Kisah Para Rasul 26:20 - Allah Wene Hurumbik Keron

²⁰ Demat ulug nindimu ebetuk atikikseg, bilin o Damsyik inim, o Yerusalem inim, eke fobik o Yudea obog inim, eke it o ahik ya da Allah wene inapeleg ambeg inim obog-at yig isil nuruk wilil, hit dag suruk atikibon epmano sohorep isalug, hinindi weregsoho At Allah inuk waruk wilil, nit demat wene waruk ahe ulug hiniluk amagsoho fanowon etno-at suruk amuk-o, ulug yig isil nuruk atikik.

Kisah Para Rasul 26:20 ပူးပေါင်းရင်းမြစ်များ

Matius 3:2

Yig isaruk wilil, “Hit dag suruk atikibon ep­mano soho­rep isalug, hinindi wereg amiek­-o. At Allah bo­holmen sukon et­no horog fanggog ik waha-o,” ulug yig isaruk apag.

Matius 3:8

Hit aphe inindi wereg atuson ilitoho ang­gen fano­won-at yihie­k-o.

Matius 4:17

Ariroho holal embe­bareg fam, eke fobik o ari famen At Yesusen wene yanggul isebag. Yanggul isaruk wilil, “Hinindi wereg amiek-o. At Allah boholmen sukon etno fanggog ehek-o,” ulug yig isaruk apag.

Matius 9:13

Eke Allah wene baleg etnowen yig hisaruk wilil, “Ap misihen wam waroko At Allah ake-at umburukon halug ari An nambit haruk wilil, ap misig indi seberoho werehon etno hag nindi haruk ahi-o,” ulug At Allahen ebahon ari hit hinebe lalihipseg, ebe keroho yig nisebag-o, ulug hinindi ebetuk amuk-o. Eke An nebe etno it aphe nit fano welahe-o ulug inindi yuhun-at werehon etno wol isiog ulug waharikik eleg-o. It dag surukon epmano hag wol inaptuk ariog ulug-at waharikik-o,” ulug yig isebag.

Markus 6:12

ulug inesanggo watuk apareg, lahap isaruk apagma, it epmano laruk apareg, yig isaruk wilil, “Hit dag suruk ahebon epmano sohorep isalug, hinindi wereg atuk amiek-o,” ulug yig isil nuruk apag.

Lukas 1:16

Ariroho weregma, aren it Israel aphe epmano Inikni Allah obam ebebukag ulug suhuluk og inaplug waruhu-o.

Lukas 13:3

Eleg-o. Eke hit dag suruk atikibon epmano sohorep isalug hinindi wereg atuk eleg hisalug, it waratusa etno hag hit ariroho-at waramuhup-o.

Lukas 13:5

Ari eleg-o. Eke hit dag suruk atikibon epmano sohorep isalug, hinindi wereg atuk eleg hisalug, it waratusa etno hag hit ariroho-at waramuhup-o,” ulug At Yesusen yig isebag.

Lukas 15:10

it Allah malaikat epmanowen at dag surukon misig ioba yatuk atlug indi wereg atuk halug, inahien haruk-o,” ulug At Yesusen yig isebag.

Lukas 15:7

eke at ap dahon misig ioba yatuk atlug, indi wereg atuk halug, it boholmon inahien anggolo haruk-o. Eke it sembilan puluh sembilan ninindi wereg ulug inahla burukon epmano fam it boholmon inahien dorat haruk-o, ulug An demat yig hisaruk ahi-o,” ulug At Yesusen yig isebag.

Kisah Para Rasul 11:18

Yig isaruk apagma, inesanggo holtuk apareg, iren, “Bilin ninune fanggogsoho eheon etno yig ituk sohorep isul, ulug inahla buruk apareg, At Allah inuk suontepfuruk apareg, uruk wilil, ari halug, At Allahen it At awene inapeleg welatuson epmano iren dag suruk atuson sohorep isalug, iniluk welamon wene etno og isaruk hehe-o,” ulug uruk apag.

Kisah Para Rasul 15:19

eke fobik misig yig isaruk wilil, “It aphe Allah wene inapelehon epmano waruk isalug, niren angginon etno inobam umbuk fug buruk ahi-o.

Kisah Para Rasul 17:30

Eke amuk ninapeleg wilil dag suruk atukukon epmano ninobam ninapelegsoho apma ninombisahabahon oke, kidia At Allahen yi aphe di aphe obog hiren dag suruk ahebon epmano sohorep isalug An nawene etno waruk amiek-o, ulug yig nisaruk-o.

Kisah Para Rasul 2:38

Yig isaruk apagma, at Petrus etnowen, “Hit hinakeleg hinakeleg dag suruk atikibon epmano sohorep isalihipmu, At Yesus Kristus inuk fam hinapelegsoho apma hinombisahukag ulug ikma belap hinabukag-o.

Kisah Para Rasul 20:21

Eke it Yahudi ap inim, it bilin Allah wene inapeleg welatuson inim obog-at iren dag surukon epmano inobam inapelegsoho imbisalug At Allahen apma imbisahureg fam, At Ninowe Yesus inuk eberoko wawag, ulug obog-at yig hisarikik-o.

Kisah Para Rasul 26:17

Eke hat o ahik ya da lahap hahakukmu, it Israel ap inim, eke it Allah wene inapelehon epmano inimen howabuog ulug suruk isalug, Anden hili wahuk-o.

Kisah Para Rasul 26:19

At Paulusen yig isaruk wilil, “Ari halug, nikni Agripa wai, boholmen yig nitukmu ni og harikikon etno sohorep isarikik fug-o.

Kisah Para Rasul 3:19

Ariroho seg atision hiniluk wilil, hinindi wereg atuk amiek-o. Hiren dag suruk atikibon epmano sohorep isalug, At Allahen apma hinombisahukag ulug hiren seberepataruk amiek-o.

Kisah Para Rasul 9:15

At Allah etnowen yig ituk wilil, “Eleg-o, aren An ninuk etno it nawene waruk elehon inim, it ap suon suon inim, eke it Yahudi ap inim yig isaruk amag ulug heako imbirikik-o.

Kisah Para Rasul 9:35

Minatuk apagma, it o Lida Saron aphe epmanowen inilanggen haruk apareg, Ninowe Yesus awene etno webag.

Roma 2:4

Eke At Allah etno ninabua nisaruk wereg heheg, at une sebeluk ulug uruk ahen ano? Eke nit dag suruk aheon epmano ninobam ninapelegsoho apma ninombisahalug, ninindi wereg amag ulug ninabuen yig nisarukon epmano hapelegma uruk ahen ano?

2 Korintus 3:16

Eke Alkitab famen yig nisaruk wilil, “At Musa etno at owe olohore dahag uruk apagma, sum sambuntehon etno eleg apag-o,” ulug ebahon etno wereg heheg, it Yahudi ap Inowe obikit inolohore dahag uruk isalug, inasum sambuntehon etno eleg aruhu-o.

2 Korintus 7:10

Eke At Allahen ninindi dahap nisaharuk halug, niren ninili og ninabin-o ulug ukag ulug ninindi werehep nisaharuk-o. Eke ariroho ninindi werehep nisaharuk halug, niren fobik ninili og ninabuk sohorep isawim sirisi ulug uruk amuhuk fug-o. Eke yi angge di angge kweanmon fam ninindi dag atukon ari waratukon alem etno ari-at wereg-o.

Efesus 4:17

Eke ari halug, At Ninowe inuk fam nune oag weregsoho yig hisaruk ahi-o, eke it ap Allah wene inapelehon epmano inindimu urunanggeroho ebetuk wilil o hikmu werehon epmano ilitoho suruk am fug-o.

1 Tesalonika 1:9

Eke nit hit bik hisa waharukmu, heahi war ninaptuk atikibon epmano inim, eke At Allah ilukon awene etno demat ulug ebetuk wilil, anggimbu welamuog ulug hinongganangge epmano obog sohorep isalug At Allah obam ebetikibon etno inim,

Wahyu 16:11

Ariroho oloken suruson oke, eke fobik At Allah yig ituk wilil, “Hat boholmen ukmu olo­kon ninobam umburuk ahen du hai-o,” ulug yig ituson oke, iren dahon suruson epmano sohorep isarusa fug-o.

Wahyu 2:21

Ari halug, at hwe arien dag sirision epmano sohorep isawag ulug aso welatikikon oke, aren wanggik surukon etno sohorep isao ambera­ken suruk-o.

Wahyu 2:5

Eke hit hinebe dag sirikibon epmano hinin­di eberiek-o. Ari halug, hiren dag suruk ahebon epmano sohorep isalug, bilin suruk atikip epmano ilitoho suruk amiek-o. Eke hiren dag suruk ahebon epmano sohorep isaruk eleg hisalug, An fobik hinambeg waharuk aruhukseg, hiren eral fisako umburuk ahep ambeg etno walug o werlekma umbuhuk-o.

Wahyu 3:3

Ari halug, bilin iren yanggul hisarukmu, hinesanggo holtiki­bon etno hinindi ebetuk wilil, ilitoho suruk amuhuben dag suruk atikibon epmano sohorep isiek-o. Eke hinebe hiniluksoho minatuk eleg hiseheg, it ap inalomnangge herahuog ulug herako laruk etno hag, An nebe hetnogsoho hinambeg waharukon etno mo ari fam waruhu ulug hinapeleg-at welamuhup-o.