Kisah Para Rasul 5:12 - Allah Wene Hurumbik Keron

¹² It mondep isebahon epmanowen sukfugangge seheg, eke inakol werehon seheg sil nurukmu, it Allah wene warukon epmano at Salomo asok elma epmano wonggalik laruk apag.

Kisah Para Rasul 5:12 ပူးပေါင်းရင်းမြစ်များ

Markus 16:20

Eke it At omini epmano o ahik ya da epmano wene yig isil nuruk wilil, At Ninowe inuk suon etno inim sukfuganggeroho sil nuruk apag. Iren wene yig iseheg, Aren sukfuganggeroho seheg sil nuruk apag etno fam, it aphe epmanowen wene du demat-o ulug uruk apag. Amin.

Yohanes 10:23

Ariroho weregma, At Yesus o Allah ibam at Salomo asok elma etano larukmu,

Yohanes 4:48

Yig ituk apagma, At Yesusen yig ituk wilil, “Hit obohen An elalintoho sukfugangge suruk ahion epmano hinilanggen neahup fug halug, demat ulug ebebuhup fug-o,” ulug yig epag.

Kisah Para Rasul 1:14

It obog epmano inuhwesi inim, eke At Yesus isina Maria etno inim, At Yesus owe not epmano inim it obog inindi misig-at wilil, nintul nantul sembahyang uruk apag.

Kisah Para Rasul 14:3

Inindi kahaltuk apagma, it mondep isebahon epmano o epma ininggik anggolo inim wilil, At Yesus wene etno inakol elegsoho yig isebag. Yig isaruk iseheg, At Yesus etnowen iren urukon demat inahla bukag ulug inoag weregsoho imbisaruk apagma, elalintoho sukfugangge suruk apag.

Kisah Para Rasul 16:18

ulug at hole etnowen nintul nantul uruk atisimu, at Paulus etno indimuen ambit heheg, olohore dahagsoho yet haruk atisireg, at setan etno yig ituk wilil, “Hat setan hole du ahla welahenon du At Yesus Kristus inuk fam wilip amin-o,” ulug yig ituk atisimu, at setan etno arat wilip atisi.

Kisah Para Rasul 19:11

Eke at Paulus etno At Allah inim sil nuruk wilil inggik sukfugangge anggolo suruk atisi.

Kisah Para Rasul 2:46

Og isaruk wilil, nintul nantul o Allah ibam wonggalik keheg, eke inibamen orom nenggeg suruk wilil, inindi inahientoho welapag.

Kisah Para Rasul 28:9

Fano atuk atisimu, it aphe o ik anggenma etnowon uk warehon epmano at ambeg waharuk atusama, fano inaptisi.

Kisah Para Rasul 3:11

Fog suruk apareg weregma, at ap iog oag elehon etno it Petrus Yohanes mug inaplug larukmu it aphe obohen inilanggen hebareg fam, fobik at Salomo asok elma etno kuruk apagma it aphe obog wonggalik lebag.

Kisah Para Rasul 4:30

Eke Hat hinggik fam fano inaptuk wilil, At hanggimbu fanowon Yesus etno inuk fam elalintoho sukfugangge suruk amin-o,” ulug sembahyang ebag.

Kisah Para Rasul 9:33

Bik isa laruk apag, ap misig inuk Eneas iog oag elehon etno tahun sirehen angge uk wareg weregma ha lebag.

Kisah Para Rasul 9:40

Ariroho suruk apagma, at Petrus etnowen it aphe epmano obog wilip isaruk apareg, ut kunuk ulug sembahyang ebag. Sembahyang uruk apareg, olohore dahagsoho at hwe beya werehon etno kolap haruk wilil, “Tabita wai. Hiluk atlug minamin-o,” ulug yig ituk apagma, ilanggen fenggen atuk apareg, at Petrus etno yet hebag. Yet haruk apareg, minatuk apagma at Petrusen inggik senoko minduhupfebag.

Roma 15:19

eke elalintoho sukfugangge seheg suruk wilil, At Roh Kudus etnowen ninim ninoag weregsoho surukuk-o. Ariroho suruk wilil, o Yerusalemen o Ilirikum kwalema luog ulug larukuk-o. Kwalema laruk wilil, At Kristus awene fanowon etno yig isil larikik-o.

2 Korintus 12:12

Eke hiren at Paulus demat wene yig isil nuruk amag ulug mondepfebag-o ulug hinahla bukag ulug, an nebe hit ninim nindi seberoho wilil, inakol hawon etno seheg, eke sukfuganggeroho seheg, eke elalintoho seheg suruk atikik-o.

Ibrani 2:4

Ariroho yig nisarukmu, niren wene du demat ninahla bukag ulug At Allahen oag weregsoho surukon etno inim, eke elalintoho sukon etno inim, eke sukfugangge sukon inim obog-at suruk apag-o. Eke At ahla buruk apareg, At Roh Kudusen og isebahon etno sumburoko og nisebag-o.