Kisah Para Rasul 26:8 - Allah Wene Hurumbik Keron

⁸ Eke At Allahen aphe warehon iniluksoho minduhup isarukon epmano hit Yahudi ap keroho ulug waruk ahep fug-o?

Kisah Para Rasul 26:8 ပူးပေါင်းရင်းမြစ်များ

Lukas 1:37

Eke At Allah yi angge di angge surukon etno obog iluk-o,” ulug at malaikaren yig epag.

Lukas 18:27

Yig ituk apagma, At Yesus etnowen yig isaruk wilil, “It apheyen ari suk hai-o. At Allahen-at inili og inabuk fano-o,” ulug yig isebag.

Kisah Para Rasul 23:6

Yig isaruk atisireg, at Paulusen it Yahudi ap inowesi wonggaltuson epmano nin Farisi ap, eke nin Saduki ap weregma ilanggen isaruk atisireg, it obog yig isaruk wilil, “Nomini-o, an nebe bilin nikni ebe Farisi aben endag napagma, nebe Farisi ap welahi-o. Eke fobik it aphe obog iniluksoho minduhup isahu ulug nindi ebetukmu, naren baltuk ahep-o,” ulug yig isarisi.

Kisah Para Rasul 25:19

At obam denggeltusa ari alem suon elehen, we iren wene duroho suruk amuk eke duroho suruk am fug ulug ebahon etno fam obam denggeltusa. Eke alem misig ari ap inuk Yesus warapahon etno farim at Paulusen At ebe iluk wereg-o, ulug yig isarision etno fam obam denggeltusa.

Kisah Para Rasul 4:2

Inambeg waharuk apagma, it At Yesus omini mondep isebahon biren etanowen aphe yig isaruk wilil, “At Yesus aphe warehon wereg ambehen iluksoho minduhupfirisi etno hag, fobik it warehon obog iniluksoho minduhup isahu-o,” ulug wene yig isarukmu inambit isaruk apareg,

1 Korintus 15:34

Eke dag suruk ahebon epmano sohorep isalug, hinindi wereg amuk-o. Eke hinindi etno fanoroho welamuk-o. Eke it ap hiron ninen Allah inuk inapeleg-o ulug hinahla buruk wilil hit hinenggali hawag ulug yig hisihi-o.

Filipi 3:21

Eke Aren nit ninebe waratuk aheon olohore nintoho seko umbulug, At ebe fanowon itog mondog werehon etno-at ilitoho seko ninombisahaku-o. Eke Aren yi angge di angge obog at apmarepatarukon halug, at oag wereg etno fam ninebe ketoho ninombisahaku-o.