Kisah Para Rasul 5:17 - Allah Wene Hurumbik Keron

¹⁷ Eke fobik at imam ap suon etno inim, it omini Saduki ap epmano inimen it ap mondep isebahon epmano inambit isaruk apareg,

Kisah Para Rasul 5:17 ပူးပေါင်းရင်းမြစ်များ

Matius 27:18

Ariroho yig isebag ari, iren At Yesus obam inasine haruk apareg, wabukag ulug senoko og itukmu enggag isaruk apareg ariroho yig isebag.

Matius 3:7

Eke ariroho ikma belap inaptuk weregma, it Farisi Saduki ap ang­go­lo inim ikma belap ninabukag ulug at ambeg waha­rukmu i­langgen isebareg, yig isaruk wilil, “Hit walo udaki du. At Allahen aphe dahon asine inobam imbisahu ambehen hite aliek ulug sen yig hisehek-o?

Yohanes 12:10

Ariroho wonggalik waharuk apagma, it Allah unde inowesi suon epmanowen uruk wilil, “Ari halug, niren at Lazarus inim-at wabuhuk-o,” ulug inahla bebag.

Yohanes 12:19

Heahi war war uog ulug laruk apagma, it Farisi ap epmanowen irit uruk wilil, “Niren ariroho suhuk ulug ninahla buruk aheon etno hai aruhu hehe-o. It yi aphe di aphe kweanmon obohen At-at mutlug laruk isehe-o,” ulug uruk apag.

Kisah Para Rasul 13:45

Wonggalik waharuk apagma, it Yahudi aben inilanggen isaruk apareg, inambit isaruk wilil, at Paulusen ebahon etno, “Enggal ehek-o,” ulug yig isaruk apareg, at Paulus etno enggali wapag.

Kisah Para Rasul 15:5

Yig isaruk apagma, it Farisi ap Yesus wene warukon nin minatuk apareg, yig isaruk wilil, “It Yahudi ap iniyunggul ambilik baltuk etno hag, it iniyunggul ambilik balukag-o, ulug at Musaen wene duroho suruk amuk eke duroho suruk am fug ulug ebahon etno inesanggo holtug sukag ulug yig isimuk-o,” ulug yig isebag.

Kisah Para Rasul 17:5

Inim welatuson oke, eke it Yahudi aben inambit isaruk wilil, ap kimbu nin kwalemen wonggal inaptusareg, it aphe obog winimug aptuk amag ulug inindi kahal inaptusa. Inindi kahal inaptuk atusareg, it Paulus Silas etano heako og nisawag ulug at Yason ibam etno inasineyen sok halog suk hag kik harusa.

Kisah Para Rasul 4:26

Eke it kweanmon inowesi suon suon inim, eke it inanggimbu inim, it obohen keroho ulug At Allah Amloho Kristus etno inim inusuog ulug suruk-o?’ ulug at Dauden hurumbik ebag etno hag,

Kisah Para Rasul 4:6

Wonggalik kuruk apareg, it Allah wene holal baleg unde inowe suon Hanas etno inim eke at Kayafas etno inim eke at Yohanes etno inim eke at Aleksander etno inim eke inomini nin obog inim wonggalik wapag.

Kisah Para Rasul 5:16

Kwalema imbisa larukmu, o Yerusalem enggatgatmen it yi aphe di aphe obog inomini uk warehon inim, it setan inindimu kebahon inim obog-at og inaplug waharuk apagma, fano inapag.

Kisah Para Rasul 7:9

Eke fobik it ninetamuki epmanowen at Yusuf inambit haruk apareg, it Mesir ap inanggimbu welamag ulug at ebe onggo baloko lahapfebag.

Galatia 5:21

eke aphe inambit hun inaptukon etno inim, eke ap watukon etno inim, eke it e anggur ambusu donggogsoho narukmu nenek surukon etno inim, eke inahum fituk heheg narukon etno inim, yi angge di angge arion obog-at suruk am fug ulug yig hisarikikon etno fobik inim-at dahagsoho yig hisamin-o. Eke it aphe obog ariroho surukon epmano fobik At Allah weregma kuhup fug-o.

Yakobus 4:5

Eke Alkitab fam weregma, yig nisaruk ari, “At Allahen ninindi og nisiog ulug, yi angge di angge nindi nindi urukon epmano inim-at og nisebag-o,” ulug wene holal embebahon etno ebe undama werehon hinahla buruk ahep fug ano?

1 Petrus 2:1

Eke ari halug, it apheyen yi dag di dag surukon epmano seberoho sohorep isiek-o. Eke hinenggal urukon inim, nambit hambit urukon etno inim, aphe inobam denggeltukon epmano inim obog-at sohorep isiek-o.