Kisah Para Rasul 6:11 - Allah Wene Hurumbik Keron

¹¹ Inenggali atuk apagma, it epmanowen at Stefanus obam denggeluog ulug ap misig misig yig isaruk wilil, “Hiren at Stefanus obam denggelik aliek-o, eke at Stefanus etnowen it Musa inim, Allah inim inobam denggeltuk wilil urukmu hehe-o,” ulug ariroho it imam ap suon epmano yig isa lalihip-o, ulug it Yahudi ap epmanowen onggo og isaruk wilil yig isebag.

Kisah Para Rasul 6:11 ပူးပေါင်းရင်းမြစ်များ

1 Timotius 1:13

Eke anden At Yesus nune dahon yig ereheg, eke At udaki muko wilip iseheg suruk atikikon epmano At Yesusen hindi wereg atuk halug, an nanggimbu welaruhun-o, ulug sohorep naharisi fug-o. Eke an bilin Allah wene napelegma dag suruk nealug, At Allahen nabua nearisi-o.

Roma 3:8

Eke ari halug, nit At Allahen fano ninabukag ulug dag-at suk-o ulug ukon ari fano buruk ahep ano? Ari eleg-o. Eke it aphe ninen at Paulus ariroho-at uruk-o ulug inenggal-at nobam denggeltuk-o. Eke it ariroho nobam denggeltukon epmano o dagma imbisahu ari fano at-o.

Kisah Para Rasul 25:7

Yig isaruk atisimu, at Paulus etno inambeg waharuk atisireg weregma, it Yahudi ap o Yerusalemen waharuson epmano inim horogsoho minduhuk wilil, inune dahon obam denggeluog ulug alem elehon inenggal-at heako yig itusa.

Kisah Para Rasul 25:3

Obam denggeltuk atusareg, At Paulus o Yerusalem duma lahap nisa waruhun-o, ulug at Festus kino yig ituk atusareg inahla buruk wilil, “Waharuk halug, kwalema wabuhuk-o,” ulug inahla buruk atusareg yig itusa.

Kisah Para Rasul 21:28

“Hit Israel ap du maniek-o. Ap du o ahik ya da wene yig isil nuruk wilil, nit Israel ap inim, at Musaen wene duroho suruk amuk eke duroho suruk am fug ulug ebahon etno inim, eke o Allah ibam duma inim obog seberoho ninombisaharuk etno hag, eke kidia it ap Allah wene inapelehon epmano o Allah ibam og inabik wahareg, o du niren usa uruk aheon etno oke, hairepfehek-o,” ulug urusa.

Kisah Para Rasul 18:6

Yig isaruk atisimu, it Yahudi ap inamberaken wene dahon etno obam umburuk atusama, at etnowen asum sabele hosaruk atisireg, yig isaruk wilil, “Hit hinobam dombog-at suruk ahep-o. Hit hinebe o dagma welamon etno hinonggarehen-at imig saruk ahep-o. Hiren an nobam yig num fug-o. An kidia it aphe Allah wene inapelehon epmano yig isa lamin-o,” ulug yig isaruk atisireg,

Kisah Para Rasul 15:21

Eke at Musaen wene duroho suruk amuk eke duroho suruk am fug ulug ebahon etno o amuk it Yahudi ap wene uruk ambehen o sembahyang fam yig nisaruk wilil, awene etno o ahik ya da yig nisaruk wereg-o,” ulug at Yakobus etnowen yig isebag.

Kisah Para Rasul 6:13

Umburuk apagma, it epmano inenggal at Stefanus obam denggeluog ulug waharuk apareg, yig isaruk wilil, “At Stefanus du o Allah ibamen surukon inim, Musa wene urukon etno inim nintul nantul seberepfuruk hehe-o.

Yohanes 16:3

Ariroho inahla buruk amuhup ari, iren An nebe inim, An Nikni etno inim inapelehen-at suruk wilil, inahla buruk amuhup-o.

Yohanes 9:29

Ariroho wilil, At Allahen Musa yig epahon etno niniluk-at welahe-o. Eke at ap du hag o epmen waharisi ulug nit ninapeleg-at welahe-o,” ulug yig epag.

Yohanes 1:17

Eke at Musaen wene duroho suruk amuk eke duroho suruk am fug ulug ebahon etno yig nisawag ulug At Allahen yig epahon oke, At Yesus Kristus etnowen ninabua nisawon wene etno inim, eke demat urukon wene etno inim yanggul nisawag ulug At Allahen yig epag-o.

Kisah Para Rasul 26:11

Yig isaruk atikikseg, eke fobik it o Allah wene uruk ambeg etno kuruk atikikseg, iren Yesus wene ninambit ukag ulug yikangge anggolo waroko wilip isarikik. Wilip isaruk atikikseg, eke fobik mondog nasine atuken o yatma inim heako war inabil nuruk atikik,” ulug at Paulus etnowen yig isarisi.

Kisah Para Rasul 6:10

Winimug aptuk apagma, at Stefanus etno Roh Kudus indimu kebareg yig itukmu, aren wene fanowon-at yig isaruk apag. Yig isaruk apagma, iren wene onggo keroho uk ulug inenggali apag.

Kisah Para Rasul 6:12

Yig isaruk apagma, it Stefanus obam denggelukag ulug lahap isebahon epmanowen it aphe nin inim, it imam ap suon epmano inim, eke it wene unde epmano inim, it obog-at yig isa lebag. Yig isa laruk apagma, it epmano inasine haruk apareg, at Stefanus etno aren baluog ulug senoko it imam ap suon epmano inolohotma embebag.