Kisah Para Rasul 3:6 - Allah Wene Hurumbik Keron

⁶ at Petrus etnowen yig ituk wilil, “An nahuang elehen anden angge misig og hipminmu, hat hebe At Yesus Kristus Nazaret ap etno inuk fam minatlug lamihin-o,” ulug yig ituk apareg, inggik bikit fil senoko minduhupfebag.

Kisah Para Rasul 3:6 ပူးပေါင်းရင်းမြစ်များ

Matius 10:9

Eke hiren emas inim, perak inim, uang anggen inim walug la fug-o.

Matius 7:22

Eke fobik o ari sambit it aphe anggolo epmanowen yig nituk wilil, ‘Ninowe-o, Hat hinuk fam wene yig isaruk soag etno Hat hapeleg ano? Eke Hat hinuk fam yi angge di angge obog-at sukfuganggeroho suruk soag epmano Hat hapeleg ano?’ ulug yig nimuhup-o.

Markus 14:8

At hwe du ariroho suhuk ulug ahla burukon etno-at sehek-o. Eke An fobik wararuhukmu nebe o wikelma nombahakubon etno awan heheg oke, namben eleg welamag ulug at hwe duen arat sehek-o.

Markus 16:17

Eke it nin An nawene etno inindimu eberoko wahubon halug, it apheyen fog inaptuk amag ulug, sukfuganggeroho suruk wilil, it setan inindimu kurukon epmano An ninuk fam lisoko wilip iseheg, eke inune inapelehon-at eheg suruk amuhup-o.

Yohanes 19:19

Lenggaloko umburuk apagma, at Pilatus etnowen holal umburuk wilil, “Ap du it Yahudi ap Inowe suon inuk Yesus ibam Nazareton etno at-o,” ulug holal etno it Ibrani, Latin, Yunani inune fam akeleg sik-at baloko At Yesus ahe etno fam embebag.

Kisah Para Rasul 10:38

Eke fobik At Allahen Yesus Nazaret ap etno At Roh Kudus inim, eke oag weregsoho suruk amon etno inim obog-at og itisi etno hit hiniluk-o. Eke fobik At Yesus etno Allah inim wilil, it uk warehon fano inabeheg, it setan inindimu werehon lisoko wilip iseheg o ahik ya da obog-at sil nuruk atisi-o.

Kisah Para Rasul 16:18

ulug at hole etnowen nintul nantul uruk atisimu, at Paulus etno indimuen ambit heheg, olohore dahagsoho yet haruk atisireg, at setan etno yig ituk wilil, “Hat setan hole du ahla welahenon du At Yesus Kristus inuk fam wilip amin-o,” ulug yig ituk atisimu, at setan etno arat wilip atisi.

Kisah Para Rasul 2:22

Hit hinesanggo fanoroho holiek-o. Bilin At Yesus Nazaret ap etno hinim weregma, At Allahen Yesus inggik fam yanggul itukmu, sukfugangge seheg, eke elalintoho seheg, eke inakol hawon seheg surukmu, At Allahen lahabik waharision etno du-at ulug hit obog hiniluk atisi-o. Ari At ebe hinim wilil surukmu, hiniluk atisi-o.

Kisah Para Rasul 2:36

Eke At Yesus ebe ari hiren e fam lenggaloko watikip-o. Hiren watikibon oke, At Allahen nit Ninowe Kristus suon ulug minduhupfirisi-o,” ulug at Petrusen yig isebag.

Kisah Para Rasul 3:16

Eke At Yesus inuk fam ap iog oag elehon etno oag wereg aha-o. Oag wereg ahama, hehep ari At Yesus obam ebetuk wilil, inuk warukmu, hit hinil fam fano sehek-o.

Kisah Para Rasul 3:5

at ap iog oag elehon etnowen nongge og nimukon ulug ilanggen lahap isaruk apagma,

Kisah Para Rasul 3:7

Minduhupfuruk apagma, ap etno iog elenggen ani atlug hetnogsoho minatuk apareg, dahag fahag sil lebag.

Kisah Para Rasul 4:10

hit inim it Israel ap inim hit obog hiniluk amag ulug yig hisamin-o. At ap iog oag elehon fano atisireg wereg du, At Yesus Kristus Nazaret ap etno inuk fam oag weregsoho fano atisi-o. Eke At Yesus etno bilin hiren e fam lenggaloko watikibon oke, At Allahen it aphe warehon wereg ambeg epmanowen iluksoho minduhupfirisi-o.

Kisah Para Rasul 4:7

Wonggalik waharuk apareg, it Petrus Yohanes etano it inolohotma minduhup isebag. Minduhup isaruk apareg, yig isaruk wilil, “Hiren ap fano sirikip ari, keroho ulug sirikip-o? Eke hit sa inuk fam hinoag wereg atlug fano sirikip-o?” ulug hinog og inapag.

Kisah Para Rasul 9:34

Ha laruk apareg, at Petrus etnowen yig ituk wilil, “Eneas wai. Hat hebe etno At Yesus Kristusen fano haptuk-o. Fano haptukmu, kidia minatuk apmihinteg, hesabul nohoruk ahenon etno yinggiloko hulimin,” ulug yig ituk apagma, at Eneas etno minapag.

1 Korintus 4:11

Eke kidia orom inim, ik inim obok haruk ahe-o. Eke ninasum libilihon-at wantaruk ahe-o. Eke ninebe yikangge waroko o misig ninombisahik laheg surukmu, ninibam faleg eleg-at welahe-o.

2 Korintus 6:10

Eke ninindi dahap nisaharukon oke, ninahien haruk ahe-o. Eke ninaharek eleg neken welaheon oke, it aphe anggolo inaharek werehap isaruk ahe-o. Eke yi angge di angge elehon neken welaheon oke, yi angge di angge obog-at unde welahe-o.

2 Korintus 8:12

Eke hit hinaharek anggolo werehon epmano anggolo embeheg, eke hit hinaharek dorat werehon epmano dorat embeheg suruk hisalug, At Allah ahien hisahu-o. Eke hit hinaharek elehon epmano dorat embehep ulug winimug hisahu fug-o.

2 Korintus 8:9

At etno aharek anggolo welapahon oke, hit hinake-at aharek elehon neken seg apag-o. Eke At etno ariroho aharek elehon neken seg apag ari, hit hinaharek anggolo werehep hisahiog ulug ariroho seg apag-o.

Yakobus 2:5

An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.

1 Petrus 4:10

Eke hit obog Allahen yi angge di angge surukon og hisebag halug, etno At Allahen-at og nitisi-o ulug, Allah yabuk fikfag suruk amiek-o.