Kisah Para Rasul 5:36 - Allah Wene Hurumbik Keron

³⁶ Eke horog kidia ap inuk Teudas etno an suon ulug waharuk apareg, omini empat ratus inim welapag. Inim weregma, at ebe watuk wilil, omini epmano obog muko wilip isaruk apagma, at une eleg apag.

Kisah Para Rasul 5:36 ပူးပေါင်းရင်းမြစ်များ

Matius 24:24

Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Matius 24:26

Eke it aphe ninen yig hisaruk wilil, “At ebe o limu epmano wereg etna hinilanggen bik ha alu-o,” ulug yig hisaruk isalug, hit o epma la fug-o. Eke it ninen, “At ebe o undama duma wereg-o,” ulug yig hisaruk isalug, demat ulug hinindi ebebuk fug-o.

Matius 24:5

Fobik it ap anggolo at waharuk amuhupseg, An ninuk fam yig hisaruk wilil, ‘An nebe Kristus-at welahi-o,’ ulug yig hisaruk amuhupmu, it aphe obog demat ulug inindi ebebuhup-o.

Kisah Para Rasul 21:38

Ari halug, hat hebe ap Mesiron misig etnowen it Roma ap inim wim abuhuken ulug bilin omini inebe empat ribu og inaplug o limu aphe eleg ambeg larision etno hat fug hiyihi-o,” ulug yig ituk atisimu,

Kisah Para Rasul 5:35

Minatuk apareg, yig isaruk wilil, “Nomini Israel ap wai. Hiren war inabuk ulug burukmu, orog-at sukag ulug yig hisaruk ahi-o.

Kisah Para Rasul 8:9

Eke o Samaria epma ap misig inuk Simon etno welapag. Epma wilil, aren sukfugangge elalintoho surukmu, it Samaria aphe epmanowen wi ulug fog suruk apag. Fog surukmu, at etnowen an suon ulug suontepataruk apagma,

Galatia 2:6

Eke it Allah udaki inowesi epmanowen at Paulus wene misig apeleg ulug yig nitusa fug-o. Eke it inowesi ari bilin ap kerohon welapag ulug an napeleg yuhun-at welahi-o. Eke At Allahen ap du olohore dahon, du olohore fanowon ulug yig isaruk eleg-o.

Galatia 6:3

Eke ap kimbuangge misig etnowen an suon welahi ulug ahla buruk halug, onggarehen urunanggerepataruk-o.

2 Petrus 2:18

It inenggal neken urunanggeroho urukon ari kweanmen surukon etno ninindi-o, uruk isalug, iren aphe inindi ebetuk elehon epmano og inaplug o dagma epma imbisuog ulug inindi kahalik waharuk-o.

2 Petrus 2:2

Suontepataruk amuhubon oke, eke it aphe nin inesanggo holuhup-o. Holtuk amuhupseg, demat wene etno seberepfulug sohorep isahup-o.

Yudas 1:16

Ari halug, dagma imbisahubon ari, it inambilik butuk urukon epmano inim, it inune inabuaregsoho uruk elehon epmano inim, yi angge di angge suk ulug inahla burukon epmano inim, iren suontepatarukon epmano inim, it inenggal-at, nomin hat fano, ulug yig itukon etno inim, it epmano obog-at o dagma imbisahubon wereg-o.

Wahyu 17:3

Yig nituk atisimu, At Roh Kudus omalaikat etnowen og naplug o limu aphe eleg ambeg epmano nom­bahik larisi-o. Nombahik laruk atisimu, at hwe misig walo suon etno amboloag fam horieg weregma, nilanggen harikik-o. Walo nilanggen harikikon etno olo­hore mebon wilil, yi dag di dag surukon epmano ininuk holal obam baleg weregma harikik-o. Eke walo ari ungguluag sabiren angge etno inim, ayeg ungguluag famen wili­bohon nomaloen angge etno inim weregma nil harikik-o.

Wahyu 17:5

Eke nin hwe etno ilahoag fam inuk herahowon holal baleg weregma harikik-o, inuk ari Babel suon, it inilag warukon etno inim, it kweanmen dag surukon epmano inim inisina du at-o ulug holal baleg etno weregma harikik-o.