Kisah Para Rasul 6:7 - Allah Wene Hurumbik Keron

⁷ Minduhup isebareg weregma, Allah wene su atuk haruk apareg, it nin obog o Yerusalem etnowen Allah wene webag. Waruk apagma, it imam ap suon nin inim Allah wene waruk apag.

Kisah Para Rasul 6:7 ပူးပေါင်းရင်းမြစ်များ

Matius 19:30

Eke it kidia bilin neken werehon ari fobik amuhup-o. Eke it nin fobik neken werehon epmano bilin amuhup-o,” ulug yig isebag.

Lukas 2:34

Fog suruk apagma, at Simeon etno ahien inobam umburuk apareg, at isina Maria etno yig ituk wilil, “It Israel aphe epmano nin bule ambeheg, nin minaheg sukag ulug At Allahen udag du minduhupfirisireg fam, it apheyen herako inahla burukon epmano selegma amag ulug At Allahen udag du belabik waharision oke, it aphe ninen ninambit ulug uruk amuhup-o.

Yohanes 12:42

At Yesaya etnowen bilin ahurumbik yig isaruk apagma, fobik it Yahudi ap inowesi epmano ninen At Yesus obam ebetuk apahon oke, o Allah wene uruk ambeg epmanowen wilip nisahuk nowen ulug, it Farisi ap epmano inakol isaruk wilil, At Yesus awene etno selegma eheg eleg-at welapag.

Kisah Para Rasul 12:24

At etno waratuk apagma, Allah wene etno o ahik ya da obog-at su apag.

Kisah Para Rasul 13:8

at Bar Yesus inuk it Yunani inune fam Elimas soalfahon etnowen iren wene ebahon etno seberoho embebag. Seberoho umburuk apareg, it inowe Sergius Paulus etno Allah wene wa nowen ulug inune sahalfag.

Kisah Para Rasul 14:22

Laruk apareg, it aphe o epma Allah wene warukon epmano inesanggo watuk wilil, “Hit At Allah weregma kuhuben yi wene di wene dahon epmano hinobam umburuk iseheg, At Yesusen wene ebahon epmano fanoroho eberoko waruk amuk-o,” ulug yanggul isaruk apareg,

Kisah Para Rasul 19:20

Ariroho hondok yaltuk atusama, At Allah wene etno oag weregsoho obog-at su atisi.

Kisah Para Rasul 2:47

Inahientoho wilil, At Allah wa ulug suontepfuruk weregma, it ninen inahien inobam embebag. Inahien isaruk apareg weregma, At Allahen nintul nantul it inili webahon epmano at misig obam seberoho embeheg, at misig obam seberoho embeheg suruk apag.

Kisah Para Rasul 21:20

Yig isarukmu, it epmano inesanggo holtuk atusareg, it obohen At Allah inuk suontepfurusa. Suontepfuruk atusareg, at Paulus yig ituk wilil, “Ninomin-o, kidia nit dumen surukukon yig himul-o. It Yahudi ap epmano inebe beribu ribu Yesus inuk warusareg oke, it at Musaen wene duroho suruk amuk eke duroho suruk am fug ulug ebahon etno-at senetuk-o.

Kisah Para Rasul 6:1

Eke fobik, it nin anggolo Allah wene waruk apagma, it Yahudi ap Yunani une urukon epmano uruk wilil, “Nintul nantul uang sumburoko og isaruk ahebon oke, hweap niron suhweon etno sohorep isehep-o,” ulug it Yahudi ap inune urukon epmano inim winimug apag.

Roma 1:5

Ariroho yig nisebag etno fam, it yi aphe di aphe Allah wene inesanggo holtuk wilil, At inuk suontepfuruk amag ulug, nit At ninim hunduhuk wilil, mondep nisahik wapag-o.

Roma 16:26

Eke wene amuk heraho neken welapahon etno it nabi aben hurumbik wene holal embebag etno fam selegma bukaloko yig nisebag-o. Eke ariroho yig nisebag ari, At Allah ilukon itog mondog werehon etnowen ariroho yig isil alu-o ulug mondep isebareg fam, it yi aphe di aphe o ahik ya da werehon epmano obog-at iniluk amag ulug yig isil laruk-o. Eke ariroho yig isil laruk ari, it aphe obog inim, eke it bilin Allah wene inapeleg welatuson epmano inimen, wene etno inesanggo holtuk wilil ilitoho suruk amag ulug yig isil laruk-o.

Galatia 1:23

Eke it ninen uruk atuson epmano-at iniluk welatusa-o, eke it ninen uruk wilil, “At ap bilin nit war ninabiog ulug mug ninaplug larision etnowen kidia wene bilin elehapsiog ulug sirision etno it apheyen eberoko wawag ulug yig isil nuruk-o,” ulug ariroho nabug urusa famen,

Galatia 6:10

Eke ari halug, ninebe niniluk wilil, it aphe werlekon hag fanowon etno inobam imbiseheg suruk am oke, it ninomini ninim Allah wene waruk aheon epmano mondog-at fanowon etno inobam imbisaruk amuk-o.

Kolose 1:6

Eke wene fano wene ari o ahik ya da ya laheg da laheg suruk halug, hit weregma-at waharisi-o. Waharukmu, At Allah ahien inobam umburuk halug, hit ariroho-at hinesanggo holtikipseg fam At Allah ahien hinobam umburuk-o.

2 Tesalonika 1:8

Ambik wamuhupseg, it inahondok eral ambulpulon etno fam it Allah inapelehon epmano o dagma imbisahup-o. Ariroho imbisahup ari, it At Ninowe Yesus awene fano wene inesanggo holuk inamberakon epmano inim-at nintul nantul o hondok olok inaruk aruhu ambeg epma welamag ulug imbisahup-o.

2 Timotius 2:9

Ariroho yig isil nuruk ahi etno fam, dahon etno nobam umburuk atusareg, ap dahon neken-at hele war naptusa; an nebe hele war naptuson oke, Allah wene etno hele wareg wereg eleg-o.

Ibrani 11:8

Eke at Abraham etno Allahen yig ituk wilil, “Hat hudaki hetamuki unde welamuhup ambeg epmano-at lag-o,” ulug wol haruk apagma, indimuen demat ulug ebetuk apareg, esanggo holfag. Holtuk apareg, o lao ambeg epmano apelehon oke, arat lebag.

Ibrani 5:9

lluk atuk apagma, At ebe it yi aphe di aphe obog-at yanggul isarukon welamag ulug minduhupfebareg fam, it yi aphe di aphe At une inesanggo holtuk isalug, inilioko iniluk welamon etno-at og isaruk amag ulug inggikmu embebag-o.

Yudas 1:20

Eke hit nomini nindi hunduhuk welahion etno Allah wene fanowon etno waruk wilil, At Roh Kudus oag werehon etno inuk fam sembahyang uruk amuhup-o.

Yudas 1:3

Nomini-o, alem At Allahen hit hinili warukon etno holal baloko og hisaminen ulug bihireg fam, fobik it inenggal urukon epmano hit hinune yig isahuben ulug holal baloko og hisaminen ulug nahla bihi-o. Wene At Allahen udaki yig isebahon etno waruk wilil welamuhuben ulug yig hisaminen ulug nahla bihi-o.