Kisah Para Rasul 28:8 - Allah Wene Hurumbik Keron

⁸ Ninim weregma, at Publius ikni etno obam olok suruk wilil, al wanggo surukon etno ibam nohorukmu, at Paulus etno at ap uk warehon etno nohoruk ambeg kuruk atisireg, ungguluag inggik senoko sembahyang uruk atisimu, fano atisi.

Kisah Para Rasul 28:8 ပူးပေါင်းရင်းမြစ်များ

Matius 10:1

Eke fobik At Yesusen omini dua belas epmano wol isaruk apareg, yig isaruk wilil, “Hiren it setan inindimu werehon epmano lisoko wilip iseheg, eke it uk warehon epmano fano inabeheg sukag ulug minduhup hisahaki-o,” ulug yig isaruk apareg,

Matius 10:8

Yig isaruk wilil, eke it uk warehon fano inabe­heg, it warehon minduhup iseheg, eke it honanggorohon fano in­abeheg, eke it setan inindimu werehon wilip iseheg sil nuruk amuk-o. Eke hit Anden onggo eleg yuhun-at og hisarikikon etno fam, hiren uang anggen onggo dot og nisimiek-o ulug kino eheg eleg-at sil nuruk amuk-o.

Matius 12:13

Yig isaruk apareg, eke fobik ap etno yig ituk wilil, “Hinggik bung himin-o,” ulug yig ituk apagma, bung haruk apareg, inggik misig fanowon etno ilitoho fano apag.

Matius 9:18

At Yesusen awan yig isaruk heheg, it Yahudi ap suon etno At Yesus ambeg waharuk apareg, indibahal yungguksoho kunuk ebag. Kunuk uruk apareg, yig ituk wilil, “An nahaloho fahe arat warahawon etno iluk amag ulug hinggik sen haminen ma-o,” ulug yig ituk apagma,

Markus 16:18

Ariroho suruk wilil, eke walo muluk neken ininggik senereheg, eke imag wareg neken nenggeg suhubon oke, etno fam waramuhup fug-o. Eke it uk warehon epmano hininggik sen inaptuk hisalug fano amuhup o,” ulug yig isebag.

Markus 5:23

“Yesus wai, an nahaloho uk wareg wilil wararikon-o. Ari halug iluk amagsoho Haren ungguluag hinggik seneg wilil fano simihinen ma-o,” ulug yig ituk mondog-at werehen inim lebag.

Markus 6:5

Yig isaruk apareg, o epmen Aren sukfuganggeroho sukon etno hai atuken sohorep isawon oke, ap misig misig uk waregma, inggik senep isalug, fano inaptuk apag.

Markus 7:32

Laruk apagma, it aphe nin epmanowen ap misig une eleg wilil esanggo dohuon etno At Yesus hinggik senerin yig imuog ulug ambeg imbik wapag.

Lukas 13:13

inggiken ungguluag sen haruk apagma, hwe etno esanggo holtuk apareg inggik iog mot hebag. Mot haruk apareg, At Allah inuk-at suontepfuruk apag.

Lukas 4:40

Ariroho weregma, eke fobik o hupmu, mo amburuk heheg, it obohen inomini uk warehon epmano At Yesus ambeg imbisa lebag. Imbisa laruk apagma, At Yesusen inggik inobam sen isaruk apareg, it obog fano inapag.

Kisah Para Rasul 28:7

Ariroho uruk atusama, eke o horog epmano orom yabuk misig ohoma haruk atukukseg, yabuk du at Publius o ik anggenma werehon du inowe eyabuk-o, ulug ninesanggo holtuk atukukseg weregma, at Publius etnowen heahi war ninaptuk atisireg, nininggik henahanam ninim welatukuk.

Kisah Para Rasul 28:9

Fano atuk atisimu, it aphe o ik anggenma etnowon uk warehon epmano at ambeg waharuk atusama, fano inaptisi.

Kisah Para Rasul 9:40

Ariroho suruk apagma, at Petrus etnowen it aphe epmano obog wilip isaruk apareg, ut kunuk ulug sembahyang ebag. Sembahyang uruk apareg, olohore dahagsoho at hwe beya werehon etno kolap haruk wilil, “Tabita wai. Hiluk atlug minamin-o,” ulug yig ituk apagma, ilanggen fenggen atuk apareg, at Petrus etno yet hebag. Yet haruk apareg, minatuk apagma at Petrusen inggik senoko minduhupfebag.

1 Korintus 12:28

Eke At Allahen At udaki inanggelegma epmanowen aphe inebe minduhup isaruk wilil, bilin it wene yig isil nuruk amag ulug mondep isebahon epmano minduhup isebag. Eke fobik it Allah wene inindimuen walug yig isarukon epmano minduhup isebag. Eke fobik it wene yanggul isarukon epmano minduhup isebag. Eke fobik it aphe sukfugangge surukon epmano inim, eke it uk warehon fano inabukag ulug og isarukon epmano inim, eke it yalmag isarukon epmano inim, eke it aphe inaso werehon epmano inim, eke it inune akelehon urukon epmano inim obog-at minduhup isebag.

1 Korintus 12:9

Eke ariroho suruk ari at misig etno Roh Kudus indimu wilil, Allah obam ebetuk amag ulug og ituk-o. Eke at misig Roh Kudus indimu wilil it aphe uk warehon fano inaptuk amag ulug og ituk-o.