Kisah Para Rasul 5:3 - Allah Wene Hurumbik Keron

³ Og isa laruk apagma, at Petrus etnowen yig ituk wilil, “Ananias wai, hat keroho ulug iblis hindimu kehekma, At Roh Kudus etno ambolma dahalehen-o? Eke hahuang og hituson etno obog-at og hisaruk ahi, ulug yig nisehenon oke, nin minggiroko herahapatehen-o.

Kisah Para Rasul 5:3 ပူးပေါင်းရင်းမြစ်များ

Matius 13:19

I angge kwalema kililtil lebag etno hag, it ap At Allah weregmen sukon wene etno inesanggo holtukon oke, eberoko weheg eleg-at weregma, at iblis dahon etno waharuk wilil, wene inindimu werehon lisoko waruk-o.

Lukas 22:3

Eke fobik At omini dua belas epmano misig inuk Yudas Iskariot soalfahon etno at setan indimu kuruk apagma,

Yohanes 13:2

Ariroho wilil, eke fobik At Yesus omini epmano inim inaharom hupmu angge nuog ulug horie ebag. Horie uruk apagma, at iblis etnowen at Yudas, Simon Iskariot amloho etno indi kahaltuk wilil, haren At Yesus senebukag ulug yonggo lamihin-o, ulug indi kahalfag.

Yohanes 13:27

Og ituk apagma, at Yudas etnowen orom roti webag. Waruk apagma, at iblis etno indimu kebag. Kuruk apagma, At Yesusen yig ituk wilil, “Haren ariroho sik ulug hahla buruk ahenon etno dulum-at sin-o,” ulug yig epag.

Kisah Para Rasul 5:4

Eke hawen amig etno onggo baltuk elegma, haren angge-at welatisi-o. Eke fobik hawen amig etno onggo baltuk wilil, uang etno hat-at og hitusa-o. Uang umburuson etno haren angge-at atisi oke, hat keroho ulug hindimuen an eleg uruk ahen-o? Hat ehen ari aphe inobam henggal ehen fug-o, At Allah-at obam henggal ehen-o,” ulug at Petrusen yig ituk apagma,

Kisah Para Rasul 5:9

at Petrus etnowen yig ituk wilil, “Hit At Allah Roh Kudus etno keroho ulug dahapsik wahep-o?” ulug yig ituk apareg, “Ap hat hahun kweanma salepfik laheson etno hat inim-at wilip habuog ulug olma wereg-o,” ulug yig ituk apagma,

Yakobus 4:7

Ari halug, nomini-o, hit hinebe epmano hiren At Allah apma seberoho welamiek-o. Eke at iblis etnowen hinindi kahalik waharuk halug, hiren lag ulug yig imuhupmu, sohorep hisahalug hite lahu-o.

1 Petrus 5:8

Eke hinindi fanoroho yaha welamiek-o. At selion hinim healeg welahebon iblis etno wam eli neken sil nuruk wilil, ap misig indi kahalepfulug libilik-o, ulug heag hinabil nuruk-o.