Kisah Para Rasul 3:21 - Allah Wene Hurumbik Keron

²¹ At belabik waruhuon etno boholma welatlug fobik yi angge di angge inim fano inabukag ulug belabik waruhu-o, ulug it nabi Allah wene yig isarukon epmanowen bilin hurumbik embebahon etno hiniluk-o.

Kisah Para Rasul 3:21 ပူးပေါင်းရင်းမြစ်များ

Lukas 1:70

Ari, At Allahen amuk it nabi ap inune fam yig nisaruk wilil,

Kisah Para Rasul 1:11

yig isaruk wilil, “Hit o Galilea ap du, keroho ulug hinilanggen boholma lahaboho welahep-o? At Yesus boholma walug lahakek etno ilitoho, fobik boholmen ambik waharuk hinilanggen hahup-o,” ulug yig isebag.

Kisah Para Rasul 10:43

Ariroho yig nisarision etno it ap nabi epmanowen bilin At ahurumbik yig isaruk wilil, ‘It yi aphe di aphe At inuk eberoko waruk isalug, iren dag suruk atuson epmano inobam inapelegsoho At inuk fam apma imbisahu-o,’ ulug bilin it nabien ebahon epmano yig hisaruk ahi-o,” ulug at Petrusen yig isebag.

Kisah Para Rasul 3:19

Ariroho seg atision hiniluk wilil, hinindi wereg atuk amiek-o. Hiren dag suruk atikibon epmano sohorep isalug, At Allahen apma hinombisahukag ulug hiren seberepataruk amiek-o.

Kisah Para Rasul 3:20

Hiren seberepatalug weregma, At Allah hinim wilil hinindi oag werehep hisahalug, At Yesus Kristus hit hinake heako imbirision etno fobik belabik waruhu-o.

Roma 8:21

Ariroho wereg oke, eke it yi angge di angge wal hebahon etnowen o ari sambit ninebe waratuk aheon alem etno elegsoho imbisahu-o. Eke o ari sambit it Allah udaki epmano inebe suontep isahureg, nit inim-at suontep nisahaku-o, ulug inahla buruk-o.

Ibrani 1:1

Eke o amuk At Allahen it awene yig isebahon epmano yig isarukmu, iren nit ninetamuki epmano inil fam nintul nantul sukfugangge seheg, eke yiroho diroho yig iseheg suruk apagma, alem ari fam yi wene di wene obog-at yig isaruk apahon oke,

2 Petrus 1:21

It bilin hurumbik ebag etno iren ebag fug-o, At Roh Kudusen Allah une yig isarukmu, hurumbik etno ebag-o.

2 Petrus 3:2

Eke amuk it nabi aben Allah wene ebahon etno inim, eke Ninowe dil ninaptukon omini inune fam komo yig hisebahon epmano inim obog-at hinahla ebebukag ulug holal du bal hisihi-o.

Wahyu 18:20

Ariroho uruk atuson oke, eke hat bohol inim, hit At Allah udaki inim, eke hit mondep hisahabahon etno inim, eke hit nabi ap Allah wene yig isaruk ahebon etno inim, hit obog hinahien haruk amiek-o. Eke o Babel etno mialtuk wi­lil, “aren dahon hinobam hinombisaharision etno onggo At Allahen oag deloko dahon etno obam embehek-o. Ari halug, hit hinahien haruk amiek-o,” ulug uruk atusa-o.

Wahyu 22:6

Eke fobik at malaikat etnowen yig nituk wilil, “Anden yig hirihion etno demat yig hirihi-o. Eke At Inikni Allahen Roh Kudus it nabi ap bilin og isebag etno hag, ariroho hurumbik suhuon etno At anggimbu yig isawag ulug At omalaikat etno laha­bik waharisi-o,” ulug ariroho hurumbik yig nitisi-o.