Kisah Para Rasul 3:17 - Allah Wene Hurumbik Keron

¹⁷ Eke nomini-o, hit hinowesi hinimen Yesus obam dahon imbirikibon etno hinapelegma sirikip ulug an niluk-o.

Kisah Para Rasul 3:17 ပူးပေါင်းရင်းမြစ်များ

Lukas 23:13

Eke fobik at Pilatus etnowen it ap Allah unde suon inim, eke it inowesi suon epmano inim, eke it aphe werlekon obog inim wonggal inaptuk apareg, yig isaruk wilil,

Lukas 23:34

Imbisaruk apagma, At Yesus etnowen uruk wilil, “Nikni-o, it ap An dag seko nombahakeson duma keroho suruk ahe ulug inindi ebereheg eleg yuhun-at suruk du, Haren inobam inapelegsoho hapma imbisin-o,” ulug ebag. Uruk apagma, it epmanowen At asum etno fuloko huluog ulug helep esag esag suruk apareg, fuloko holebag.

Yohanes 15:21

Eke hiren An nawene etno waruk hisalug, hit ariroho-at inambit hisahup-o. Eke iren At An lahap nabik waharision etno inapeleg-at wereg-o.

Yohanes 16:3

Ariroho inahla buruk amuhup ari, iren An nebe inim, An Nikni etno inim inapelehen-at suruk wilil, inahla buruk amuhup-o.

Yohanes 7:52

eke it etnowen yig ituk wilil, “Ariroho ehen ari, hat hebe inim-at o Galilea etnowen endag atuk senag ano? Ari halug, Alkitab wene holal baleg etno fikfag wane suruk aruhunteg, ap nabi ap misig o Galileaen waruhu fug ulug yig nisebahon etno hiluk aruhun-o,” ulug yig epag.

Kisah Para Rasul 13:27

Eke it Yerusalem aphe inim, it inowesi epmano inim, At Yesus ninili warukon ulug inapeleg wilil, it nabien wene holal embebahon nintul nantul o sembahyang fam yig nisarukon epmano inapeleg neken welatusa-o. Ariroho wilil, At Yesus dahon obam umburusa etno fam it nabien hurumbik ebahon demat surusa-o.

Kisah Para Rasul 22:5

Ariroho yig hisihion ari, it imam ap suon inim, it Yahudi ap inowesi inimen demat uruk ulug iniluk-o. It Yahudi ap inowesi epmanowen holal baloko og nituk apagma, an nebe it ninomini Yahudi ap o Damsyik werehon epmano inambeg lalug, holal etno og isahuken ulug suruk wilil it aphe obog Yesus wene warukon epmano hele waroko og inaplug o Yerusalemen war inabukag ulug nahla buruk aheyareg, o Damsyik laruk seyag-o,” ulug at Paulusen yig isarisi.

Kisah Para Rasul 26:9

Eke an nebe bilin At Yesus Nazareton etno inuk eleg amag ulug o Yerusalem etno sil nuruk atikik-o.

Kisah Para Rasul 28:21

Yig isaruk atisimu, it Yahudi aben yig ituk wilil, “O Yerusalem epmen hat hawene haholal baleg lahap nisa waharusa fug-o. Eke ninomin misig hat hawene yig nisiog ulug ninambeg waharisi fug-o. Eke misig hat hobam denggeltuson epmano yig nisarusa fug-o. Ariroho yig nisaruk elegma, ninapeleg neken welaheon oke,

Kisah Para Rasul 7:40

Yig ituk apareg, at Harun etno yig ituk wilil, ‘At Musa nit og ninaplug o Mesiren ninombisahik waharision etno kema laha ulug ninapelegma, at allah ubulukmu misig ilitoho wal haruk apmihinteg, og nisamihin-o,’ ulug yig ituk apareg,

Roma 11:2

Eke At Allahen At udaki bilin imig inapahon epmano ambit isalug sohorep isarisi fug-o. Eke wene etno Alkitab fam weregma, at Elia etnowen it Israel ap iren surukon Allah yig ituk wilil,

1 Korintus 2:8

Eke wene ari, it o duma inune suon urukon epmanowen iniluk apag fug-o. Wene ari iniluk atlepmen, iren Ninowe inuk suon etno e fam lenggaloko embelep fug-o.

2 Korintus 3:14

Ariroho suruk apareg fam, kidia it Yahudi aphe inahla burukon epmano sok lareg neken wereg-o. Eke at Musa olohore sum sambuntepatebag etno hag, it Yahudi ap kidia hurumbik amukon holal baleg etno wane suruk wilil sum sambunteg wereg etno fam inilanggen hupnig neken wereg-o. Ariroho wereg oke, At Kristus awene etno-at waruk isalug, sum sambunteg neken werehon etno eleg atuk-o.

Efesus 4:18

Eke At Allahen niniluk welamon og nisarukon etno iren holaruk eleg etno fam mondog inapeleg wilil, inindi arikon wereg-o.

Filipi 1:22

Eke an nebe niluk wilil yabuk fanowon etno-at suruk aruhuk ari fam, nebe niluk welamon ano, eke waramon ano, an nongge hag imig saruk arik ulug an napeleg-o.

1 Timotius 1:13

Eke anden At Yesus nune dahon yig ereheg, eke At udaki muko wilip iseheg suruk atikikon epmano At Yesusen hindi wereg atuk halug, an nanggimbu welaruhun-o, ulug sohorep naharisi fug-o. Eke an bilin Allah wene napelegma dag suruk nealug, At Allahen nabua nearisi-o.