Kisah Para Rasul 28:2 - Allah Wene Hurumbik Keron

² Holtuk atukukseg weregma, osit suon misig ninaruk atisimu, sohiken suruk nisaruk atusareg, it aphe o epma werehon epmanowen ninabua nisaruk wilil, hondok suon monggaloko sohik yet ninaptusa.

Kisah Para Rasul 28:2 ပူးပေါင်းရင်းမြစ်များ

Matius 10:42

Eke An namloho misig it apheyen ap du kimbu-o ulug urukon oke, ap misihen ik holon induk fanowon etno nawag ulug og ituk halug, fobik An nudaki onggo fanowon og isahuon epmano nin minggiroko ap ik holon og itision etno og iruhu-o, ulug yig hisihion ari hinindi ebetuk amiek-o,” ulug yig isebag.

Yohanes 18:18

Eke o etno sambit sohik anggolo atuk apagma, it inanggimbu epmano inim, eke it yaharoho werehon epmano inim hondok misig monggalepfuruk apareg, inebe sohik yet saruk wilil, hondok etno dahagsoho minduhuk welapag. Ariroho minduhuk weregma, at Petrus etno sohik yet saminen ulug inahla minarik lebag.

Kisah Para Rasul 27:3

Waharuk atukukseg, kwalema so fam noholug, o Sidon etno waharukuk. Waharuk atukukseg weregma, at Yulius etnowen Paulus obam ahien haruk wilil, hat so famen homini inambeg wilip atlug, iren yi angge di angge og hemagsoho lamihin-o ulug yig ituk atisimu, inambeg laruk atisireg, nit at etno ninim fobik so fam kurukuk.

Kisah Para Rasul 28:3

Sohik yet ninaptuk atusama, at Paulus etno hondok wirig wak laruk atisireg, yaltukmu, walo misig hondok oloken wilik waharuk atisireg, at Paulus inggik waloen ayeg saluksepfirisi.

Kisah Para Rasul 28:4

Ayeg salukseg weregma, it aphe o epma werehon epmanowen inilanggen haruk atusareg uruk wilil, “Wi, ap du ikmen fano wilik wahaon oke, walo duen baltukmu wararikon ari at ebe bilin ap watuk atision ano?” ulug inune fog fog uruk atusama,

Roma 1:14

Eke ap misig baleg angge obam wilil, onggo og eriog ulug suruk etno hag, anden it aphe inune ninilukon epmano inim, it inune ninapelehon epmano inim, eke it inindi yi angge di angge alem inilukon epmano inim, it inapelehon epmano inim obog-at Allah wene etno yig isiog ulug suruk ahi-o.

Roma 14:1

Eke ap hiron misig indi oag eleg halug, hinim fanoroho welamuk-o. Ariroho wilil, hinim winimug aptuk am fug-o.

Roma 14:3

Eke at yi angge di angge obog-at narukon etnowen at engga-at narukon etno ambit haruk am nowen-o. Eke at engga-at narukon etnowen at yi angge di angge obog-at narukon epmano oag deloko umbuk ari hai-o. Eke At Allahen it obog-at nudaki ulug heako imbisarisi-o.

Roma 2:27

Eke hit Yahudi ap it ap Allah wene inapelehon epmanowen-at oag del hinabuhup-o. Ariroho suhup ari, hit hag wene duroho suruk amuk eke duroho suruk am fug ebahon etno wene holal embeheg, eke hiniyunggul ambilik bal seheg, suruk wilil oke, wene ebe hag seberoko imbisaruk ahep-o. Eke it hag inebe iniyunggul ambilik baleg eleg wilil oke, wene ebe-at inesanggo holtug ilitoho suruk-o.

1 Korintus 14:11

Eke it ap ninen inune an napelehon etno uruk isalug, ap du inune holuk fugsoho uruk du kemon-o? ulug nahla buhuk-o. Eke iren an farim, ap du kemon ulug inahla buhup-o.

2 Korintus 11:27

Eke an nebe yabuk angginon sat anggolo seheg, eke an nohukon etno sohorep isalug welaheg, eke naharom nahik obok heheg, hunik-at welaheg, eke nibam nowatke elegma sohik heheg, eke nasum elehen dahon-at wantoho neabie neken-at sil nuruk atikik-o.

Kolose 3:11

Inobabut ketoho imbisarukon etno, it ap bilin Allah wene inapeleg welatuson inim, eke it Yahudi ap inim, it iniyunggul ambilik balehon etno inim, eke baleg elehon inim, it Barbar ap epmano inim, eke it Skit ap epmano inim, ari it aphe inune ninilukon epmano inim, eke inune ninapelehon epmano inim, eke ap suon inim, eke ap kimbu inim, it obog-at Kristus inim wilil, inebe misig-at inindi hunduhuk wereg-o.

Ibrani 13:2

Eke it ap huso hinibam waharuk isalug, hinim fanoroho welamon etno hinapeleg am fug-o. Eke it ap nin bilin welapahon epmanowen ap huso ninambeg waheson du malaikat ulug inapeleg oke, inim fano welapag-o.