruk ahi-o.

Ibrani 11:27

Eke at Musa etno indi demat ulug ebetuk wilil, at Firaun etnowen winimug umon etno akol eleg-at welapag. Ariroho wilil, at ebe o Mesiren wilip apag-o. Wilip atuk apareg, At Allah ninilanggen haruk ahe fuhon etno ilanggen haruk neken wilil, an niog suhuluk lao nambit-o, ulug ahla bebag-o.