Kisah Para Rasul 25:10 - Allah Wene Hurumbik Keron

¹⁰ Ulug yig ituk atisimu, at Paulusen yig ituk wilil, “Eleg-o, an naren balukag ulug kidia hit at Kaisar anggimbu etno ninim welahe-o. Ariroho wilil, it Yahudi ap nune dahon yig isarikik fug etno hiniluk-o.

Kisah Para Rasul 25:10 ပူးပေါင်းရင်းမြစ်များ

2 Korintus 4:2

Eke herako suruk aheon epmano inim, eke ninenggali haon suruk aheon epmano inim, eke ninenggal-at suruk aheon etno inim, eke Allah wene dahan fahan yig isaruk aheon etno inim, obog-at sohorep isarukukseg, demat ulug urukon wene etno yig nisarukmu At Allah olohotmen, it aphe inindi werehon etnowen inahien nisawag ulug nit motoho-at suruk amuk-o.

Kisah Para Rasul 28:18

Og isaruk atusama, it Roma aben naren baltuk atusareg, ap du nowabukag ulug dag sirisi fug-o ulug uruk atusareg, hele hibil nabuog ulug suruson oke,

Kisah Para Rasul 26:31

Wilip atuk atusama, at misihen eheg, at misihen eheg uruk wilil, “Ap du aphe dahon imbisaruk ambeg kolapfeheg, eke warepfeheg sukag ulug obam denggeltuson oke, dag sirisi fug hehe,” ulug urusa.

Kisah Para Rasul 25:25

anden alem heaharuk atikikseg, aren dag sirisi fug ulug nahla birikik-o. Ariroho nahla buruk atikikseg, eke ap etnowen uruk wilil, at Kaisaren nawene balukag ulug irisi etno famen, at Kaisar ambeg lahapfuhuk ulug nahla birikik.

Matius 27:18

Ariroho yig isebag ari, iren At Yesus obam inasine haruk apareg, wabukag ulug senoko og itukmu enggag isaruk apareg ariroho yig isebag.

Kisah Para Rasul 25:17

Yig isaruk atikikmu, it inebe obog waharuk atusama, ap etno aren baliog ulug an ninggik misihim-at noholug, o inaren baltuk ambeg etno larikikseg, horieg welatikik. Horieg wilil ap etno nambeg walug maniek-o, ulug yig isarikik.

Kisah Para Rasul 25:6

Yig isaruk atisireg, at Feliks etno inggik sirehen angge ano, nomaloen angge ano inim welatusareg, o Kaisarea waharisi. Waharuk atisireg, noholug wene baluog ulug horie uruk atisireg, at Paulus ninambeg wamag ulug yig isarisi.

Kisah Para Rasul 23:29

Walug laruk atikikseg, ninim wilil, aren alem dag sirision fam wabul ano, eke aphe dahon imbisaruk ambeg kolabul ano, ulug alem heaharikikon oke, eleg atisi-o. We inonggarehen wene duroho suruk amuk eke duroho suruk am fug ulug ebahon etno fam obam denggeltukmu isarikik-o.

Matius 27:19

Yig isaruk apareg, at Pilatus etno o aphe inoag del inaptuk ambeg epmano horieg weregma, at uhwe etnowen yig irik lawag ulug yonggo lahap isaruk wilil, “Ap obabut fano, mondog surukon du sohorep isuk-o. O yoho niog haruk wilil, ap etno obam hihireg, nindi seneni anggolo eberihi etna yig irik aliek-o,” ulug lahap isebag.