Kisah Para Rasul 3:25 - Allah Wene Hurumbik Keron

²⁵ Eke it nabien ebahon etno hit-at yig hisebag-o. Eke At Allahen bilin hinetamuki imig inapag etno hag, hit kidia imig hinaptuk-o. Eke bilin At Allahen Abraham yig ituk wilil, ‘Hat hetamukien yig isahubon etno fam, it yi aphe di aphe o kweanma werehon obog nahien inobam umbuhuk-o,’ ulug At Allahen Abraham yig epahon etno fam,

Kisah Para Rasul 3:25 ပူးပေါင်းရင်းမြစ်များ

Lukas 1:72

‘Hinabua hisahuk-o. Hinabua hisaruk wilil, hit ninim welaheon epmano hinobam nindi eberuhuk-o,’ ulug At Allahen yig isebag-o.

Kisah Para Rasul 13:26

Ariroho yig isebag etno hag, eke kidia yig hisaruk ahi-o. Eke hit nomini Abraham etamuki inim, eke hit o duma Allah wene waruk ahebon inim obog-at yig hisamin-o. Wene ninili wawon etno nit-at yig nisaruk-o.

Kisah Para Rasul 2:39

Ikma belap hinaptuk amukonma, bilin At Allahen Roh Kudus og hisahuk ulug ebahon hinobam belabik warikon-o. Eke At Allahen og hisahuk ulug ebahon etno hit inim, hinudaki inim, it yatmon At Ninikni Allahen wol inaptukon inim obog-at og hisahuk ulug ebag-o,” ulug at Petrusen yig isebag.

Roma 15:8

Eke At Kristus it Yahudi ap iniyunggul ambilik balehon epmano inanggimbu neken apareg wilil, At Allahen ebahon etno demat ebag inahla bukag ulug seheg, eke At Allahen it inetamuki hurumbik yig isebahon epmano demat sirisi ulug iniluksoho seheg,

Roma 4:13

Eke At Allahen hat Abraham hetamuki hinim o kweanma duma unde welamuhuben ulug og hisahuk-o, ulug abug yig epag etno, at Abrahamen wene duroho suruk amuk eke duroho suruk am fug ulug ebahon etno ilitoho surukmu yig epag fug-o. Eke at Abraham Allah obam ebetuk halug, inim dambulfag etno fam yig epag-o.

Galatia 3:16

Eke amuk At Allahen Abraham etno yig ituk wilil, “Hat hetamu hinim ariroho hinombisahaku-o” ulug hurumbik yig epag etno, etamuki anggolo farim yig epag fug-o. We hetamu ebag ari, at misig Kristus etno farim ebag-o.

Galatia 3:29

Eke hit hinebe At Kristusen angge welahep halug, at Abraham etamuki neken welahep-o. Eke hit at Abraham etamuki neken welahep halug, At Allahen og hisahuk ulug abug yig epahon etno hit-at og hisahu-o.

Galatia 3:8

Eke Alkitab fam yig nisaruk wilil, “It ap Allah wene inapelehon epmano fobik At Allah obam ebetuk isalug, alem dahon inobam werehon epmano At Allahen elehepfuhu-o,” ulug hurumbik Alkitab fam yig isebag-o. Ariroho yig isaruk apareg, wene fano wene hurumbik etno at Abraham yig ituk wilil, “Hat hetamu misig endag aruhu etno fam, At Allahen aphe kweanmon obog ahien inobam umbuhu-o,” ulug yig ituk apagma, at Abraham etnowen At Allah obam ebetuk apag. Ebetuk apagma, At Allah ahien obam embebag.

Wahyu 14:6

Eke fobik at malaikat misig boholma anduhunmu leng­galtug larukmu, nilanggen harikik-o. Nilanggen lahap haruk atikikmu, at malaikat etnowen it o ahik ya da inune yion dion obog-at urukon epmano wene fano wene etno une oag weregsoho yig isa­ruk wilil,

Wahyu 5:9

Ininggikmu senetuk atusareg, di keron misig uruk wilil, “Hat hag holal baleg etno walug, hele homahowon etno yumbuk suk hoag wereg-o. Hat hebe howatuk apagma, aphe inake waratuk senareg fam, o ahik ya da inune inakeleg sik urukon inim, inungguluag dombog yi aphe di aphe obog inim At Allah og umon in­onggo baliog ulug amburuk senag-o.

Wahyu 7:9

Eke fobik an nilanggen haruk heheg, it aphe obog wanereg eleg wonggaleg welatusa-o. Wonggaleg welatusa ari, o ahik ya da inune urukon inim, o kweanma inungguluag obog inim wonggaleg welatusa-o. Ariroho wilil, At horie uruk ambeg etno inim, At Wam Domba Udag etno inim inolohotma minatuk atusareg, inasum huluon wanteg wilil, ininggikmu werale engga hahon etno dikiksoho seneg welatusa-o.