Kisah Para Rasul 6:1 - Allah Wene Hurumbik Keron

¹ Eke fobik, it nin anggolo Allah wene waruk apagma, it Yahudi ap Yunani une urukon epmano uruk wilil, “Nintul nantul uang sumburoko og isaruk ahebon oke, hweap niron suhweon etno sohorep isehep-o,” ulug it Yahudi ap inune urukon epmano inim winimug apag.

Kisah Para Rasul 6:1 ပူးပေါင်းရင်းမြစ်များ

Matius 23:13

Eke fobik At Yesusen yig isaruk wilil, “Hit wene unde etno inim, eke hit Farisi ap epmano inim hinenggal-at uruk ahep hinabua-o. Hit it aphe inil fam At Allah wereg ambeg kukon sok etno latuk ahebon oke, hit hinebe kuhup fug at-o. Eke hiren aphe kuog ulug surukon epmano kuk fug ulug winimug isaruk ahep hit wene unde epmano inim, eke hit Farisi ap epmano inim hinenggal-at uruk ahep du hinabua-o.

Kisah Para Rasul 11:20

Yig isil laruk apareg weregma, it nin o Siprus inim, o Kirene inim Allah wene webahon epmano o Antiokhia waharuk apareg, Ninowe Yesus wene fanowon etno it Allah wene inapelehon inim obog-at yig isebag.

Kisah Para Rasul 11:26

Laruk apareg, ebe heako walug inim o Antiokhia etno wapag. Waharuk apareg, it Antiokhia aphe Allah wene warukon epmano tahun misig inim wilil, it yi aphe di aphe obog-at yanggul isaruk apag. Yanggul isaruk weregma, o Antiokhia etnowen it Yesus, Allah wene warukon ininuk Kristen ap ulug soal inapag.

Kisah Para Rasul 11:29

Yig isebareg weregma, it Allah wene warukon epmanowen uang it inomini o Yerusalem werehon epmano og isuog ulug balu sebag.

Kisah Para Rasul 2:41

Yig isaruk apagma, it obohen wene yig isebahon etno eberoko waruk apagma, it inebe tiga ribu obam seberoho belap inapag.

Kisah Para Rasul 2:45

inaharek onggo baloko uang it inomini inaharek elehon epmano sumburoko og isaruk apag.

Kisah Para Rasul 2:47

Inahientoho wilil, At Allah wa ulug suontepfuruk weregma, it ninen inahien inobam embebag. Inahien isaruk apareg weregma, At Allahen nintul nantul it inili webahon epmano at misig obam seberoho embeheg, at misig obam seberoho embeheg suruk apag.

Kisah Para Rasul 4:35

Og isa laruk apagma, it mondep isebahon epmanowen sumburoko it inaharek elehon epmano og isebag.

Kisah Para Rasul 4:4

It etano kolap isaruk apagma, eke it aphe Allah wene yig isarukmu webahon epmano, inebe lima ribu-at webag.

Kisah Para Rasul 5:14

It nin inakolen bok apareg weregma, eke it nin Allah wene webahon epmano inim dambulik wapag.

Kisah Para Rasul 5:28

“At Yesus inuk fam aphe yig isa fug-o, ulug hinesanggo watukukon oke, eke hiren wene etno obog o Yerusalemen yig isaruk wilil, At Yesus etno it imam aben-at watusa-o, ulug yig isarikip-o,” ulug hinog og inaptuk apagma,

Kisah Para Rasul 6:2

Winimug aptuk apagma, it mondep isebahon epmanowen it Allah wene warukon epmano obog wonggalep isalug, yig isaruk wilil, “Niren Allah wene yig hisa sohorep isalug, uang akeleg-at sumbut hisao ari hai-o, nomini.

Kisah Para Rasul 6:7

Minduhup isebareg weregma, Allah wene su atuk haruk apareg, it nin obog o Yerusalem etnowen Allah wene webag. Waruk apagma, it imam ap suon nin inim Allah wene waruk apag.

Kisah Para Rasul 9:29

Yig isaruk wilil, it Yahudi ap inune Yunani une urukon epmano inim wene aptuk apareg, iren wabuog ulug sebag.

Kisah Para Rasul 9:39

Yig ituk apagma, at Petrus etno esanggo holtuk apareg inim wapag. Waharuk apareg, at hwe etno umbo weregma ha lahabag. Ha lahabareg weregma, fobik it hweap suhweon epmanowen ioba yatuk wilil, at hwe Dorkas etno iluk wilil sum inebemon inim, sum selemon inim yig isaruk apahon inggik seneg epmano unug ereheg suruk apag.

Kisah Para Rasul 9:41

Minduhupfuruk apareg, it Allah wene warukon inim, it hweap suhweon epmano inim wol isaruk apareg, yig isaruk wilil, “Hwe mondog warahaon etno iluk aha du hinilanggen himiek-o,” ulug yig isebag.

Roma 12:7

Eke yalmag inaptuk amag ulug nineyabuk og nisarisi halug, etno ilitoho yalmag inaptuk amuk-o. Eke yanggul isaruk amag ulug nineyabuk og nisarisi halug, etno ilitoho yanggul isaruk amuk-o.

1 Korintus 10:10

Eke it ninen ninambit ulug inune fog fog urukmu, at war inaptukon etnowen war inapag etno hag, nit ariroho ninambit ulug ninune fog fog uruk am fug-o.

2 Korintus 11:22

Eke it ap epmano inungguluag Ibrani ap wereg ano? Eke an hag ariroho-at welahi-o. Eke it hag Israel ap wereg ano? Eke an nebe ariroho-at welahi-o. Eke it hag at Abraham etamuki wereg ano? Eke an ariroho-at welahi-o.

Filipi 3:5

Eke an nebe Israel ap-at endag atuk seyag-o. Eke an nungguluag Benyaminon wilil, nebe Ibrani ap welahi-o. Eke it Yahudi aben wene duroho suruk amuk eke duroho suruk am fug ulug ebahon etno fam an nebe Farisi ap welatikik-o.

1 Timotius 5:3

Eke it hweap suhweon inasuki elehon halug yalmag inaptuk amin-o.

1 Timotius 5:9

Eke it hweap suhweon ari, enam puluh tahun inanggohon welapareg fam, eke ap misig-at oho welapahon halug,

Ibrani 13:1

Eke hit At Kristus hinim hinindi hunduhuk wilil, it hinomini hinim ariroho-at hinindi hunduhuk welamuk-o.

Yakobus 1:27

Eke At Ninikni Allah etno awene waruk nisalug, duroho suk-o; it udag inisasi elehon halug orom og iseheg, eke it hweap suhweon halug yalmag iseheg, eke kweanmen surukon etno seberoho embeheg suruk amuk-o.

Yakobus 4:5

Eke Alkitab fam weregma, yig nisaruk ari, “At Allahen ninindi og nisiog ulug, yi angge di angge nindi nindi urukon epmano inim-at og nisebag-o,” ulug wene holal embebahon etno ebe undama werehon hinahla buruk ahep fug ano?

Yakobus 5:9

Eke hit hinebe epmano At Allahen oag deloko o dagma hinombisahuk nowen, winimug abeheg eleg-at welamiek-o. Fobik ninaren baluhuon etno horog fanggog ik wariog ulug suruk-o, nomini.