Kisah Para Rasul 5:31 - Allah Wene Hurumbik Keron

³¹ Minduhupfirisireg, At Allah inggik bikit fil imbik laharisi-o. Imbik laharisireg, At Yesus ap suon etnowen inili waruk wilil it Israel aphe inim iren dag surukon epmano sohorep isalug inapelegsoho apma imbiseheg suruk amag ulug imbik laharisi-o.

Kisah Para Rasul 5:31 ပူးပေါင်းရင်းမြစ်များ

Matius 1:21

Eke udag ebe endetuk halug, inuk Yesus-at soaluhun-o. Eke it apheyen dag surukon elegsoho apma imbisalug inili wahu halug, inuk ari-at soaluhun-o.

Matius 28:18

Sembahyang uruk apagma, At Yesus etno it wereg ambeg horogsoho waharuk apareg, yig isaruk wilil, “An nebe etno suon wilil o boholma inim kweanma inim obog-at unde welamag ulug minduhup naharisi-o.

Markus 2:10

ulug yig isaruk apareg, “Eke An nebe At Allah it apheyen dag surukon epmano sohorep isalug inobam inapelegsoho apma imbisawag ulug minduhup naharision etno hiniluk atlihiben, hit hinil fam misig simin-o,” ulug yig isaruk apareg, eke at ap oag elehon etno yig ituk wilil,

Markus 4:12

Eke it epmano inilanggen harukon oke, inindi hag inapeleg-at welamuhup-o. Eke inesanggo holtukon oke, inindimuen weheg eleg-at welamuhup-o. Eke it yi dag di dag surukon epmano inindimuen bukaltuk isalug, At Allahen inobam inapelegsoho apma imbisa nowen ulug wene ilitoho neken-at yig isaruk ahi-o,” ulug yig isebag.

Lukas 2:11

Ari kidia dia At hinili wahuon etno o Daud welapag ambeg epmano endag aha-o. At Ninowe inuk Kristus at-o.

Lukas 24:47

Minduhupfuruk aruhumu, At inuk fam it apheyen dag surukon epmano sohorep isalug, inobam inapelegsoho imbisawon wene etno it Yerusalem aphe bilin yig iseheg, eke it aphe o kweanma inungguluag obog werehon epmano fobik yig iseheg suruk amuhup-o, ulug nahurumbik bilin embebahon epmano yig hisihi-o.

Yohanes 4:42

at hwe etno yig ituk wilil, “Nit bilin haren yig nisehenon etno fam At obam ebereheon etno sohorep isalug, kidia ninonggarehen At une ninesanggo holtuk ahereg, Ap du nit kweanmon ninili warukon demat-o ulug ninahla buruk ahereg, ninindi ebetuk ahe-o,” ulug yig epag.

Kisah Para Rasul 11:18

Yig isaruk apagma, inesanggo holtuk apareg, iren, “Bilin ninune fanggogsoho eheon etno yig ituk sohorep isul, ulug inahla buruk apareg, At Allah inuk suontepfuruk apareg, uruk wilil, ari halug, At Allahen it At awene inapeleg welatuson epmano iren dag suruk atuson sohorep isalug, iniluk welamon wene etno og isaruk hehe-o,” ulug uruk apag.

Kisah Para Rasul 13:23

Uruk apareg, fobik at Daud etamu Yesus etno it Israel aphe inili wahu-o ulug hurumbik yig isebag.

Kisah Para Rasul 2:33

Eke At ebe etno Allahen walug inggik bikit fil imbik laharisireg, Roh Kudus og hiruhuk ulug yig epahon etno og itisi-o. Og itisimu, eke Aren og hisahuk ulug ebahon etno ninobam belabik waharukmu hinilanggen haruk ahep-o.

Kisah Para Rasul 2:36

Eke At Yesus ebe ari hiren e fam lenggaloko watikip-o. Hiren watikibon oke, At Allahen nit Ninowe Kristus suon ulug minduhupfirisi-o,” ulug at Petrusen yig isebag.

Kisah Para Rasul 2:38

Yig isaruk apagma, at Petrus etnowen, “Hit hinakeleg hinakeleg dag suruk atikibon epmano sohorep isalihipmu, At Yesus Kristus inuk fam hinapelegsoho apma hinombisahukag ulug ikma belap hinabukag-o.

Kisah Para Rasul 3:15

At ap fanowon niniluk ninaptukon etno-at watikip-o. Watikibon oke, eke At Allahen it aphe warehon wereg ambehen iluksoho minduhupfirision etno hiniluk amag ulug yig hisaruk ahi-o.

Kisah Para Rasul 3:19

Ariroho seg atision hiniluk wilil, hinindi wereg atuk amiek-o. Hiren dag suruk atikibon epmano sohorep isalug, At Allahen apma hinombisahukag ulug hiren seberepataruk amiek-o.

Kisah Para Rasul 3:26

At Amloho iluksoho minduhupfirisimu, bilin hit obog yi dag di dag suruk atikibon epmano sohorep isalug fano hinabukag ulug belap hisa waharisi-o,” ulug at Petrusen yig isaruk apag.

Kisah Para Rasul 4:11

Eke At Yesus ahurumbik bilin wene holal baleg etno fam yig hisaruk wilil, ‘It o faltukon etno e du dag-o ulug uruson oke, fobik e etno o wut oag ulug minduhupfirisi-o,’ ulug wene holal baleg etno fam,

2 Korintus 2:10

Eke hiren ap misig dag sirision etno sohorep isalug, obam apelegsoho hinapma umburuk hisalug, anden arat obam apelegsoho napma imbirikik-o. Eke obam apelegsoho napma imbirikik ihi ari, At Kristus il fam hit hinake-at napma imbirikik-o.

Efesus 1:7

Eke At Kristus etno amep deloko umbulug warapareg fam, nit hag ninili waruk wilil, dag suruk aheon epmano sohorep isalug, ninobam ninapelegsoho At apma ninombisaharuk-o.

Filipi 3:20

Eke it ariroho suruk oke, eke nit hag boholma lahuk ulug welahe-o. Eke At Ninowe Yesus Kristus ninili warukon etno boholmen ambik waruhu ulug aso welahe-o.

Kolose 1:14

At Amloho indi hunduhukon etno ninili wawag ulug og nisebareg fam, Aren nit dag suruk aheon epmano sohorep isalug ninapelegsoho apma seberoho imbisarisi-o.

Titus 1:4

Eke hat Titus, an ninim wene demat ulug ebetuk ahe etno fam hat namloho neken welahen ari, At Ninikni Allah inim, eke At Kristus Yesus ninili warukon etno inimen habua hearuk wilil, fanowon etno og hemag ulug hake sembahyang uruk ahi-o. Eke fanoroho hinim welamag ulug yig hirihi-o.

Titus 2:10

Eke it ap inanggimbu ari herako ombateheg suk fug ulug yig isimin-o. Eke At Allah ninili warukon awene etno kiro­ho wawag ulug, it ap inanggimbu ari yi angge di angge motoho surukon etno fam iniknisi iniluk amag ulug yig isaruk amin-o.

Titus 2:13

Eke nit ninindi ninahientoho wilil, At Allah suon, Ninowe Yesus Kristus ninili warukon etno At ebe suon wamon etno aso wereg niseheg yanggul nisaruk-o.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

Ibrani 2:10

Eke At Allah yi angge di angge obog wal haruk apareg aso werehon etnowen At Yesus inuk suontepfiog ulug, At bilin aphe inake waramag-o, ulug ahla bebag ari, At onggarehen fano-at ahla bebag-o. Ariroho ahla bebag ari, At Yesus udaki obog inim suontep isiog ulug-at ariroho ahla bebag-o. Ari halug, At Yesusen-at og ninaplug ninili wawon etno og nisaruk-o.

1 Petrus 3:22

o boholma lahabareg, At Allah inggik bikit fil wilil, it malaikat inim eke it boholma suon inoag werehon epmano inim Inikni neken wereg-o.

2 Petrus 1:1

Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.

2 Petrus 1:11

Yi wene di wene yig hisihion epmano obog hiniluk weregma, an ninim nintul nantul dahagsoho yig hisaruk amuhuk-o.

2 Petrus 2:20

Eke at ap misig o kweanmen surukon etno sohorep isalug, At Ninowe Yesus Kristus une urukon esanggo holtug halug, fobiken iog suhuluk kwalem dahon etno laruk wilil, dahon etno obam ombataruk-o.

2 Petrus 3:18

Nomini, ari At Ninowe Yesus Kristus hinim hinindi hunduhuk wilil, At awene warukmu hinindi oag wereg atlug hinindi hunduhuk welamag ulug yig hisihi-o. Eke At dil ninaptukon etno inuk suontepfuruk ahe etno hag, At inuk mondog-at suontepfuruk amuhuk-o. Ulug an demat yig hisihi-o, ulug yig isebag.

1 Yohanes 4:14

Eke aphe inili wawag ulug, At Iknien Amloho belabik wapag etno nit ninilanggen haruk atukukseg, aphe obog yig isaruk ahe-o.

Yudas 1:25

At Allah ninili warukon etno, At Ninowe Yesus Kristus inim ininuk suontepfuhuk-o. It etno suon-at weregma, inoag weregsoho wilil, inalon werehon-at initog mondog welamuhup-o. Demat yig hisihi-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.