Kisah Para Rasul 6:3 - Allah Wene Hurumbik Keron

³ Ari halug, hiren ap Roh Kudus inindimu werehon inebe sabiren angge-at heako imbisalihipmu, iren uang sumbut hisaruk amag ulug niren minduhup isul-o.

Kisah Para Rasul 6:3 ပူးပေါင်းရင်းမြစ်များ

Matius 23:8

Ariroho suruk oke, eke hit hag apheyen ‘Ninowe yanggul nisarukon’ ulug yig hisao ari hai-o. Hit obog nomin homin welahep etno fam, hinowe ebe misig-at wereg-o.

Yohanes 21:23

Ariroho yig epahon etno it ap At Yesus awene warukon epmanowen iniluk atuk apareg uruk wilil, “Ap At Yesus omin misig du wararuhu fug-o,” ulug inahla bebahon oke, At Yesusen ap ari mondog wararuhu fug ulug ebag fug-o. We ap du An awan waharuk eleg neyeheg iluk-at welamag-o, ulug nahla belemen, haren elen fug-o, we nakelehen-at nahla bele-o, ulug wene ebe eta-at yig epag-o.

Kisah Para Rasul 1:15

At Yesus omini inim, eke it nin inim inebe seratus dua puluh wonggaltuk apareg balureg wilil, at Petrus etno inanggelegmen minatuk apareg, yig isaruk wilil,

Kisah Para Rasul 1:21

“Ari halug, nomini-o. Ap misig nit ninim At Yesus iluksoho minduhupfebahon wene etno yig isil nuruk amuhuken minduhupfuk-o. Eke ap ebe At Yesus ninim nintul nantul sil nuruk atukukon etno-at minduhupfuk-o. At Yohanesen Yesus ikma belapfebag etno famen At Yesus etno boholma laharisimu, ninim welatukukon etno minduhupfuk-o,” ulug yig isaruk apagma,

Kisah Para Rasul 10:22

“At ninowe Kornelius lahap nisa waharisimu wahe-o. Eke at Kornelius ebe etno fano wilil, At Allah inuk suontepfurukmu, it Yahudi ap epmanowen ninomin ulug fog suruk-o. Eke at Kornelius etno Allah malaikat misihen yig ituk wilil, at Petrusen wene yig hiriog ulug hibam wamagsoho ayonggo lawag-o,” ulug Kornelius yig epahon etno At Roh Kudusen fobik Petrus yig epag.

Kisah Para Rasul 15:23

Holal etno og isuog ulug wene holal umburuk wilil, “Hit ninomini o Antiokhia, Siria, Kilikia epma wilil, Allah wene hinapeleg welatikipseg warikibon epmano nit hinomini At Yesusen mondep nisahebahon inim, eke nit ap inaso werehon inimen heahi war hinaptuk ahe-o.

Kisah Para Rasul 16:2

Ariroho weregma, it o Listra Ikonium inimen at Titus etno obabut fano hehe, ulug urukmu isaruk apareg,

Kisah Para Rasul 2:4

Inilanggen hebareg weregma, eke fobik it Roh Kudus inindimu kebahon epmanowen yig isarukmu, it o ahik ya da inune iniluk wilil, inune yion dion obog-at uruk apag.

Kisah Para Rasul 22:12

Nombahik waharusareg weregma, o Damsyik epma ap misig inuk Ananias Allah wene holtug bilin wene duroho suruk amuk eke duroho suruk am fug ulug ebahon etno esanggo holtukmu, it Yahudi ap obohen ap du fano ulug uruk atuson etno nambeg waharisireg, yig nituk wilil, ‘Nomin Saulus wai. Hat hilanggen fenggen amin-o,’ ulug yig nituk atisimu, nilanggen fenggen atuk atikikseg, at ebe yetsoho weregma,

Kisah Para Rasul 28:14

Waharuk atukukseg, o epma it aphe Yesus wene warukon nin heag inaptuk atukukmu, iren sembahyang misig ninim welamuhuk ulug yig nisarusa. Yig nisaruk atusama, ninim welatukukseg, fobik o Roma wamuog ulug surukuk.

Kisah Para Rasul 6:2

Winimug aptuk apagma, it mondep isebahon epmanowen it Allah wene warukon epmano obog wonggalep isalug, yig isaruk wilil, “Niren Allah wene yig hisa sohorep isalug, uang akeleg-at sumbut hisao ari hai-o, nomini.

Kisah Para Rasul 6:5

Ulug it mondep isebahon epmanowen yig isaruk apagma, it obohen, “Ari fano ehep-o,” ulug yig isaruk apareg, ap inebe sabiren angge heako imbisebag. It heako imbisebahon epmano ininuk misig at Stefanus Roh Kudus indimu kuruk apagma, Allah wene fanoroho webahon etno inim, eke misig inuk Filipus etno inim, eke misig inuk Prokhorus etno inim, eke misig inuk Nikanor etno inim, eke misig inuk Timon etno inim, eke misig inuk Barmenas etno inim, eke misig inuk Nikolaus o Antiokhia epmen Allah wene apeleg neken wilil, fobik it Yahudi aben wene urukmu webahon etno inim, heako imbisebag.

Kisah Para Rasul 6:6

Heako it mondep isebahon epmano inolohotma imbisaruk apagma, it mondep isebahon epmanowen inungguluag ininggik seneg wilil, sembahyang uruk apareg, minduhup isebag.

Kisah Para Rasul 9:30

Wabuog ulug surukmu, at Saulus omini epmano inesanggo holtuk apareg, at Saulus ebe walug o Kaisarea etno imbik laruk apareg, epmen o Tarsus lawag ulug lahapfebag.

1 Korintus 12:8

Eke it aphe inindi wereg amag ulug wene yig isarukon etno At Roh Kudusen ap misig og ituk-o. Eke it aphe yi angge di angge alem iniluk amag ulug wene yig isarukon etno At Roh Kudusen ap misig og ituk-o.

1 Korintus 16:3

Umburukmu, eke an fobik waharuk aruhukseg, it ap hiren fuloko imbisahubon epmanowen uang og isahubon etno o Yerusalem imbik lawag ulug anden holal baloko og isalug mondep isahuk-o.

Efesus 5:18

Eke hit hinebe nenek suruk wilil, uk olokon hinobam ombatehep ha nowen e anggur ambusu etno donggogsoho na fug-o. At Roh Kudus etno-at hinindimu kelegsoho welam ari fano-o.

1 Timotius 5:10

eke it apheyen hwe du fano mondog suruk-o, ulug urukon inim, eke udaki fanoroho endag inaptukon etno inim, eke ap huso waharukmu orom fanoroho menag isarukon etno inim, eke it Allah udakion iniog fanoroho ho surukon etno inim, eke it aphe yi angge di angge elehon fanoroho og isarukon etno inim, eke yi seheg di seheg fanoroho surukon etno inim, hweap suhweon etno ariroho wereg isalug ininuk holal fam umburuk amin-o.

Yakobus 1:17

Eke yi angge di angge fanowon og nisaruk epmano boholmen-at og nisaruk-o. At Allah boholma mo, bikalem, soholoal embebahon etnowen-at og nisaruk-o. Eke At Allah etno itog mondog wereg-o. At olohore nomog uruk wilil, o hik og nisaruk eleg-o.

3 Yohanes 1:12

Ari halug, at Demetrius etno obabut fano-at wereg-o, ulug it obohen yig nituk-o. At obabut fano wereg ulug, Allah wene etnowen yig nituk-o. At obabut fano wereg ulug, anden ariroho demat ulug yig hituk ahi-o.