Kisah Para Rasul 7:35 - Allah Wene Hurumbik Keron

³⁵ Eke fobik it Israel ap epmano inahla buruk wilil yig epag, ‘Hat Musa du sen ninowe welamag ulug minduhup haharisi-o?’ ulug yig ituk apahon oke, At Allahen malaikat etno engga fam hondok ambulpul laharuk ambeg epmano belabik wapagma, at malaikat etnowen Musa yig ituk wilil, ‘At Allahen it Israel ap epmano o Mesiren inili oko wilip isaruk amag ulug minduhup haharisi-o,’ ulug yig epag.

Kisah Para Rasul 7:35 ပူးပေါင်းရင်းမြစ်များ

Markus 12:26

Eke alem it warehon iniluksoho minamon etno farim kidia yig hisamin-o. At Musaen e mulip anggen hahon etno famen hondok ambulpul laharuk ambeg epmano weregma, At Allahen yig ituk wilil, ‘At Abraham Ikni An at-o, eke at Ishak Ikni An at-o, eke at Yakub Ikni An at-o,’ ulug yig epahon etno wene baleg fam wereg etno wanesirikip fureg uruk ahep ano?

Lukas 19:14

Yig isaruk apagma, it anggimbu epmanowen inambit haruk apareg, fobik at etno ombolim mutlug ayonggo lahap isaruk wilil, ‘Ap du ninowe suon welam ninambit-o,’ ulug uruk apag-o.

Yohanes 18:40

eke it epmanowen inune suon yig ituk wilil, “Ap du hibil nisamihin fug-o. At Barabas etno-at hibil nisimin-o,” ulug yig epag. Eke Barabas etno ebe dag suruk halug, hele warepfebahon oke, ariroho yig epag.

Yohanes 19:15

Yig isaruk apagma, it epmanowen inune suon uruk wilil, “Eleg-o, At ebe e fam lenggaloko umbulug mondog-at warepfin-o,” ulug yig epag. Yig ituk apagma, at Pilatus etnowen yig isaruk wilil, “Hit ariroho ehep ari, hinowe suon etno e fam lenggaloko umbukag ulug yig nerehep ano?” ulug yig isebag. Yig isaruk apagma, it Allah unde inowesi suon epmanowen yig ituk wilil, “Nit ninowe suon ari, at Kaisar misig akeleg-at wereg-o,” ulug yig ituk apagma,

Kisah Para Rasul 2:36

Eke At Yesus ebe ari hiren e fam lenggaloko watikip-o. Hiren watikibon oke, At Allahen nit Ninowe Kristus suon ulug minduhupfirisi-o,” ulug at Petrusen yig isebag.

Kisah Para Rasul 3:22

Eke at Musaen amuk yig hisaruk wilil, ‘At Hinikni Allahen an lahap nabik wapag etno hag, ap hiron hinili warukon misig belap hisa waruhu-o. Belap hisa waruhumu, aren yig hisarukon etno hinesanggo fanoroho holtuk amuhup-o.

Kisah Para Rasul 5:31

Minduhupfirisireg, At Allah inggik bikit fil imbik laharisi-o. Imbik laharisireg, At Yesus ap suon etnowen inili waruk wilil it Israel aphe inim iren dag surukon epmano sohorep isalug inapelegsoho apma imbiseheg suruk amag ulug imbik laharisi-o.

Kisah Para Rasul 7:30

Eke at ebe fobik empat puluh tahun o etno weregma, dom Sinai almen e engga fam hondok ambulpul neken laharukmu ahla malaikat misig weregma hebag.

Kisah Para Rasul 7:51

Hiniluk heheg oke, urunanggeroho suruk ahep-o. Eke hit ariroho suruk ahep ari, it Allah wene waruk elehonen suruk epmano hag suruk ahep-o. Ariroho suruk wilil, Allah wene etno hinindimu ebetuk eleg wilil, it hinetamukien bilin Roh Kudus sebe suruk apag etno hag, suruk ahep hisihi-o.

Kolose 1:15

At Allah ninilanggen haruk ahe fuhon ahut etno At Kristus-at wereg-o. Eke yi angge di angge obog wal hebahon epmano At Amloho misig aron etno apma-at wereg-o.

Ibrani 2:2

Eke it boholma malaikat epmanowen wene du demat-o, ulug yig isebahon etno iniluk apahon oke, eke fobik it ninen wene etno fanoroho weheg eleg isaruk apareg, onggo ilitoho-at og isebag-o.

Wahyu 15:3

Og isaruk atisimu, eke it epmanowen at Musa Allah anggimbu etno inim, eke At Wam Domba Udag etno inimen di uruson etno iren uruk wilil, “Ninikni suon Allah wai. Haren sukfuganggeroho suruk ahen etno fanowon demat suruk ahen-o. Ari halug, it yi aphe di aphe Inowe suon Hat-at welahen-o, Ninowe.