Kisah Para Rasul 4:13 - Allah Wene Hurumbik Keron

¹³ it Yahudi ap inowesi epmanowen uruk wilil, it Petrus Yohanes du sekolah inapelehon-at oke, inakol elegsoho yig nisaruk du bilin At Yesus omini-at welatusa-o, ulug inahla burukmu,

Kisah Para Rasul 4:13 ပူးပေါင်းရင်းမြစ်များ

Matius 11:25

Eke fobik o ari sambit At Yesusen uruk wilil, “Nikni-o, Hat hebe boholma kweanma Inikni suon at welahen-o. Ariroho wilil, Haren it ap An niluk ulug inahla burukon epma­no yig isao sohorep isalug, it inapelehon epmano yanggul isa­ri­kin ari famen wa ulug yig hituk ahi-o, Nikni.

Matius 26:71

Yig ituk apareg, kembatma kuruk ambeg etano wilip apag. Wilip atuk apareg weregma, at hole misig ap suon anduanangge etnowen ilanggen haruk apareg, it ap epma werehon epmano yig isaruk wilil, “Ap du Yesus Nazaret ap inim werehon hihi-o,” ulug yig isebag.

Matius 26:73

Yig ituk apagma, eke fobik it ap werlekon nin at Petrus ambeg waharuk apareg, yig ituk wilil, “Hat it inomin-at demat heyehe-o. Hat hune it inune-at uruk ahen ari famen enggag sepatehen-o,” ulug yig epag.

Lukas 22:8

Fanggog uruk apagma, At Yesusen it Petrus, Yohanes etano lahap isiog ulug yig isaruk wilil, “Nit esoho Paskah etno nulen esag ninabik aliek-o,” ulug yig isaruk apagma,

Yohanes 19:26

Ariroho wereg iseheg, At Yesusen At isina etno inim, eke omin indi hunduhukon etno inim minduhuk weregma isaruk apareg, At isina etno yig ituk wilil, “Hwe du wai, hat hamloho du at-o,”

Yohanes 7:15

Yanggul isarukmu, it Yahudi ap etnowen wi ulug fog suruk wilil, “Ap du yi wene di wene obog-at iluk atisi du, kemen iluk atisi-o?” ulug uruk apagma,

Yohanes 7:49

Eke it aphe obog wonggalik waheson du at Musaen wene duroho suruk amuk eke duroho suruk am fug ulug ebahon etno inapeleg halug, At Allahen wene homali neken etno inobam umburuk-o,” ulug yig isebag.

Kisah Para Rasul 4:14

ap fano sebahon etno inim minduhuk weregma, inilanggen isaruk apareg, dahon nongge yig isuk-o, ulug ebahon oke, inapeleg atuken,

Kisah Para Rasul 4:19

Inesanggo watuk apagma, it Petrus Yohanes etanowen yig isaruk wilil, “Eleg-o, nit hit hinune holuk ano, At Allah une holuk ano, ulug hit Allah wene unde welahebon epmanowen ilihip-o.

Kisah Para Rasul 4:29

Ninikni-o, eke kidia it hanggimbu epmanowen aphe wene yig isa fug ulug uruson oke, eke iren hawene etno yig isawag ulug, it inindi inakol elehon etno og isimin.

Kisah Para Rasul 4:31

Sembahyang uruk apagma, o yugul suruk wilil, o it wereg ambeg etno aplohok sebag. Aplohok suruk apagma, it epmano Roh Kudus inindimu kuruk wilil yig isarukmu, Allah wene inakol elegsoho yig isaruk apag.

Kisah Para Rasul 9:27

Bok apareg weregma, at Barnabas etnowen walug it mondep isebahon epmano inambeg imbik lebag. Imbik laruk apareg yig isaruk wilil, “At Saulus kwalema weregma, At Ninowe etnowen yig itukmu harisi-o. Harisireg, fobik akol elegsoho wilil, o Damsyiken At Yesus inuk-at yig isaruk atisi-o,” ulug at Barnabas etnowen yig isebag.

Kisah Para Rasul 9:28

Yig isaruk apagma, at Saulus ebe it mondep isebahon epmano inim wilil, o Yerusalem obog-at At Yesus inuk fam wene yig isebag.

1 Korintus 1:27

Eke it ap ninindi wereg ulug inahla burukon epmano inenggali war inabiog ulug At Allahen kweanma kimbu angge neken werehon epmano imig inapag-o. Eke it ninoag wereg ulug inahla burukon epmano inenggali war inabiog ulug At Allahen it oag elehon neken-at imig inapag-o.

1 Korintus 14:25

aren indimu herako ebetukon epmano selegma atuk aruhureg, ut kunukseg wilil, o duma At Allah ebe demat hinim welahep hisihi-o, ulug At Allah obam sembahyang uhu-o.

2 Korintus 3:12

Eke wene du itog mondog welaruhu ulug ninahla buruk ahe etno fam, ninakol elegsoho-at yig isaruk ahe-o.