Kisah Para Rasul 26:17 - Allah Wene Hurumbik Keron

¹⁷ Eke hat o ahik ya da lahap hahakukmu, it Israel ap inim, eke it Allah wene inapelehon epmano inimen howabuog ulug suruk isalug, Anden hili wahuk-o.

Kisah Para Rasul 26:17 ပူးပေါင်းရင်းမြစ်များ

Kisah Para Rasul 13:50

Su atuk apagma, it Yahudi aben it hweap suon Yahudi wene warukon epmano inim, eke it o epma inowesi suon inim yig isaruk wilil, “It Paulus Barnabas du war inabiek-o,” ulug yig isaruk apagma, it epmanowen Paulus Barnabas muko wilip isebag.

Kisah Para Rasul 16:39

Inakol haruk wilil, it Paulus Silas inambeg laruk atusareg, yig isaruk wilil, “Hit war hinabuk sohorep isawim, nit dag surukukseg fam kidia fanoroho wilip amiek-o,” ulug yig isaruk atusama,

Kisah Para Rasul 17:10

Eke o hup atuk atisimu, it inomini epmanowen Paulus Silas inim o Berea lahap isarusa. Lahap isaruk atusama, laruk atusareg, it Yahudi ap o Allah wene uruk ambeg etno kurusa.

Kisah Para Rasul 17:14

Waharuk atusama, at Paulus omini epmanowen ebe dulum-at ik laut ayegma lahapfuruk atusareg, it Silas Timotius inim o Berea etno welatusa.

Kisah Para Rasul 18:10

An ninim wilil, sohorep isalug, bok welaruhun fug-o. It o duma nudaki anggolo weregma, hat howabuhup fug-o,” ulug yig itisi.

Kisah Para Rasul 25:3

Obam denggeltuk atusareg, At Paulus o Yerusalem duma lahap nisa waruhun-o, ulug at Festus kino yig ituk atusareg inahla buruk wilil, “Waharuk halug, kwalema wabuhuk-o,” ulug inahla buruk atusareg yig itusa.

Kisah Para Rasul 28:28

ulug at Paulusen yig isaruk wilil, “Ari halug, At Allahen ninili wawon wene etno it Allah wene inapelehon epmanowen demat ulug eberoko wawag ulug yig isaruk wereg-o,” ulug yig isaruk atisimu,

Kisah Para Rasul 9:15

At Allah etnowen yig ituk wilil, “Eleg-o, aren An ninuk etno it nawene waruk elehon inim, it ap suon suon inim, eke it Yahudi ap inim yig isaruk amag ulug heako imbirikik-o.

Roma 11:13

Eke kidia hit ap bilin Allah wene hinapeleg welatikibon epmano yig hisamin-o. Eke an it ap Allah wene inapeleg welatuson epmano yig isil lawag ulug mondep nahabag halug, an neyabuk du fanoroho-at suruk aruhuk-o.

Roma 15:16

it aphe bilin Allah wene inapeleg welatuson epmano yig isawag ulug At Yesus Kristus anggimbu neken minduhup naharisi-o. Ariroho minduhup naharisireg fam it aphe bilin wene inapeleg welatuson epmano anden Allah wene fanowon etno yig isaruk wilil, it epmano At Roh Kudusen inindi yabuk suruk halug, At Allah il fam inobabut fano amag ulug neyabuk suruk ahi ari, it ap Allah unde epmanowen bilin Allah ake fanoroho umburuk apag epmano hag suruk ahi-o.

Galatia 2:9

Eke it Yakobus, Petrus, Yohanes it du ninowesi ulug uruson epmanowen at Paulus Allahen eyabuk akeleg-at og itisi ulug inindi ebetuk atusareg, an inim, at Barnabas inim ininggik og nisarusa-o. Ariroho dambuk uruk atukukseg, at Paulus, Barnabas inim it aphe Allah wene inapelehon epmano yig isil lahup-o, eke it nin hag it Yahudi ap yig isil lahup-o, ulug wene ariroho urukuk-o.

1 Timotius 2:7

Eke wene fano wene ari it ap wene inapelehon epmano eberoko wimiek ulug yig isahunen ulug an mondep naharisi-o, ulug an nenggal ihi fug-o, demat yig hirihi-o.

2 Timotius 1:11

Eke wene fano wene yig isil laruk wilil, yanggul isaruk amag ulug At Allahen minduhup naharisireg fam, an kidia hele war naptusa-o.

2 Timotius 3:11

Eke o Antiokhia inim, o Ikonium inim, eke o Listra inim dahon mondog nobam umburukmu welatikik etno hiluk-o. Eke iren dahon etno nobam umburuson oke, At Allahen nili warisi-o.