Kisah Para Rasul 27:1 - Allah Wene Hurumbik Keron

¹ Eke fobik it ninen og ninaplug o Italia wamag ulug wene baltuk atusareg, at Paulus inim eke it nin hele warehon epmano inim, at Yulius it Roma ap Kaisar inowe sehen senehon misig etnowen og ninaplug wamag ulug og itusa.

Kisah Para Rasul 27:1 ပူးပေါင်းရင်းမြစ်များ

Matius 27:54

Nin eke at sehen senehon inowe etno inim, it osi sehen senehon epmano inim At Yesus ebe inilanggen yaharoho aso welapahon epmano o yugul inim, eke yiroho diroho obog-at surukmu inilanggen haruk apareg, inakolen uruk wilil, “Ap du Allah Amloho demat hehe-o,” ulug ebag.

Lukas 23:47

Waratukmu it ap sehen seneg werehon inowe suon etno obog-at ilanggen haruk apareg, At Allah inuk suontepfuruk wilil, “At ap du demat fanowon welaha-o,” ulug uruk apag.

Lukas 7:2

Waharuk apareg weregma, eke it Roma ap inowe anggimbu indi hunduhukon etno uk wareg wilil, horog warariog ulug suruk apag.

Kisah Para Rasul 10:1

Eke o Kaisarea etno ap misig inuk Kornelius welapag. At etno it Italiaon Roma ap sehen senehon etno inebe seratus inowe welapag. Epma inowe wilil, ap etno Allah akol welapag.

Kisah Para Rasul 10:22

“At ninowe Kornelius lahap nisa waharisimu wahe-o. Eke at Kornelius ebe etno fano wilil, At Allah inuk suontepfurukmu, it Yahudi ap epmanowen ninomin ulug fog suruk-o. Eke at Kornelius etno Allah malaikat misihen yig ituk wilil, at Petrusen wene yig hiriog ulug hibam wamagsoho ayonggo lawag-o,” ulug Kornelius yig epahon etno At Roh Kudusen fobik Petrus yig epag.

Kisah Para Rasul 16:10

I og haruk apareg, ahla buruk wilil, ari hihi ari, At Allahen o Makedonia wene fano wene etno yig isawag ulug wol nabehek hihi-o, ulug nahla buruk atikikseg, nit etno o Makedonia luog ulug yi angge di angge dig dug holaruk atukukseg larukuk.

Kisah Para Rasul 18:2

Waharisireg weregma, at Kaisar Klaudius etnowen it Yahudi ap obog o Romaen wilip isaruk atisimu, at Yahudi ap misig inuk Akwila, o Pontusen endag apahon etno, uhwe inuk Priskila inim o Italia etnowen o Korintus larusareg weregma,

Kisah Para Rasul 19:21

Eke fobik Allah wene etno su atuk atisimu, at Paulus etno o Makedonia, Akhaya ya keheg sil o Yerusalem lahukseg, fobik o Roma waruhuk-o, ulug ahla buruk wilil,

Kisah Para Rasul 21:32

esanggo holtuk atisireg, at omini sehen senehon nin inim og inaplug buahen it aphe wonggaltuson epmano inahla larusa. Laruk atusareg, it ap sehen senehon etnowen at Paulus ebe ili oko senetukmu, it aphe wonggaltuson epmano inilanggen isaruk atusareg, at Paulus yikangge wabuk sohorep isarusa.

Kisah Para Rasul 22:26

at inowe misig etno eke at inowe suon anduhunmu werehon etno ambeg laruk atisireg yig ituk wilil, “Hat nongge suruk ahen-o? At ap wabuog ulug seheon etno at ebe Roma ap-at hehe-o,” ulug yig ituk atisimu,

Kisah Para Rasul 23:11

Yig isaruk atisireg weregma, o hup atuk atisimu, eke At Ninowe etno at Paulus ambeg waharuk atisireg yig ituk wilil, “Hat hindi hakol elegsoho welamin-o. Eke hat hebe o Yerusalem dumen An nawene etno yig isaruk aruhunteg, fobik o Roma etnowen ariroho yig isaruk aruhun-o,” ulug yig itisi.

Kisah Para Rasul 23:17

Yig ituk atisimu, at Paulusen it Roma ap inowe misig wol haruk atisireg yig ituk wilil, “Udag duen hit hinowe suon etno yig emag ulug walug lamin-o,” ulug yig ituk atisimu,

Kisah Para Rasul 24:23

Yig ituk atisireg, at Paulus aso werehon etno yig ituk wilil, “At ebe hele warehon etno, selonggolongsoho welamag-o. Eke hiren winimug yig isa fug-o. At ominien yi angge di angge og irik wam ari fano at-o,” ulug at Paulus aso werehon etno yig itisi.

Kisah Para Rasul 25:12

esanggo holtuk atisireg, omini inim dambuksoho wene baltuk atusareg, yig ituk wilil, “Hat at Kaisaren nawene balukag ulug ehenteg fam, hat hebe at Kaisar ambeg-at lahap hahakuk-o,” ulug yig itisi.

Kisah Para Rasul 25:25

anden alem heaharuk atikikseg, aren dag sirisi fug ulug nahla birikik-o. Ariroho nahla buruk atikikseg, eke ap etnowen uruk wilil, at Kaisaren nawene balukag ulug irisi etno famen, at Kaisar ambeg lahapfuhuk ulug nahla birikik.

Kisah Para Rasul 27:11

eke Roma ap inowe etnowen ahla buruk wilil, “At Paulus apeleg-o. It so unde inim eke so watukon inim iniluk-o,” ulug ahla buruk atisi.

Kisah Para Rasul 27:43

it inowe etnowen at Paulus ebe ili wiog ulug, aren war inabuk fug ulug osi epmano inesanggo watuk atisireg, it aphe obog so fam werehon epmano yig isaruk wilil,

Kisah Para Rasul 27:6

Waharuk atukukseg weregma, it Roma ap inowe etnowen so misig o Aleksandriaen Italia wariog ulug surukmu heaharuk atisireg, aren so etno fam kolap ninaptisi.

Kisah Para Rasul 28:1

Ninebe obog ik lealeg ambeg etano waharuk atukukseg, o ik anggenma du inuk Milete ulug ninesanggo holtukuk.

Kisah Para Rasul 28:16

Eke fobik o Roma kota suon etno waharuk atukukseg wilil, at Paulus ap sehen senehon misihen aso welamag ulug ibam akelegma imbik larusa.

Ibrani 13:24

Eke it hinowesi obog epmano inim, eke it Allah udaki obog epmano inim obog-at heahi war hinaptuk ulug yig isimuk-o. Eke it hinomini o Italia werehon epmanowen heahi war hinaptuk-o.