Kisah Para Rasul 28:23 - Allah Wene Hurumbik Keron

²³ Yig ituk atusama, o ari sambit wene uhuk, ulug at Paulus inim uruk atusareg, it inebe obog at Paulus wereg ambeg wonggalik waharusa. Wonggalik waharuk atusama, at Paulusen Allah weregma sukon wene etno ilikia hubet yig isarisi. Yig isaruk mondog weregma, o hupmu atisi. Eke o ari fam yanggul isaruk wilil, at Musaen ebahon etno yig iseheg, eke it nabien wene holal embebahon epmano yig iseheg suruk wilil, At Yesus ari Kristus at-o ulug iren eberoko wawag ulug yig isarisi.

Kisah Para Rasul 28:23 ပူးပေါင်းရင်းမြစ်များ

Markus 4:34

Eke it aphe epmano hag wene ilitoho neken-at yig isaruk apahon etno oke, eke At omini epmano inim inakeleg-at wilil, yi wene di wene yig isebahon ebe ariroho farim yig hisihi ulug bukaloko yig isebag.

Lukas 16:28

An nikni ibam epma nosi fuaben angge wereg etna o hondok olokma an welahi ambeg duma wam nowen at Lazarus ari hurumbik yig isa lawag ulug lahapfin-o,’ ulug yig ituk apagma,

Lukas 24:44

Naruk apareg, it epmano yig isaruk wilil, “Kidia hinilanggen neyehebon ari, bilin hit ninim wilil yig hisaruk atikikon epmano ilitoho-at hehep-o. Eke at Musaen wene ebahon etno inim, eke it nabi aben wene embebahon inim, eke buku Mazmur fam werehon epmano inim obog An nahurumbik wereg etno ilitoho seg atisi-o,” ulug yig isebag.

Yohanes 4:34

eke At Yesusen yig isaruk wilil, “An ebe naruk ahion ari, At lahap nabik waharision etnowen ahla burukon etno ilitoho seheg, eke An yabuk suruk amag ulug og nitision etno arat seheg suruk ahi ari fam, naharom neken nalug welahi-o,” ulug yig isebag.

Kisah Para Rasul 1:3

Inambeg laruk apareg, it epmano demat inahla bukag ulug ininggik empat puluh inim wilil, inilanggen hebag. Inilanggen haruk apagma, Aren wene Allah weregmen sukon etno yig isebag.

Kisah Para Rasul 18:28

Yig isaruk wilil, it Yahudi ap epmano selegma-at inenggali war inaptuk atisireg, At Yesus ari Kristus at-o ulug Alkitab fam inesanggo watisi.

Kisah Para Rasul 18:4

Og ituk atusareg weregma, at Paulus etno it Yahudi ap inim, it Yunani ap inim, wene wawag ulug nintul nantul it Yahudi ap o Allah wene uruk ambeg epmano kuruk atisi.

Kisah Para Rasul 19:8

Uruk atusama, at Paulus etno it o Allah wene uruk ambeg kuruk atisireg, bikalem henahan wilil, it aphe epmano At Allah weregma welamon wene etno wawag ulug yig isarukmu, iren onggo yig ereheg, suruk atusa.

Kisah Para Rasul 23:11

Yig isaruk atisireg weregma, o hup atuk atisimu, eke At Ninowe etno at Paulus ambeg waharuk atisireg yig ituk wilil, “Hat hindi hakol elegsoho welamin-o. Eke hat hebe o Yerusalem dumen An nawene etno yig isaruk aruhunteg, fobik o Roma etnowen ariroho yig isaruk aruhun-o,” ulug yig itisi.

Kisah Para Rasul 24:14

Eke kidia anden nahla bihion hat yig hirik-o. An kidia it ninetamuki Inikni Allah etno obam ebetuk wilil, At Yesus inuk fam Allah obam ebetuk ahion ari, iren dag ulug uruk-o. Ariroho urukon oke, eke an hag at Musaen ebahon etno inim, eke it nabien wene holal embebahon etno inim eberoko waruk ahi-o.

Kisah Para Rasul 26:6

Ariroho waruk atikikon oke, eke kidia At Allahen bilin it ninetamuki hurumbik yig isebahon etno eberoko waruk atikikmu, inune dahon epmano nobam denggeltusa-o.

Kisah Para Rasul 28:31

At Allah weregmen sukon wene etno yig iseheg, At Ninowe Yesus Kristus awene etno yanggul iseheg suruk wilil, akol elegsoho indi ahien atlug yig isaruk atisi.

Kisah Para Rasul 8:35

Yig ituk wilil, wene holal bilin wane sebahon etno fam At Yesus wene fano wene etno yig epag.

Filemon 1:22

Eke misig ari, an noho­ruk ambeg nibam baharik misig fikfag hal naptuk amin-o. Eke hiren an nake sembahyang uruk ahep etno At Allahen esanggo holtug an nebe suhuluk hit hinambeg lahap nabik wamag ulug sembahyang uruk ahi-o.