Kisah Para Rasul 7:8 - Allah Wene Hurumbik Keron

⁸ eke fobik, ‘Hat hudaki endag atuk isalug, iniyunggul ambilik baltuk aruhun-o,’ ulug yig epareg fam, at Abraham etno amloho Ishak endag atuk apagma, inggik sabiren angge welapareg, iyunggul ambilik balfag. Balepfebareg fam, eke at Ishaken amloho Yakub etno endetuk apareg, iyunggul ambilik balfag. Balepfebareg fam, at Yakub etnowen udaki dua belas epmano iniyunggul ambilik baltuk apag.

Kisah Para Rasul 7:8 ပူးပေါင်းရင်းမြစ်များ

Matius 1:2

At Abraham etnowen amloho Ishak endepag. At Ishak etnowen amloho Yakub endepag. At Yakuben udaki Yehuda osi inim endag inapag.

Yohanes 7:22

Eke hit at Musaen hinudaki iniyunggul ambilik baliuk ulug yig nisebag ehep ari, bilin at Musaen yig hisebag fug-o. It hinetamuki etnowen-at yig hisebahon oke, hiren at Musaen yig nisebag ulug ehep arien, o hari Sabat fam hinudaki iniyunggul ambilik bal inaptuk ahep-o.

Kisah Para Rasul 2:29

“Nomini-o, at ninetamu Dauden ebahon etno an bukaloko yig hisamin-o. Ari bilin at Daud waratuk apagma, o embebag ambeg etno kidia horog du wereg-o.

Roma 4:10

Ari halug, eke Alkitab etno fam yig nisaruk wilil, At Abraham bilin Allah obam ebetuk apag etno fam At Allahen ninim fanoroho welamuhuken ulug inim dambulfag-o, ulug ebahon etno misihim inim-at yig hisaruk ahi-o. Eke At Allahen Abraham inim dambulfag ari, at Abraham iyunggul ambilik baleg fam inim dambulfag ano, awan baleg eleg heheg inim dambulfag ano? Ari eleg-o. Awan baleg eleg heheg-at inim dambulfag-o.

Galatia 3:15

Nomini-o, an wene misig ap kweanmonen suruk etno ilitoho neken yig hisamin-o. It ap birenen ariroho suhuk ulug wene baltuk isalug, fobik at ap misihen wene urukukon etno anden suhuk fug ulug uk ari hai-o.

Galatia 3:17

Eke wene ebe du farim yig hisihi-o, “At Allah Abraham inim wene baltuk wilil, hit fobik demat og hisahuk-o,” ulug yig ituk apagma, eke fobik empat ratus tiga puluh tahun welapareg, wene duroho suruk amuk eke duroho suruk am fug ulug ebahon etno iniluk apag-o. Eke ariroho iniluk apareg fam, At Allahen Abraham abug yig epahon etno elegsoho imbisebag eleg-o.

Ibrani 7:4

Eke at etno suon welapag ari, hinindi ebetuk amiek-o. At ninetamu Abrahamen yi angge di angge obog huhul webahon etno nomalowon etno hag at Melkisedek og epag.