Kisah Para Rasul 3:26 - Allah Wene Hurumbik Keron

²⁶ At Amloho iluksoho minduhupfirisimu, bilin hit obog yi dag di dag suruk atikibon epmano sohorep isalug fano hinabukag ulug belap hisa waharisi-o,” ulug at Petrusen yig isaruk apag.

Kisah Para Rasul 3:26 ပူးပေါင်းရင်းမြစ်များ

Matius 1:21

Eke udag ebe endetuk halug, inuk Yesus-at soaluhun-o. Eke it apheyen dag surukon elegsoho apma imbisalug inili wahu halug, inuk ari-at soaluhun-o.

Matius 15:24

Ariroho yig ituk apagma, At Yesusen yig isaruk wilil, “It Israel aphe wam domba nuk atukon neken werehon etno-at heag inabukag ulug lahap nabik waharisi-o,” ulug yig epag.

Lukas 24:47

Minduhupfuruk aruhumu, At inuk fam it apheyen dag surukon epmano sohorep isalug, inobam inapelegsoho imbisawon wene etno it Yerusalem aphe bilin yig iseheg, eke it aphe o kweanma inungguluag obog werehon epmano fobik yig iseheg suruk amuhup-o, ulug nahurumbik bilin embebahon epmano yig hisihi-o.

Yohanes 4:22

Eke hit Samaria aphe epmano at du obam sembahyang uruk ahe ulug hinapeleg oke, nit Yahudi ap epmano hag ninili wawon etno unde neken welahe etno fam, at du obam sembahyang uruk ahe ulug niniluk-o.

Kisah Para Rasul 1:8

Hinapelegsoho weregma, Roh Kudus oag werehon etno hinobam belabik waruhumu, hit An nawene-at yig isil nuruk amuhup-o. O Yerusalem, Yudea, Samaria inim, o kweanma obog yig isil nuruk amuhup-o,” ulug yig isebag.

Kisah Para Rasul 13:26

Ariroho yig isebag etno hag, eke kidia yig hisaruk ahi-o. Eke hit nomini Abraham etamuki inim, eke hit o duma Allah wene waruk ahebon inim obog-at yig hisamin-o. Wene ninili wawon etno nit-at yig nisaruk-o.

Kisah Para Rasul 2:24

Ariroho watikibon oke, eke At Allahen it warehon wereg ambeg epmanowen iluksoho minduhupfirisi-o. Minduhupfirisi ari it warehon hinel watuk ambeg welam hai buruk atisireg, minduhupfirisi-o.

Kisah Para Rasul 2:32

At Allahen Yesus it aphe warehon wereg ambeg epmanowen minduhupfirisi-o. Ariroho minduhupfirision etno niniluk wilil yig hisaruk ahe-o.

Kisah Para Rasul 26:20

Demat ulug nindimu ebetuk atikikseg, bilin o Damsyik inim, o Yerusalem inim, eke fobik o Yudea obog inim, eke it o ahik ya da Allah wene inapeleg ambeg inim obog-at yig isil nuruk wilil, hit dag suruk atikibon epmano sohorep isalug, hinindi weregsoho At Allah inuk waruk wilil, nit demat wene waruk ahe ulug hiniluk amagsoho fanowon etno-at suruk amuk-o, ulug yig isil nuruk atikik.

Kisah Para Rasul 3:13

Bilin At Allah inuk it ninetamuki Abraham, Ishak, Yakub iren webahon, At Allahen bilin it ninetamuki Abraham, Ishak, Yakub inabua isebag etno ilitoho kidia At Amloho Yesus etno inuk suontepfirisi-o. Suontepfirision oke, eke hiren At ebe wabukag ulug at Pilatus etno inggikmu imbirikip-o. Imbirikipmu, at Pilatusen ebe hele hibiloko imbisiek ulug yig hisarision oke, hiren At niron eleg-o ulug irikip-o.

Kisah Para Rasul 3:15

At ap fanowon niniluk ninaptukon etno-at watikip-o. Watikibon oke, eke At Allahen it aphe warehon wereg ambehen iluksoho minduhupfirision etno hiniluk amag ulug yig hisaruk ahi-o.

Kisah Para Rasul 3:20

Hiren seberepatalug weregma, At Allah hinim wilil hinindi oag werehep hisahalug, At Yesus Kristus hit hinake heako imbirision etno fobik belabik waruhu-o.

Kisah Para Rasul 3:22

Eke at Musaen amuk yig hisaruk wilil, ‘At Hinikni Allahen an lahap nabik wapag etno hag, ap hiron hinili warukon misig belap hisa waruhu-o. Belap hisa waruhumu, aren yig hisarukon etno hinesanggo fanoroho holtuk amuhup-o.

Kisah Para Rasul 3:25

Eke it nabien ebahon etno hit-at yig hisebag-o. Eke At Allahen bilin hinetamuki imig inapag etno hag, hit kidia imig hinaptuk-o. Eke bilin At Allahen Abraham yig ituk wilil, ‘Hat hetamukien yig isahubon etno fam, it yi aphe di aphe o kweanma werehon obog nahien inobam umbuhuk-o,’ ulug At Allahen Abraham yig epahon etno fam,

Roma 1:16

Eke At Allahen oag weregsoho inili wawon wene etno it Yahudi aben bilin eberoko weheg, eke it aphe Allah wene inapeleg welatuson epmanowen fobik eberoko waruk isalug, inili wahu etno fam, At Kristus awene fanowon etno nenggali elegsoho wilil yig isaruk ahi-o.

Roma 15:29

Eke hinambeg waruhuk ari, At Kristus ahien ninobam umbukon wene etno suon-at walug waruhuk-o.

Roma 15:8

Eke At Kristus it Yahudi ap iniyunggul ambilik balehon epmano inanggimbu neken apareg wilil, At Allahen ebahon etno demat ebag inahla bukag ulug seheg, eke At Allahen it inetamuki hurumbik yig isebahon epmano demat sirisi ulug iniluksoho seheg,

Efesus 1:3

Eke At Allah Ninowe Yesus Kristus Ikni etno wa ulug yig imuk-o. Eke nit At Kristus ninim wereg nisalug, At Allah ahien ninobam umburuk wilil, yi angge di angge boholmon epmano obog-at og nisaruk-o.

1 Petrus 1:3

Nomini-o, At Allah Ninowe Yesus Kristus Ikni etno wa ulug sembahyang yig ituk amuk-o. Aren nit ninabua hebareg, At Yesus Kristus iluksoho minduhupfebag etno fam, nit ninebe ketoho ninombisaharuk wereg-o.

1 Petrus 3:9

Dahon hinobam umburuk isalug, hiren dahon inobam umbuk fug-o. Eke inune dahon yig hisaruk isalug, hiren hinune dahon inobam umbuk fug-o. Ariroho umbuk fug ulug yig hisihion oke, hit hinahien inobam umburuk amuk-o. Ari At Allahen nahien hinobam umburuk aruhuk, ulug wol hisarisi etno hag fanoroho suruk amuk-o.

Yudas 1:24

At Ninikni dil ninaptukon etno ahien nisahureg, og ninaplug o fanoma ninombisahaku-o.