Kisah Para Rasul 4:7 - Allah Wene Hurumbik Keron

⁷ Wonggalik waharuk apareg, it Petrus Yohanes etano it inolohotma minduhup isebag. Minduhup isaruk apareg, yig isaruk wilil, “Hiren ap fano sirikip ari, keroho ulug sirikip-o? Eke hit sa inuk fam hinoag wereg atlug fano sirikip-o?” ulug hinog og inapag.

Kisah Para Rasul 4:7 ပူးပေါင်းရင်းမြစ်များ

Matius 21:23

Eke fobik At Yesus etno iog suhuluk o Allah ibam kuruk apareg, wene yanggul isaruk weregma, it Allah unde inowesi epmano inim, it Yahudi ap inowesi epmano inim ambeg waharuk apareg, yig ituk wilil, “Hat yi angge di angge anggolo suruk ahen ari, keroho ulug suruk ahen-o? Eke sen hinggikmu imbirisimu suruk ahen-o?” ulug yig epag.

Markus 11:28

“Hat yi angge di angge anggolo suruk ahen ari, keroho ulug suruk ahen-o? Eke sen hinggikmu imbirisimu suruk ahen-o?” ulug yig epag.

Yohanes 2:18

Inindi ebetuk apareg, it Yahudi ap epmano waharuk apagma, At Yesus hinog yig ituk wilil, “Hat ariroho suruk ahen ari, At unde wilil suruk ulug ninahla buhuken sukfugangge misig simihin ano?” ulug yig ituk apagma,

Yohanes 8:3

Yanggul isaruk heheg, it wene yanggul isarukon etno inim, it Farisi ap etno inimen hwe misig wanggik surukmu heaharuk apareg, it obog inil fam minduhupfebag.

Yohanes 8:9

Holal baltuk heheg, Aren yig isebahon etno inesanggo holtuk apareg, it inanggohon epmano bilin wilip aheg, eke it nin fobik wilip aheg suruk apag, obog sohorep isalug wilip apag. Wilip atuk apagma, At Yesus hwe minduhupfebahon etno inim inakeleg-at welapag.

Kisah Para Rasul 4:10

hit inim it Israel ap inim hit obog hiniluk amag ulug yig hisamin-o. At ap iog oag elehon fano atisireg wereg du, At Yesus Kristus Nazaret ap etno inuk fam oag weregsoho fano atisi-o. Eke At Yesus etno bilin hiren e fam lenggaloko watikibon oke, At Allahen it aphe warehon wereg ambeg epmanowen iluksoho minduhupfirisi-o.

Kisah Para Rasul 4:6

Wonggalik kuruk apareg, it Allah wene holal baleg unde inowe suon Hanas etno inim eke at Kayafas etno inim eke at Yohanes etno inim eke at Aleksander etno inim eke inomini nin obog inim wonggalik wapag.

Kisah Para Rasul 4:8

Hinog og inaptuk apagma, at Petrus etno Roh Kudus indimu kebareg yig itukmu yig isaruk wilil, “Hit Yahudi ap inowesi suon du wai.

Kisah Para Rasul 5:40

it mondep isebahon epmano maniek ulug wol isaruk apareg, yig isaruk wilil, “Hit At Yesus inuk fam wene aphe obog yig isa fug-o,” ulug yig isaruk apareg, yikangge waroko sohorep isebag.