Kisah Para Rasul 5:21 - Allah Wene Hurumbik Keron

²¹ it mondep isebahon epmano inesanggo holtuk apareg, ilikia hubet o Allah ibam etno kuruk apareg, it aphe epmano wene yig isebag. It etno yig isaruk weregma, it imam ap suon, omini epmano inim, it Yahudi ap inowesi epmano inim dambuksoho wene baluog ulug wol isaruk apagma, wonggalik wapag. Wonggalik waharuk apareg, it aphe dahon imbisaruk ambeg unde epmano yig isaruk wilil, “At Yesus omini aphe dahon imbisaruk ambeg kolap inaptikibon epmano og inaplug hinim maniek-o,” ulug yig isaruk apagma,

Kisah Para Rasul 5:21 ပူးပေါင်းရင်းမြစ်များ

Yohanes 8:2

Laharuk apareg, noholug ilikia hubet o Allah ibam epmano ambik waharuk apareg, At bulmu wereg heheg, it aphe obog ambeg dahagsoho wonggalik wapag. Wonggalik waharuk apagma, At etno horie uruk apareg, wene yanggul isaruk apag.

Kisah Para Rasul 22:15

Eke hilanggen haruk wilil, hesanggo holtikinon etno it yi aphe di aphe obog inesanggo holtuk amag ulug yig isil nuruk aruhun-o.

Kisah Para Rasul 5:41

Sohorep isaruk apagma, it mondep isebahon epmano wilip atuk apareg uruk wilil, At Yesus inuk fam yikangge war ninabehesa-o, ulug uruk wilil, Ninikni Allah wa, ulug inindi inahientoho lebag.

Kisah Para Rasul 5:34

Uruk apagma, ap iron misig inuk Gamaliel etno minapag. Minapahon etno aren Musa wene etno fam it aphe obog yig isarukmu une holtuk apagma, at ebe Farisi ap wilil, wene yig isiog ulug minapag.

Kisah Para Rasul 5:27

Og inaplug waharuk apareg, it Yahudi ap suon epmano inambeg wapareg inolohotma minduhup isaruk apagma, at imam ap suon etnowen hinog og inaptuk wilil,

Kisah Para Rasul 5:17

Eke fobik at imam ap suon etno inim, it omini Saduki ap epmano inimen it ap mondep isebahon epmano inambit isaruk apareg,

Yohanes 18:35

eke at Pilatus etnowen yig ituk wilil, “An nebe etno Yahudi ap ulug hahla buruk ahen ano? Wene ebe etno it ap hat hungguluahon epmano inim, eke it inowesi Allah unde suon epmano inimen hebe senoko og haplug nambeg hombahik wahesa-o. Ariroho hombahik wahesa ari, Haren alem nongge sirikin-o?” ulug yig epag.

Lukas 22:66

Eke fobik o witaruk apagma, it Yahudi ap inowesi inim, it Allah unde suon epmano inim, eke it wene unde epmano inim wonggaltuk apareg weregma, At Yesus etno inambeg walug imbik lebag.

Matius 5:22

Hini­luk welatikipseg oke, eke Anden yig hisa­ruk wilil, ‘At ap misi­hen alem eleg heheg omin misig indi olok atuk halug, oag del­tuk aruhu-o.’ Eke at misihen, ‘Nomin du nambit-o,’ ulug yig ituk halug, aphe dohaleg inahlen oag deluhup-o. Eke at misihen, ‘Nomin du waramag-o,’ ulug yig ituk halug, hondok olokma umbu­hu-o.

Kisah Para Rasul 22:5

Ariroho yig hisihion ari, it imam ap suon inim, it Yahudi ap inowesi inimen demat uruk ulug iniluk-o. It Yahudi ap inowesi epmanowen holal baloko og nituk apagma, an nebe it ninomini Yahudi ap o Damsyik werehon epmano inambeg lalug, holal etno og isahuken ulug suruk wilil it aphe obog Yesus wene warukon epmano hele waroko og inaplug o Yerusalemen war inabukag ulug nahla buruk aheyareg, o Damsyik laruk seyag-o,” ulug at Paulusen yig isarisi.