Kisah Para Rasul 3:16 - Allah Wene Hurumbik Keron

¹⁶ Eke At Yesus inuk fam ap iog oag elehon etno oag wereg aha-o. Oag wereg ahama, hehep ari At Yesus obam ebetuk wilil, inuk warukmu, hit hinil fam fano sehek-o.

Kisah Para Rasul 3:16 ပူးပေါင်းရင်းမြစ်များ

Matius 14:29

eke At Yesusen yig ituk wilil, “Hat hebe kidia wilik ma-o,” ulug yig epag. Yig ituk apagma, at Petrus etno so fam epmanowen wilip atuk apareg, ik ahum fam iog umbulug At Yesus ambeg liog ulug horogsoho lebag.

Matius 9:22

Sen haruk apagma, At Yesus etno olohore dahagsoho ilanggen kolap haruk wilil, “Nahaloho-o, hat hahientoho welamin-o. Hat An nobam eberehen etno fam, hebe fano ahen-o,” ulug yig ituk apagma, ebe arat fano apag.

Yohanes 14:12

Ari halug, Anden wene demat uruk amon etno yig hipmin-o, it yi aphe di aphe obog An nobam ebetukon epmanowen Anden yabuk suruk ahi epmano ilitoho suruk amuhup-o. Eke An nebe Nikni ambeg lahukseg fam, iren fobik sukfugangge anggolo-at suruk amuhup-o.

Yohanes 7:23

Eke ari halug, hiren at Musaen wene duroho suruk amuk eke duroho suruk am fug ulug ebahon etno sohorep isehe ha nowen ulug, o hari Sabat fam hinudaki iniyunggul ambilik bal inaptuk ahebon oke, eke Anden ap misig o hari Sabat fam ebe obog-at fano sirikikon etno farim nulug winimug nituk ahep-o?

Kisah Para Rasul 14:9

Esanggo holtuk apareg, at etnowen niog fano nabukag ulug wene etno eberoko waruk apagma, at Paulus etnowen aren baltuk apareg, ilanggen fikfag wenaharuk apag.

Kisah Para Rasul 16:18

ulug at hole etnowen nintul nantul uruk atisimu, at Paulus etno indimuen ambit heheg, olohore dahagsoho yet haruk atisireg, at setan etno yig ituk wilil, “Hat setan hole du ahla welahenon du At Yesus Kristus inuk fam wilip amin-o,” ulug yig ituk atisimu, at setan etno arat wilip atisi.

Kisah Para Rasul 3:6

at Petrus etnowen yig ituk wilil, “An nahuang elehen anden angge misig og hipminmu, hat hebe At Yesus Kristus Nazaret ap etno inuk fam minatlug lamihin-o,” ulug yig ituk apareg, inggik bikit fil senoko minduhupfebag.

Kisah Para Rasul 3:8

Laruk apareg, it etano inim o Allah ibam kuruk apareg, dahag fahag hiksoho lahakeg ambeheg suruk wilil At Allah inuk suontepfuruk apag.

Kisah Para Rasul 4:10

hit inim it Israel ap inim hit obog hiniluk amag ulug yig hisamin-o. At ap iog oag elehon fano atisireg wereg du, At Yesus Kristus Nazaret ap etno inuk fam oag weregsoho fano atisi-o. Eke At Yesus etno bilin hiren e fam lenggaloko watikibon oke, At Allahen it aphe warehon wereg ambeg epmanowen iluksoho minduhupfirisi-o.

Kisah Para Rasul 4:30

Eke Hat hinggik fam fano inaptuk wilil, At hanggimbu fanowon Yesus etno inuk fam elalintoho sukfugangge suruk amin-o,” ulug sembahyang ebag.

Kisah Para Rasul 4:7

Wonggalik waharuk apareg, it Petrus Yohanes etano it inolohotma minduhup isebag. Minduhup isaruk apareg, yig isaruk wilil, “Hiren ap fano sirikip ari, keroho ulug sirikip-o? Eke hit sa inuk fam hinoag wereg atlug fano sirikip-o?” ulug hinog og inapag.

Roma 3:22

it apheyen inindi At Yesus Kristus obam ebetuk isalug, At Allahen it alem dahon inobam werehon epmano elehepfuruk-o. Eke it yi aphe di aphe obog At Kristus obam ebetuk isalug, At Allahen alem dahon etno ilitoho-at elehep isaruk-o. Ariroho suruk wilil, at misig alem dahon obam werehon epmano elehepfeheg, eke at misig sohorep iseheg suruk eleg-o.

1 Korintus 13:2

Eke an Allah wene nindimuen walug yig iseheg, eke yi angge di angge herahowon epmano obog niluk aheg, eke At Allah inuk mondog ebetuk wilil bunu etno walug o ninmu imbik laheg suruk wilil, nindi hunduhuk eleg welatlemen, an nebe napeleg neken-at welatle-o.