Kisah Para Rasul 26:18 - Allah Wene Hurumbik Keron18 Eke haren it aphe o hikmu neken werehon epmano inebe selegmaroho imbisaruk wilil, iniluk inabukag ulug minduhup hahakireg fam, it inebe at iblis apma werehon epmano sohorep isalug, At Allah apma imbisahun-o. Ariroho suruk aruhunmu, it aphe obohen An ninuk eberoko waruk wilil, iren dag suruk atuson epmano sohorep isalug, At Allahen fuloko imbisebareg fam, At udaki-at welamuhup-o,’ ulug At Yesusen yig nitisi-o,” ulug eke at Paulusen yig isarisi. အခန်းကိုကြည့်ပါ။ |
Kisah Para Rasul 26:18
90 ပူးပေါင်းရင်းမြစ်များ
Ariroho sukon etno At Ninoweyen yig nisaruk wilil, ‘It aphe Allah wene inapelehon epmano eral fisag inabuhuben ulug minduhup hisaharikik-o.’ Eke nin, ‘It aphe o kweanma werehon obog inili wawon wene etno yig isawag ulug lahap hisaharikik-o,’ ulug At Yesusen yig nisebahon wene etno yig hisaruk ahe-o,” ulug yig isaruk apagma,
‘At Kristus obam dahon etno umbulug watuk amuhupmu, At Ninowe manggia etno it aphe warehon wereg ambehen iluksoho minatlug, it Yahudi ap inim, eke it Allah wene inapelehon inim obog-at ninili wawon wene etno yig isaruk aruhu-o,’ ulug hurumbik ebahon etno yig hisaruk ahi-o,” ulug at Paulusen yig isarisi. At Paulusen wene ariroho yig isaruk atisimu,
Eke hit Allah udaki o Korintus welahebon du At Allahen At Yesus Kristus inuk fam hinakeleg-at hinombisahakeg, eke At Allah udaki wilil hinakeleg welamuhuben ulug wol hiseheg suruk atision etno hit inim, eke it yi aphe di aphe ninim obog-at Ninowe Yesus Kristus inuk suontepfuruk aheon etno inim, wene holal du baloko hinombisaharuk ahe-o.
Eke At Allahen hit Kristus Yesus hinim dambuksoho hinombisaharisi-o. Eke At Kristus etno inuk fam ninindi yi angge di angge iniluk atukon epmano-at og nisarisi-o. Eke nit ninebe At Allah ninim dambule nisahakeg, eke nit At Allah udaki welamag ulug heako ninombisahakeg, eke ninebe ninili weheg suruk amag ulug At Allahen Amloho Yesus etno nit ninake belabik wapag-o.
Eke it ariroho urukon epmano-at o kweanma duma inowe dahon etnowen o hikmu neken imbisaruk halug, iren wene fano wene du demat ulug inindi ebetuk eleg-o. Eke wene fano wene arien At Kristus Allah olohore ilitoho werehon etno-at suon wereg ulug yig nisaruk ari, o seleg neken wereg-o. Eke o seleg etno it aphe demat ulug ebetuk elehon epmanowen inilanggen ha nowen ulug at setanen o hikmu neken imbisaruk-o.
Eke amuk At Allahen uruk wilil, “O hik wereg ambeg epma seleg amag-o,” ulug ebag etno hag, kidia ninindimu Aren o seleg etno og nisaruk-o. Eke o seleg og nisarukon etno At Yesus Kristus olohotmen fisag ninaptuk wilil, At Allah etno abikag suruk wilil alon werehon-at wereg-o, ulug niniluk amag ulug yig nisaruk-o.
Eke it wam sapi biren e misig-at inomalo fam hele homako weregma kwean yultuk etno hag, hit it aphe Allah wene inapelehon epmano hinomini neken hinim dambuksoho yabuk suk ari hai-o. Eke motoho suruk isalug, dahan fahan surukon epmano inim misig-at wereg eleg-o. Eke o ilingge etno hubanggo inim dambuksoho wereg eleg-o.
Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.
Eke ariroho sebag arien, At Allahen Abraham etno amuk yig ituk wilil, “An nahien it aphe inobam umbuhuk-o,” ulug hurumbik yig epahon etno it ap Allah wene inapelehon epmano ahien inobam umbukag ulug At Kristus Yesus ariroho sebag-o. Eke At Allahen Roh Kudus og isahuk ulug abug yig isebahon etno nit At obam ebetuk aheon epmano og nisawag ulug At Kristus ebe ariroho sebag.
Ariroho ninombisaharuk ari, nit At Allahen wol nisarision etno At Allahen yig nisaruk wilil, “Yi angge di angge fanowon epmano inim, hiniluk mondog welamon etno inim og hisahuk-o,” ulug abug yig nisebahon etno holawag ulug, At Kristus etnowen wene keron etno yig nisaruk wilil, At Allah ninim dambuksoho ninombisaharuk-o. Eke it aphe nin wene hurumbik bilinon etno yig isaruk heheg, dag suruk apahon epmano ap misig waratuk wilil inonggo embebareg fam, At Allah inim dambuksoho imbisaruk-o.
An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.
ကြော်ငြာတွေ