Kisah Para Rasul 3:13 - Allah Wene Hurumbik Keron

¹³ Bilin At Allah inuk it ninetamuki Abraham, Ishak, Yakub iren webahon, At Allahen bilin it ninetamuki Abraham, Ishak, Yakub inabua isebag etno ilitoho kidia At Amloho Yesus etno inuk suontepfirisi-o. Suontepfirision oke, eke hiren At ebe wabukag ulug at Pilatus etno inggikmu imbirikip-o. Imbirikipmu, at Pilatusen ebe hele hibiloko imbisiek ulug yig hisarision oke, hiren At niron eleg-o ulug irikip-o.

Kisah Para Rasul 3:13 ပူးပေါင်းရင်းမြစ်များ

Matius 11:27

Hat Niknien An yi angge di angge obog og nitikinteg fam, Haren-at An Hamloho nebe hiluk-o. Eke An Hamlohoen-at Hat Nikni hebe niluk-o. Eke An Hamloho etnowen it nin yig isarukmu, it etnowen-at Hat hebe iniluk atuk-o,” ulug ebag.

Matius 20:19

Sen naptuk amuhupseg, nowabuog ulug noag deloko it ap Allah wene inapelehon etno og isahup-o. Og isaruk amuhupmu, iren nahunda yatuk wilil, nenggali wareheg, eke yikangge nowareheg suruk amuhupseg, e fam lenggaloko nombaharuk amuhupseg nowabuhup-o. Nowatuk amuhupmu, ninggik henahanam welaruhukseg, niluk atlug minaruhuk-o,” ulug yig isebag.

Matius 22:32

‘At Abraham Ikni An at-o. Eke at Ishak Ikni An at-o. Eke at Yakub Ikni An at-o,’ ulug yig epahon etno fam alem du niniluk atuk-o. At Allah ari aphe iniluk werehon epmano Inikni-at wereg-o. Eke it waratukon epmano hag Inikni eleg-o,” ulug yig isebag.

Matius 27:2

Wene baltuk apareg, At Yesus etno hele bisuemanggen fam waroko walug at Pilatus, Gu­bernur etno ambeg imbik lebag.

Matius 28:18

Sembahyang uruk apagma, At Yesus etno it wereg ambeg horogsoho waharuk apareg, yig isaruk wilil, “An nebe etno suon wilil o boholma inim kweanma inim obog-at unde welamag ulug minduhup naharisi-o.

Markus 15:11

Yig isaruk apagma, eke it ap Allah unde suon epmanowen uruk wilil, “At Barabas etno hag hele hibil nisawagsoho yig imiek-o,” ulug it aphe wonggaleg welapahon epmanowen obog-at yig isil lebag.

Lukas 22:57

at Petrus etnowen yig ituk wilil, “Hwe du, At ebe an napeleg-o,” ulug yig epag.

Lukas 23:4

Yig ituk apagma, eke at Pilatus etnowen it ap Allah unde suon inim, eke it aphe obog wonggalfahon epmano inim yig isaruk wilil, “At ap du alem ari dag sirisimu angginon etno obam imbiminen ulug nahla bihi fug-o,” ulug yig isebahon oke,

Lukas 6:37

At Yesusen yig isaruk wilil, “At Allahen hinabug baluk nowen eke hiren aphe inabug baluk fug-o. Eke At Allahen oag del hinabuk nowen, hiren aphe oag del inabuk fug-o. Eke At Allahen hit dag sirikibon epmano hinobam hinapalegsoho apma hinombisahukag ulug, eke hiren it nin dag surukon epmano inobam inapelegsoho hinapma imbisaruk amiek-o.

Yohanes 12:16

ulug ariroho wene embebahon etno At Yesus omini epmanowen o ari sambit inindi ebebag fuhon oke, fobik At Yesus etno suon welamag ulug minduhupfuruk apagma, it At Yesus omini epmano wene baleg etno fam inahla buruk wilil, “Wi, niren At ebe etno wam keledai amboloag fam horiep furukuk,” ulug inindi ebepag.

Yohanes 18:40

eke it epmanowen inune suon yig ituk wilil, “Ap du hibil nisamihin fug-o. At Barabas etno-at hibil nisimin-o,” ulug yig epag. Eke Barabas etno ebe dag suruk halug, hele warepfebahon oke, ariroho yig epag.

Yohanes 19:11

Yig ituk apagma, At Yesusen yig ituk wilil, “Hat ariroho unde welahi ehen ari, At Allahen unde welamag ulug minduhup hahalep fugmen, An nebe ariroho sep nahukon etno unde welatlen fug-o. Ari halug at dahan fahan suruk ahenon oke, it ap An nebe sen nabukag ulug og hituson epmano dag anggolo-at surusa-o,” ulug yig epag.

Yohanes 19:12

Ariroho yig ituk apagma, at Pilatus etno esanggo holtuk apareg ahla buruk wilil, “Ap du hele hibiloko imbisik-o,” ulug ahla buruk apareg, yig isebahon oke, it Yahudi ap epmanowen inune suon uruk wilil, “Hat ap du demat hele hibiloko imbisamihin halug, hat hebe at Kaisar omin neken welahen fug-o. Eke at ap misihen an inowe suon neken welahi-o ulug urukon halug, at Kaisar inim healeg neken wereg-o,” ulug yig ituk apagma,

Yohanes 19:15

Yig isaruk apagma, it epmanowen inune suon uruk wilil, “Eleg-o, At ebe e fam lenggaloko umbulug mondog-at warepfin-o,” ulug yig epag. Yig ituk apagma, at Pilatus etnowen yig isaruk wilil, “Hit ariroho ehep ari, hinowe suon etno e fam lenggaloko umbukag ulug yig nerehep ano?” ulug yig isebag. Yig isaruk apagma, it Allah unde inowesi suon epmanowen yig ituk wilil, “Nit ninowe suon ari, at Kaisar misig akeleg-at wereg-o,” ulug yig ituk apagma,

Yohanes 7:39

Eke At Yesus etno ebe suon welamag ulug awan minduhupfuruk elegma, Roh Kudus etno og isebag fuhon oke, it At obam ebetuk apahon etno dulum-at og hisahuk ulug abug yig isebag-o.

Kisah Para Rasul 22:14

at etnowen yig nituk wilil, ‘It ninetamuki Inikni Allahen ahla bebahon etno hat hiluk amag ulug fuloko hombaharisi-o. Hombaharisireg fam, At anggimbu obabut fanowon hilanggen haruk weregma, At une fam yig hitukmu holtikin-o.

Kisah Para Rasul 24:14

Eke kidia anden nahla bihion hat yig hirik-o. An kidia it ninetamuki Inikni Allah etno obam ebetuk wilil, At Yesus inuk fam Allah obam ebetuk ahion ari, iren dag ulug uruk-o. Ariroho urukon oke, eke an hag at Musaen ebahon etno inim, eke it nabien wene holal embebahon etno inim eberoko waruk ahi-o.

Kisah Para Rasul 3:12

It wonggalik kebagma, at Petrusen ilanggen isaruk apareg, yig isaruk wilil, “Hit Israel ap du, keroho ulug hinakol haruk wilil, hinilanggen yet nisaruk ahep-o? At ap iog oag elehon etno fano sehe ari fam hiren it inobabut fano wilil, it inoag fam fano sehesa ulug buruk ahep? Eleg-o, nomini.

Kisah Para Rasul 3:26

At Amloho iluksoho minduhupfirisimu, bilin hit obog yi dag di dag suruk atikibon epmano sohorep isalug fano hinabukag ulug belap hisa waharisi-o,” ulug at Petrusen yig isaruk apag.

Kisah Para Rasul 4:27

it Herodes, Pontius Pilatus inim, it hawene waruk elehon epmano inim, eke it Israel ap inim, it obog dambuksoho wilil, At hanggimbu Yesus Kristus minduhupfirikinon etno watusa-o.

Kisah Para Rasul 4:30

Eke Hat hinggik fam fano inaptuk wilil, At hanggimbu fanowon Yesus etno inuk fam elalintoho sukfugangge suruk amin-o,” ulug sembahyang ebag.

Kisah Para Rasul 7:32

‘An it hetamuki Abraham, Ishak, Yakub Inikni-at welahi-o,’ ulug yig ituk apagma, akolen olohore herag apag.

Roma 9:5

Eke it inetamuki bilin it Abraham, Ishak, Yakub welapahon etno hag, eke fobik At Kristus etno ebe ap ilitoho it inungguluahon-at endag apag-o. Eke At Allah yi aphe di aphe Inikni etno inuk nintul nantul suontepfuruk amuk-o, ulug an demat yig hisaruk ahi-o.

Ibrani 2:9

Isaruk ahe fuhon oke, At Yesus-at ninilanggen haruk ahe-o. Eke At ebe elamna-at it malaikat epmano inapma welamag ulug embebareg fam, At Allahen it yi aphe di aphe obog inabua isaruk heheg, At it inake waramag ulug sohorep isebahon oke, At ebe waratuk wilil yahan wapareg fam, kidia At ebe suon alon werehon-at wereg haruk ahe-o.

Wahyu 1:18

An nebe bilin nowapahon oke, niluk atuk seyahon An at-o. An niluk nitog mondog-at welaruhuk-o. Eke waratukon alem etno Anden napma umburuk seyareg fam, o it ap warehon wereg ambeg unde etno An at-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.