Kisah Para Rasul 26:7 - Allah Wene Hurumbik Keron

⁷ Eke it ninetamuki inungguluag dua belas epmanowen At Allah inuk nintul nantul suontepfuruk wilil, At Allahen hurumbik ebahon etno eberoko waruk atikikmu, it Yahudi aben inune dahon epmano nobam denggeltusa-o, nikni.

Kisah Para Rasul 26:7 ပူးပေါင်းရင်းမြစ်များ

Matius 19:28

Yig ituk apagma, At Yesusen yig isaruk wilil, “Fobik yi angge di angge obog inebe keron neken imbisaruk halug, An Allahen minduhup naharision suon wilil, it aphe oag del inabiog ulug horie uruk aruhukmu, hit nomini dua belas mug naplug waharikibon etnowen it Israel ap inunggul oag dua belas etno oag del inabuog ulug ninim ilitoho-at wilil, horie uhuk-o, ulug yig hisihi ari, An demat yig hisihi-o.

Lukas 2:25

Nin eke ap misig inuk Simeon etno o Yerusalem welapag. At ap etno indi fano mondog wilil, Allahen yig epahon etno-at suruk apag. Eke At Roh Kudus indimu wilil, at it Israel aphe inindi fano inaptukon etno aso welapag.

Lukas 22:30

An Hinowe suon nibamen esoho etno ninim naruk amuhuk-o. Naruk amuhukseg, it Israel aphe inungguluag dua belas epmano inaren balukag ulug minduhup hisahakuk-o,” ulug yig isebag.

Kisah Para Rasul 20:31

Ariroho suruk isalug, an tahun henahan wilil nintul nantul ioba yatuk wilil, hit obog yanggul hisaruk atikikon epmano fanoroho hinindi ebetuk amuk-o.

Kisah Para Rasul 24:15

Eke At Allahen aphe fanowon inim, dahon inim iniluksoho minduhup isahuon it Yahudi aben demat ulug inindi ebetuk etno hag, anden ariroho-at ebetuk ahi-o.

Kisah Para Rasul 26:2

“Nikni Raja Agripa wai. Hat it Yahudi aben surukon inim, eke wene urukon inim obog fanoroho hilukmu, it Yahudi aben inune dahon nobam denggeltuson epmano onggo hat hil fam imin ari fano-o. Ariroho suruson obog-at hat hesanggo holukag ulug yig hipmin-o.

Kisah Para Rasul 28:20

Yig isaruk atikikon oke, eke kidia wol hinaptikikseg, hit ninim wilil wene baluog ulug suruk ahe-o. Eke an hele wareg welahion ari, it Yahudi ap At Kristus ahurumbik warukon etno inuk waruk wilil welahi-o,” ulug yig isarisi.

Filipi 3:11

eke At ebe warapag etno hag, nindi dahon waramon etno inim, huliog ulug nahla buruk ahi-o. Ariroho nahla buruk wilil, eke niluk atlug nindi fanowon minamon etno inim huliog ulug nahla buruk ahi-o.

1 Tesalonika 3:10

Eke ari halug, nit inim-at it Tesalonika ap inambeg mondep nisahakun ano, eke it Tesalonika ap Allah wene iniluk amon etno anggolo og isimin-o, ulug sembahyang uruk ahe-o.

1 Timotius 5:5

Eke it hweap suhweon inasuki elehon halug, At Allah obam ebetuk wilil, nintul nantul sembahyang uruk wilil, kino yig ituk amuhup-o.

Yakobus 1:1

An Yakobus, At Allah inim eke Ninowe Yesus Kristus inim inanggimbu etnowen holal du fam hit obog Allah udaki o kweanma welahebon heahi war hinaptuk ahi-o.