Kisah Para Rasul 6:8 - Allah Wene Hurumbik Keron

⁸ Nin eke at Stefanus etno At Allah ahien obam umburukmu, oag weregsoho sil nuruk wilil, elalintoho sukfugangge sil nuruk apag.

Kisah Para Rasul 6:8 ပူးပေါင်းရင်းမြစ်များ

Yohanes 4:48

Yig ituk apagma, At Yesusen yig ituk wilil, “Hit obohen An elalintoho sukfugangge suruk ahion epmano hinilanggen neahup fug halug, demat ulug ebebuhup fug-o,” ulug yig epag.

Kisah Para Rasul 6:10

Winimug aptuk apagma, at Stefanus etno Roh Kudus indimu kebareg yig itukmu, aren wene fanowon-at yig isaruk apag. Yig isaruk apagma, iren wene onggo keroho uk ulug inenggali apag.

Kisah Para Rasul 6:15

Denggeltuk apagma, it imam ap suon epmano obohen at Stefanus inilanggen fikfag wenag haruk apag. Wenaharuk wilil, at etno olohore malaikat ilitoho weregma hebag.

Kisah Para Rasul 6:3

Ari halug, hiren ap Roh Kudus inindimu werehon inebe sabiren angge-at heako imbisalihipmu, iren uang sumbut hisaruk amag ulug niren minduhup isul-o.

Kisah Para Rasul 6:5

Ulug it mondep isebahon epmanowen yig isaruk apagma, it obohen, “Ari fano ehep-o,” ulug yig isaruk apareg, ap inebe sabiren angge heako imbisebag. It heako imbisebahon epmano ininuk misig at Stefanus Roh Kudus indimu kuruk apagma, Allah wene fanoroho webahon etno inim, eke misig inuk Filipus etno inim, eke misig inuk Prokhorus etno inim, eke misig inuk Nikanor etno inim, eke misig inuk Timon etno inim, eke misig inuk Barmenas etno inim, eke misig inuk Nikolaus o Antiokhia epmen Allah wene apeleg neken wilil, fobik it Yahudi aben wene urukmu webahon etno inim, heako imbisebag.

Kisah Para Rasul 7:55

Inambit haruk iseheg, eke at Stefanus etno Roh Kudus indimu kuruk apagma, ilanggen boholma lahaboho wilil, At Yesus etno Allah inggik bikit fil inim weregma isebag.

Kisah Para Rasul 8:6

Yig isarukmu, it aphe obog fanoroho inesanggo holtuk iseheg, aren sukfugangge surukmu inilanggen hebag.

Efesus 4:11

Eke wene yi angge di angge epmano og isarisi ulug wereg ari, At Kristusen it nin At Allah wene yig isil lawag ulug mondep isarukon etno inim, eke it nin Allah wene hurumbik yig isarukon epmano inim, eke it nin wene fano wene yig isil larukon epmano inim, eke it nin Allah udaki inaso wilil yanggul isarukon epmano inim og isaruk wilil minduhup isarisi-o.

1 Timotius 3:13

Eke it yabuk surukon etnowen yabuk mondog fano suruk isalug, fobik it ininuk-at suontepfuhup-o. Eke At Ninowe Yesus Kristus awene demat ulug uruk aheon etno it duen fanoroho yig nisahup, ulug inindi ebetuk amuhup-o.