Kisah Para Rasul 6:5 - Allah Wene Hurumbik Keron

⁵ Ulug it mondep isebahon epmanowen yig isaruk apagma, it obohen, “Ari fano ehep-o,” ulug yig isaruk apareg, ap inebe sabiren angge heako imbisebag. It heako imbisebahon epmano ininuk misig at Stefanus Roh Kudus indimu kuruk apagma, Allah wene fanoroho webahon etno inim, eke misig inuk Filipus etno inim, eke misig inuk Prokhorus etno inim, eke misig inuk Nikanor etno inim, eke misig inuk Timon etno inim, eke misig inuk Barmenas etno inim, eke misig inuk Nikolaus o Antiokhia epmen Allah wene apeleg neken wilil, fobik it Yahudi aben wene urukmu webahon etno inim, heako imbisebag.

Kisah Para Rasul 6:5 ပူးပေါင်းရင်းမြစ်များ

Matius 23:15

Eke hit wene unde epmano inim, eke hit Farisi ap epmano inim hinenggal-at uruk ahep du hinabua-o. Eke at ap misihen nit Yahudi ap ninawene etno wawag ulug so fam ik laut ikma laheg, eke o ahik ya da laheg suruk ahebon ari, fobik arat waruk halug, hit o dagma lahubon epmanowen at ebe o dagma lawag ulug dag surukon etno-at yanggul ituk ahep-o.

Kisah Para Rasul 11:19

Eke at Stefanus etno helep fam waroko umburuk apareg, eke it Allah wene warukon epmano inusuog ulug urukmu hite wilip apahon epmanowen o Fenisia inim, eke o Siprus inim, eke o Antiokhia inim wene fano wene etno it Yahudi ap-at yig isil lebag.

Kisah Para Rasul 11:20

Yig isil laruk apareg weregma, it nin o Siprus inim, o Kirene inim Allah wene webahon epmano o Antiokhia waharuk apareg, Ninowe Yesus wene fanowon etno it Allah wene inapelehon inim obog-at yig isebag.

Kisah Para Rasul 11:22

Warukmu, it Yerusalem aphe Allah wene warukon epmanowen inesanggo holtuk apareg, at Barnabas etno o Antiokhia etno lahapfebag.

Kisah Para Rasul 11:24

Eke at Barnabas etno obabut fano mondog weregma, Roh Kudus indimu kurukmu, wene fanowon etno obam ebereg mondog welapag. Weregma, eke it aphe obog epmano Yesus wene eberoko webag.

Kisah Para Rasul 11:26

Laruk apareg, ebe heako walug inim o Antiokhia etno wapag. Waharuk apareg, it Antiokhia aphe Allah wene warukon epmano tahun misig inim wilil, it yi aphe di aphe obog-at yanggul isaruk apag. Yanggul isaruk weregma, o Antiokhia etnowen it Yesus, Allah wene warukon ininuk Kristen ap ulug soal inapag.

Kisah Para Rasul 11:27

Soal inaptuk apareg wilil, it nabi ap inebe dorat o Yerusalemen Antiokhia wapag.

Kisah Para Rasul 13:1

Eke it o Antiokhia aphe Yesus wene webahon epmano inanggelegma wilil, Allah wene yig iseheg, eke yi wene di wene yanggul iseheg surukon epmano ininuk Barnabas inim, Simeon eke inuk misig Niger etno inim, eke at Lukius, Kirene ap etno inim, eke at Menahem, inowe Herodes endag inapahon etno misig inim, eke at Saulus etno inim it obog welapag.

Kisah Para Rasul 15:22

Yig isaruk apagma, it mondep isebahon epmano inim, eke it ap inaso werehon epmano inim, it Allah wene warukon obog inim wene baltuk apareg, nit obog ninanggelegmen it ap misig misig fuloko imbisalug, it Paulus Barnabas inim o Antiokhia epma lahap isul-o, ulug uruk apareg, at Yudas, inuk Barsabas inim eke at Silas inim it biren etano inobabut fano isaruk apareg, heag inapag. Heag inaptuk apareg, holal etno og isebag.

Kisah Para Rasul 2:4

Inilanggen hebareg weregma, eke fobik it Roh Kudus inindimu kebahon epmanowen yig isarukmu, it o ahik ya da inune iniluk wilil, inune yion dion obog-at uruk apag.

Kisah Para Rasul 21:8

Laruk atukukseg, at Filipus Allah wene yig isaruk amag ulug it inebe sabiren angge o Yerusalemen bilin fuloko minduhup isaruson epmano misig ibam ninim welatukuk.

Kisah Para Rasul 22:20

Eke at Stefanus hat hawene yig isarukon etno watukmu, nilanggen isaruk atikikseg, anden fano watuk ahep ulug it ap watukon epmano inasum aso welatikik-o,’ ulug anden At Allah yig ituk atikikmu,

Kisah Para Rasul 6:10

Winimug aptuk apagma, at Stefanus etno Roh Kudus indimu kebareg yig itukmu, aren wene fanowon-at yig isaruk apag. Yig isaruk apagma, iren wene onggo keroho uk ulug inenggali apag.

Kisah Para Rasul 6:3

Ari halug, hiren ap Roh Kudus inindimu werehon inebe sabiren angge-at heako imbisalihipmu, iren uang sumbut hisaruk amag ulug niren minduhup isul-o.

Kisah Para Rasul 6:8

Nin eke at Stefanus etno At Allah ahien obam umburukmu, oag weregsoho sil nuruk wilil, elalintoho sukfugangge sil nuruk apag.

Kisah Para Rasul 7:1

Haruk apareg weregma, at imam suon etnowen Stefanus etno hinog waruk wilil, “Hat hobam denggel habehesa du demat ehesa ano?” ulug hinog webag.

Wahyu 2:15

Eke ari hag, it Nikolaus omini epmano dahan fahan yang­gul isarukon etno hinim welahep-o.

Wahyu 2:6

Eke alem misig ari, it Nikolaus omini epmanowen surukmu anden nambit isaruk ahi etno hag, hiren hinambit isaruk ahep ari fano at-o?