Kisah Para Rasul 6:9 - Allah Wene Hurumbik Keron

⁹ Sil nurukmu, it Yahudi ap nin inim winimug apag. Winimug apag etno, it Yahudi ap Allah wene uruk ambeg inuk Libertini soalfahon etno alem weregma, it Yahudi ap Sireniaon inim, eke Aleksandriaon inim, eke Kireniaon inim, eke Asiaon inim it obohen at Stefanus inim winimug apag.

Kisah Para Rasul 6:9 ပူးပေါင်းရင်းမြစ်များ

Matius 10:17

Eke fobik sen hinaplug, it ap Allah unde suon wene baltuk ambeg epmano inim, eke o Allah wene uruk ambeg epmano inim, hinombisahik lalug, epmanowen yikangge hinusuhup-o.

Matius 23:34

Ari halug, Anden yig hisamin-o. Anden it nabi ap inim, it ap inindi enggaron inim, eke it yanggul isarukon epmano inim hinambeg lahap isahukmu, hiren nin warep iseheg, it nin e fam lenggalep isalug paku waroko imbiseheg, eke it nin hit wene uruk ahep ambeg epmanowen hele lambisog war inabeheg, eke it nin o misihen muko wilip iseheg, o misihen wilip iseheg suruk amuhup-o.

Matius 27:32

Walug larukmu, ap ibam Kireneon misig inuk Simon etno inim salkal uruk apareg, yig ituk wilil, “Hat e du wimin-o,” ulug inune fanggogsoho yig ituk apareg,

Markus 13:9

Ariroho suhubon epmano hiniluk halug hinindimu yaha fanoroho welamuk-o. Hit hinebe sen hinaplug it ap suon wene baltuk ambeg inim, it Yahudi ap sembahyang uruk ambeg inim, og hinaplug hinombisahik laruk amuhupseg, yikangge hinusuhup-o. Eke hit hinebe epmano it yi ap di ap inowesi ininuk suon epmano inolohotma minduhup hisahakupmu, hiren An ninuk fam wene fano wene etno yig isaruk amag ulug og hinaplug inambeg hinombisahik lahup-o.

Lukas 21:12

Eke yi angge di angge epmano awan suruk eleg heheg, hit epmano hele warep hisalug, dahon etno hinobam umbuhup-o. Umburuk amuhupseg, o Allah wene uruk ambeg epmanowen hinunema wawag ulug hinebe og iseheg, eke aphe dahon kolap inaptuk ambeg epmano kolap hinabeheg eke hiren An ninuk eberoko wahup etno fam hinebe epmano it yi ap di ap inowesi ininuk suon epmano inolohotma minduhup hisahakeg suruk amuhup-o.

Kisah Para Rasul 11:20

Yig isil laruk apareg weregma, it nin o Siprus inim, o Kirene inim Allah wene webahon epmano o Antiokhia waharuk apareg, Ninowe Yesus wene fanowon etno it Allah wene inapelehon inim obog-at yig isebag.

Kisah Para Rasul 13:1

Eke it o Antiokhia aphe Yesus wene webahon epmano inanggelegma wilil, Allah wene yig iseheg, eke yi wene di wene yanggul iseheg surukon epmano ininuk Barnabas inim, Simeon eke inuk misig Niger etno inim, eke at Lukius, Kirene ap etno inim, eke at Menahem, inowe Herodes endag inapahon etno misig inim, eke at Saulus etno inim it obog welapag.

Kisah Para Rasul 13:45

Wonggalik waharuk apagma, it Yahudi aben inilanggen isaruk apareg, inambit isaruk wilil, at Paulusen ebahon etno, “Enggal ehek-o,” ulug yig isaruk apareg, at Paulus etno enggali wapag.

Kisah Para Rasul 15:23

Holal etno og isuog ulug wene holal umburuk wilil, “Hit ninomini o Antiokhia, Siria, Kilikia epma wilil, Allah wene hinapeleg welatikipseg warikibon epmano nit hinomini At Yesusen mondep nisahebahon inim, eke nit ap inaso werehon inimen heahi war hinaptuk ahe-o.

Kisah Para Rasul 15:41

Laruk apareg, o Siria, Kilikia inim ya keheg sil laruk wilil, it Allah wene warukon epmano inindi oag wereg amag ulug yig isaruk apag.

Kisah Para Rasul 16:6

Eke fobik it etano o Frigia Galatia inim yig isil nurukmu, At Roh Kudusen yig isaruk wilil, “Hit o Asia wene yig isa fug-o,” ulug yig isaruk apagma,

Kisah Para Rasul 18:24

Eke fobik it Yahudi ap misig inuk Apolos, o Aleksandriaen endag apahon etno o Efesus waharisi. Eke at ebe une wene fam baltuk wilil, Alkitab yi wene di wene obog ilukmu,

Kisah Para Rasul 19:10

Eke at ebe tahun biren inim wilil, yig isaruk heheg, it Asia aphe inim, eke it Yahudi aphe inim, eke it Allah wene holtuk elehon inim, obog-at Allah wene inesanggo holtuk atusa.

Kisah Para Rasul 19:26

Eke kidia at Paulus etnowen yig isil larukon etno hiniluk-o. At Paulus etnowen yig isaruk wilil, ‘Aphe ininggiken waltehon ari Allah ebe fug-o,’ ulug yig isarukmu holtikip-o. Eke aren ariroho yig isarukmu, it aphe o Efesus duma, o Asia obog wene etno eberoko waruk atusa.

Kisah Para Rasul 21:27

Eke fobik ininggik sabiren angge welatusareg weregma, it ap Yahudi o Asia welatuson epmanowen at Paulus o Allah ibam weregma inilanggen haruk atusareg, ebe hog senetuk atusareg, it aphe wonggaltuson epmano yig isaruk wilil,

Kisah Para Rasul 21:39

at Paulus etnowen yig ituk wilil, “Hat demat ehen-o. An o Tarsus o Kilikia etnowen nebe Yahudi ap-at endag atuk seyahon etno o Tarsus suon etno-at welahi-o. Ariroho wilil, anden aphe duma wene misig yig isaminen haren yig nimin-o,” ulug yig ituk atisimu,

Kisah Para Rasul 22:19

eke anden yig ituk wilil, ‘Nowe-o, eke anden it hat hawene warukon epmano o Allah wene uruk ambehen muko wilip isalug, hele waroko yikangge war inaptikik etno it obog iniluk-o.

Kisah Para Rasul 22:3

“An nebe o Tarsus Kilikia etnowen Yahudi ap-at endag atuk seyareg oke, o Yerusalem dumen at Gamaliel etnowen yanggul nituk wilil, it ninetamukien wene duroho suruk amuk eke duroho suruk am fug ulug ebahon etno fikfag yanggul nepag-o. Eke hit Allah yabuk suk ulug kidia hinahla buruk ahep etno hag, an Allah yabuk suk ulug ariroho-at nahla buruk seyag-o.

Kisah Para Rasul 23:34

Imbik waharuk atusama, at Gubernur etno holal baloko wane suruk atisireg, at Paulus endag apag ambeg hinog warisi. Hinog waruk atisimu, at Paulusen yig ituk wilil, “An nebe o Kilikiaen endag atuk seyag-o,” ulug yig ituk atisimu,

Kisah Para Rasul 24:18

Laruk atikikseg, nindi fano amag ulug sukon etno arat suruk atikikseg, o Allah ibamen Allah ake imbiog ulug surukmu, it obog inilanggen nearusa. Ariroho nearusa ari, aphe anggolo ninim wilil narlog harlog surukmu nearusa fug.

Kisah Para Rasul 26:11

Yig isaruk atikikseg, eke fobik it o Allah wene uruk ambeg etno kuruk atikikseg, iren Yesus wene ninambit ukag ulug yikangge anggolo waroko wilip isarikik. Wilip isaruk atikikseg, eke fobik mondog nasine atuken o yatma inim heako war inabil nuruk atikik,” ulug at Paulus etnowen yig isarisi.

Kisah Para Rasul 6:10

Winimug aptuk apagma, at Stefanus etno Roh Kudus indimu kebareg yig itukmu, aren wene fanowon-at yig isaruk apag. Yig isaruk apagma, iren wene onggo keroho uk ulug inenggali apag.

1 Korintus 1:20

Ari halug, it ap ninindi wereg ulug inahla burukon epmano inebe kema welamuhup-o? Eke it ap nit wene unde welahe inahla burukon epmano inebe kema welamuhup-o? Eke it o dumen aphe inesanggo watukon ari o kema welamuhup-o? Eke it o kweanmen ninindi wereg ulug inune urukon epmano At Allahen arat urunanggeroho imbisarisi-o.

Galatia 1:21

Eke fobik o Siria, Kilikia epmano waharikik-o.