Kisah Para Rasul 6:14 - Allah Wene Hurumbik Keron

¹⁴ Eke at Stefanus etno At Yesus Nazareton etno awene uruk wilil, ‘At Yesus etno o Allah ibam mialoko umbulug, Musaen komo yig nisebahon etno olohore ninon neken-at umbuhu-o,’ ulug at Stefanus etnowen urukmu ninesanggo holehe-o,” ulug it epmanowen inenggal-at Stefanus obam denggelfag.

Kisah Para Rasul 6:14 ပူးပေါင်းရင်းမြစ်များ

Matius 26:61

uruk wilil, “At ap duen o Allah ibam du mialepfuhukseg, ninggik henahan welatlug ubulukmu faluhuk ulug irisi-o,” ulug ebag.

Markus 14:58

Obam denggeluog ulug uruk wilil, “At etnowen o Allah ibam ap ininggiken falfahon du mialepfuhukseg, ninggik henahan welatlug ubulukmu it ap ininggiken faltuk etno hag faluhuk fug-o. Anden faluhuk ari akeleg neken-at faluhuk irisi-o,” ulug uruk apareg,

Lukas 21:24

Mialoko umburuk amuhupseg, it nin karog fam inuseheg, eke it nin hele waroko o ahik ya da lahap iseheg suhup-o. Eke o mialukon etno awan arat suruk eleg iseheg, it aphe selema Allah wene inapelehon epmanowen o Yerusalem iniog hendan fil haruk amuhup-o,” ulug yig isebag.

Lukas 21:6

“Helep obam dambuk falehon hinilanggen haruk ahebon ari fobik mial aruhu-o. Misig ulug mondog welaruhu fug-o,” ulug yig isebag.

Yohanes 2:19

At Yesusen yig isaruk wilil, “Hiren o Allah ibam du mialoko umburuk hisalug, Anden ninggik henahanam faluhuk-o,” ulug yig isebag.

Yohanes 4:21

Yig ituk apagma, At Yesus etnowen yig ituk wilil, “Hwe du, hat Anden yig hipminon etno hindi eberin-o. Fobik dom du famen inim, o Yerusalemen inim At Ninikni etno obam sembahyang uhup fug-o.

Kisah Para Rasul 15:1

Fobik it ap nin o Yerusalemen Antiokhia waharuk apareg, o epma it aphe Allah wene warukon epmano yig isaruk wilil, “At Musaen hinudaki iniyunggul ambilik baliuk ulug yig isebahon etno baltuk eleg hisalug, fobik hinili wahu fug-o,” ulug yig isaruk apagma,

Kisah Para Rasul 21:21

Ariroho surukmu, it ninen yig isaruk wilil, ‘At Paulus etnowen it Yahudi ap o ahik ya da Allah wene inapelegke yig isil nuruk-o. Ariroho yig isil nuruk wilil, hit Yahudi ap oke, at Musaen wene duroho suruk amuk eke duroho suruk am fug ulug ebahon etno sohorep isalug, hinudaki iniyunggul ambilik bal inabuk fug-o,’

Kisah Para Rasul 25:8

Yig ituk atusama, at Paulusen wene onggo yig isaruk wilil, “An it Yahudi aben wene duroho suruk amuk eke duroho suruk am fug ulug ebahon etno inim, eke o Allah ibam etno inim, eke it Roma ap inowe Kaisar etno inim dag seko imbisiog ulug sirikik fug-o,” ulug yig isarisi.

Kisah Para Rasul 28:17

Imbik laruk atusama, inggik henahanam welatisireg, at Paulusen it Yahudi ap inowesi Romaon epmano wonggaliek ulug yig isaruk atisimu, it epmano obog-at wonggalik waharuk atusama, at Paulusen yig isaruk wilil, “Nomini-o, an it ninetamukien wene duroho suruk amuk eke duroho suruk am fug ulug yig nisebahon etno seberoho imbirikik fuhon oke, it Yahudi aben o Yerusalemen hele warep naharuk atusareg, nebe it Roma ap og isarusa.

Galatia 3:19

Eke ari halug, wene duroho suruk amuk eke duroho suruk am fug ulug ebahon etno nongge farim yig isebag-o? Eke ari, it apheyen dag surukon epmano du dag-o ulug bukal amag ulug yig isebag-o. Eke wene duroho suruk amuk eke duroho suruk am fug ebahon ari, at Abraham etamu abug yig epahon etno ebe awan waharuk eleg heheg yig isebag-o.

Galatia 3:23

Eke At Yesus Kristus obam ebebukon etno ebe awan eleg heheg, wene duroho suruk amuk eke duroho suruk am fug ulug ebahon etno fam ninebe hele waroko neken ninombisaharisi-o. Eke At Yesus etno arat waharuk apagma, At obam ebebukon epmano arat selegma atisi-o.