Kisah Para Rasul 5:16 - Allah Wene Hurumbik Keron

¹⁶ Kwalema imbisa larukmu, o Yerusalem enggatgatmen it yi aphe di aphe obog inomini uk warehon inim, it setan inindimu kebahon inim obog-at og inaplug waharuk apagma, fano inapag.

Kisah Para Rasul 5:16 ပူးပေါင်းရင်းမြစ်များ

Matius 2:16

At Herodes etno it ap soholoal alem inilukon mo alem filen wapahon etno inolo­hotma inaso welapareg, eleg atuk apagma, inenggal urusa hihi-o ulug ahla buruk apareg, asine anggolo hebag. Asine haruk apa­reg, aren it osi nin lahap isaruk apagma, o Betlehem aliluk­ke epma­nowon inudaki obog-at war in­apag. Ari­roho war inapag ari, bilin it ap mo alem filon etnowen soholo­al etno nininggik ari fam harukuk-o ulug ebahon etno fam bika­lem wane suruk apareg, udag tahun biren fam endohowon etno obog-at war inapag.

Matius 4:24

Ariroho sil nuruk apareg fam, it ninen At etno fano inabil waha-o, ulug o Siria epmanowen At awene etno yig isil le­bag. Yig isil laruk apagma, it aphe uk warehon inim, eke uk oloken surukon inim, eke it setan inindimu kebahon inim, eke it nenek surukon inim, eke it inoag sahalehon inim At ambeg imbisa waharuk apagma, Aren obog-at fano inapag.

Matius 8:16

Ariroho weregma, eke fobik hupmu mo amburuk heheg, it aphe ninen inomini setan inindimu werehon epmano At Yesus ambeg imbisa wapag. Imbisa waharuk apagma, At Yesusen setan etno inenggali watuk apareg lisoko wilip iseheg, eke it yi uk di uk warehon halug fano inabeheg suruk apag.

Lukas 5:17

Eke fobik o misihim it Farisi ap nin inim, eke it ap wene holal baleg unde epmano nin inim o Galilea, o Yudea, o Yerusalem o ahik ya da epmanowen obog-at waharuk apareg, At Yesus ambeg wapag, wapareg weregma, Aren wene yanggul isaruk apag. Yanggul isaruk weregma, At Yesusen aphe uk warehon fano inabukag ulug At Allahen oag werehon etno og ituk apag.

Lukas 6:18

it aphe uk warehon epmano fano ninabukag ulug, eke it nin wene yig nisawag ulug obog-at ambeg wapag. It obog At ambeg waharuk apagma, fano inapag. Fano inaptuk apagma, eke it nin setan inindimu kebahon epmano inim-at waharuk apagma, fano inapag.

Lukas 9:11

Laruk apagma, it aphe obog epmanowen At Yesus waha-o, ulug urukmu inesanggo holtuk apareg, mutlug lebag. Mutlug laruk apagma, heahi war inaptuk apareg, At Allah weregmen sukon wene etno yig isaruk wilil, it uk warehon epmano hag fano inapag.

Yohanes 14:12

Ari halug, Anden wene demat uruk amon etno yig hipmin-o, it yi aphe di aphe obog An nobam ebetukon epmanowen Anden yabuk suruk ahi epmano ilitoho suruk amuhup-o. Eke An nebe Nikni ambeg lahukseg fam, iren fobik sukfugangge anggolo-at suruk amuhup-o.

Kisah Para Rasul 4:30

Eke Hat hinggik fam fano inaptuk wilil, At hanggimbu fanowon Yesus etno inuk fam elalintoho sukfugangge suruk amin-o,” ulug sembahyang ebag.

Kisah Para Rasul 5:15

Dambulik waharuk apagma, it mondep isebahon epmanowen fano inaptuk apag. Fano inaptukmu, it aphe uk warehon epmano og inaplug at Petrus akumag fam sangguntep isalug fano inabukag ulug e belaroho kwalema imbisa laruk apag.

Kisah Para Rasul 5:17

Eke fobik at imam ap suon etno inim, it omini Saduki ap epmano inimen it ap mondep isebahon epmano inambit isaruk apareg,

1 Korintus 12:9

Eke ariroho suruk ari at misig etno Roh Kudus indimu wilil, Allah obam ebetuk amag ulug og ituk-o. Eke at misig Roh Kudus indimu wilil it aphe uk warehon fano inaptuk amag ulug og ituk-o.

Yakobus 5:16

Ari halug, hiren dag suruk ahebon epmano hinomini inil fam bukaltuk amuhupmu, hinebe hinindi fano amag ulug hit obohen hinomini inake sembahyang uruk amuhup-o, eke at ap misihen demat ulug indimu ebetuk halug, aren sembahyang urukon etno oag weregsoho-at uruk-o.