Kisah Para Rasul 26:24 - Allah Wene Hurumbik Keron

²⁴ at Festus etnowen une suon yig ituk wilil, “Paulus wai. Hat yi wene di wene obog hiluk atikinteg, hune nenek neken uruk hiyihi-o,” ulug yig itisi.

Kisah Para Rasul 26:24 ပူးပေါင်းရင်းမြစ်များ

Markus 3:21

Ariroho urukmu, it ninen ap du nenek neken suruk hehe-o, ulug uruk apagma, At osi, isasi inim inesanggo holtuk apareg, ebe senebuog ulug lebag.

Yohanes 7:15

Yanggul isarukmu, it Yahudi ap etnowen wi ulug fog suruk wilil, “Ap du yi wene di wene obog-at iluk atisi du, kemen iluk atisi-o?” ulug uruk apagma,

Yohanes 8:48

Ariroho yig isaruk apagma, eke it Yahudi ap etnowen yig ituk wilil, “Niren hat hebe Samaria ap wilil, setan hindimu welahen ulug yig hitukuk etno demat yig hitukuk hehe-o,” ulug yig epag.

Yohanes 8:52

Yig isaruk apagma, it Yahudi ap etnowen yig ituk wilil, “Hat hindimu setan werehon etno kidia demat ulug niniluk aha-o. Eke it nabi ap etno inim, at Abraham etno inim obog-at warapahon oke, haren yig nisaruk wilil, ‘It aphe obog wene Anden uruk ahion etno ilitoho suruk isalug, ari fam waramuhup fug,’ ulug yig nisaruk ahen-o.

Kisah Para Rasul 17:32

Eke at Paulusen ap warehon minduhupfisahu-o ulug yig isarision etno inesanggo holtuk atusareg, it ninen ahunda yatusa. Ahunda yatuk atusama, eke it ninen yig ituk wilil, “Ehenon etno fobik dahagsoho yig nisahun-o,” ulug yig ituk atusama,

Kisah Para Rasul 22:1

Bok atusama, at Paulusen it Yahudi inune fam yig isaruk wilil, “Niknisi, nowesi-o, hit obog hinil fam wene misig bukaloko yig hisaminen hinune bok amiek-o,” ulug yig isaruk atisimu,

Kisah Para Rasul 24:25

Holtuk atusareg weregma, at Paulusen fano surukon etno inim, eke inindi aso welamon etno inim, eke fobik oag deloko imbisawon etno inim dindiloko yig isarukmu, at Feliks etno akol haruk atisireg yig ituk wilil, “Kidia arat ehenteg fam hibam lamihin-o. Fobik wene nesanggo holuk nindi atuk halug, hayonggo umbuhuk-o,”

Kisah Para Rasul 24:27

Eke fobik it etano tahun biren welatusareg, at ap misig inuk Perkius Festus etno at Feliks ubulukmu Gubernur suon welamag ulug minduhupfuog ulug suruk iseheg, at Feliks etno it Yahudi ap inim dambuksoho welamag ulug at Paulus hele wareg-at sohorep isarisi.

Kisah Para Rasul 26:11

Yig isaruk atikikseg, eke fobik it o Allah wene uruk ambeg etno kuruk atikikseg, iren Yesus wene ninambit ukag ulug yikangge anggolo waroko wilip isarikik. Wilip isaruk atikikseg, eke fobik mondog nasine atuken o yatma inim heako war inabil nuruk atikik,” ulug at Paulus etnowen yig isarisi.

1 Korintus 1:23

eke nit hag At Kristus Yesus e fam lenggaloko embebagma warapahon wene etno obog-at dindiloko yig isaruk ahe-o. Wene yig isaruk aheon ari fam it Yahudi aben wene du ninambit ulug urukon epmano inim, eke it Yunani aben wene du hai wene uruk ulug urukon etno inim obog-at wereg oke,

1 Korintus 4:10

Eke At Kristus awene yig isil laruk ahe etno fam nit etno ninindi kimbu neken-at welaheon oke, eke hit hag At Kristus inuk fam hinindi weregsoho welahep-o. Eke nit ninebe ninoag elehon-at oke, hit hag hinoag wereg-o. Eke hit suontep hisaharuk wilil, nit hag kimburep nisaharuk-o.

2 Korintus 5:13

Eke nenek neken suruk ahe etno, At Allah ake-at suruk ahe-o. Eke nenek neken seheg eleg we fanoroho suruk ahe etno hit hinake-at suruk ahe-o.

2 Timotius 3:15

Eke Alkitab ari fam wene etno niniluk amuhukseg weregma, At Yesus Kristus obam ebetuk hisalug, aren hinili wahu-o, ulug Alkitaben yig nisaruk-o.