Kisah Para Rasul 7:38 - Allah Wene Hurumbik Keron

³⁸ Yig isaruk apareg, at etno it ninetamuki Israel ap epmano inim o limu wilil, at malaikat etnowen dom Sinai isinmu epmanowen yig itukmu esanggo holfag. Holtuk apareg, it ninetamuki epmano nit-at og isahuben ulug Allah wene fano wene etno yig isebag.

Kisah Para Rasul 7:38 ပူးပေါင်းရင်းမြစ်များ

Yohanes 1:17

Eke at Musaen wene duroho suruk amuk eke duroho suruk am fug ulug ebahon etno yig nisawag ulug At Allahen yig epahon oke, At Yesus Kristus etnowen ninabua nisawon wene etno inim, eke demat urukon wene etno inim yanggul nisawag ulug At Allahen yig epag-o.

Yohanes 6:63

Ari halug, iniluk inaptuk ari, At Roh Kudusen-at iniluk inaptuk-o. Eke hit ebe nawon etno-at hinahla buruk ahep du, we hai neken-at buruk ahep-o. Eke An wene yig hisihi etno At Roh Kudusen iniluk inaptukon etno farim-at yig hisihi-o.

Kisah Para Rasul 7:30

Eke at ebe fobik empat puluh tahun o etno weregma, dom Sinai almen e engga fam hondok ambulpul neken laharukmu ahla malaikat misig weregma hebag.

Kisah Para Rasul 7:35

Eke fobik it Israel ap epmano inahla buruk wilil yig epag, ‘Hat Musa du sen ninowe welamag ulug minduhup haharisi-o?’ ulug yig ituk apahon oke, At Allahen malaikat etno engga fam hondok ambulpul laharuk ambeg epmano belabik wapagma, at malaikat etnowen Musa yig ituk wilil, ‘At Allahen it Israel ap epmano o Mesiren inili oko wilip isaruk amag ulug minduhup haharisi-o,’ ulug yig epag.

Kisah Para Rasul 7:53

Eke Allah wene it malaikat etnowen hit farim-at belap hisa wapagma, wene etno hit holukag ulug-at yig hisaruk apahon oke, hit hag wene etno holtuk atikip fug-o,” ulug at Stefanus etnowen it Yahudi ap inowesi suon epmano yig isaruk apag.

Roma 3:2

Ari eleg-o. It nin hag yi angge di angge og isebahon oke, it Yahudi ap epmano hag At Allahen obam seberoho og isebag-o. Eke misig fanowon og isebag ari, Allah wene etno-at seneg welamag ulug og isebag-o.

Roma 9:4

Eke it Israel ap ari At Allahen fuloko imbisebareg, At udaki welamag ulug endag inapag-o. Endag inaptuk wilil, inebe suontep iseheg, eke ninim welamuhuken ulug wene etno yig iseheg, eke wene duroho suruk amuk eke duroho suruk am fug ulug ebahon etno yig iseheg, eke hurumbik wene etno yig iseheg sebag-o.

Galatia 3:19

Eke ari halug, wene duroho suruk amuk eke duroho suruk am fug ulug ebahon etno nongge farim yig isebag-o? Eke ari, it apheyen dag surukon epmano du dag-o ulug bukal amag ulug yig isebag-o. Eke wene duroho suruk amuk eke duroho suruk am fug ebahon ari, at Abraham etamu abug yig epahon etno ebe awan waharuk eleg heheg yig isebag-o.

Ibrani 2:2

Eke it boholma malaikat epmanowen wene du demat-o, ulug yig isebahon etno iniluk apahon oke, eke fobik it ninen wene etno fanoroho weheg eleg isaruk apareg, onggo ilitoho-at og isebag-o.

Ibrani 4:12

Eke At Allahen wene ebahon etnowen niniluk ninaptuk wilil, oag weregsoho-at suruk-o. Eke karog enggat femag femag werehon etno enggat wereg-at oke, eke At Allah wene etno hag, mondog enggat werehon-at wilil, aphe inindi fam inim, inomanggen fam inim, inoag abohe fam inim, kuruk-o. Ariroho kuruk wilil, it apheyen du nindi ulug inahla burukon etno inim, eke inindi ebetukon etno inim obog-at selegmaroho bukaloko oag deltuk-o.

Ibrani 5:12

Eke hit o amuk At Allah wene waruk atikipseg fam, hinebe yanggul isarukon-at welatlebon oke, at misihen Allah wene ebe alem neken-at yanggul hisahu ari fano-o. Eke hiren naruk angge arikon epmano nelebon oke, hit we ag ambusu neken-at nao ari fano-o.

1 Petrus 4:11

Ari Allah wene yig isawon etno og hisarisi etno fam, Allah wene yig isaruk amuhup-o. Eke yalmag isawon etno og hisarisi etno fam, yalmag isaruk amuhup-o. At Allahen nineyabuk ninakeleg sik og nisebag etno fam, ariroho-at suruk amuhuk-o. Ariroho suruk amuhukmu, At Yesus Kristus inuk fam Allah-at nintul nantul suontepfuruk amuhuk-o. At Yesus Kristus suon oag weregsoho itog mondog werehon etno-at inuk suontepfuhuk-o. Demat yig hisihi-o.