Kisah Para Rasul 24:25 - Allah Wene Hurumbik Keron

²⁵ Holtuk atusareg weregma, at Paulusen fano surukon etno inim, eke inindi aso welamon etno inim, eke fobik oag deloko imbisawon etno inim dindiloko yig isarukmu, at Feliks etno akol haruk atisireg yig ituk wilil, “Kidia arat ehenteg fam hibam lamihin-o. Fobik wene nesanggo holuk nindi atuk halug, hayonggo umbuhuk-o,”

Kisah Para Rasul 24:25 ပူးပေါင်းရင်းမြစ်များ

Matius 22:5

Inayonggo lahap isebahon oke, it at omini epmano inesanggo holuk sohorep isalug, ineyabuk-at seg saruk apag-o. Ariroho suruk wilil, at misig eyabukmu laheg, eke at misig yi angge di angge onggo hundutuk ambeg epmano laheg suruk wilil,

Yohanes 16:8

Lahapfik waruhuk aruhukmu, At etno waharuk aruhureg, it aphe kweanmon epmano alem henahan eta fam yanggul isahu-o, alem ebe dag surukon epmano inim, eke alem dahon inobam weregma elehepfukon epmano inim, eke At Allahen inoag deloko imbisawon etno inim, yanggul isahu-o.

Kisah Para Rasul 10:42

Narukukseg weregma, Aren wene fano wene etno aphe obog yig isa lahup ulug yig nisarisi-o. Eke An Yesus etno At Allahen fobik yi aphe di aphe inilukon inim, warehon inim, obog-at oag del inabukag ulug minduhup naharisireg fam, hit aphe obog yig isil alu-o, ulug yig nisarisi-o.

Kisah Para Rasul 17:13

Waruk atusama, at Paulus etno o Berea epma Allah wene yig isaruk atisimu, warusa-o, ulug it Yahudi ap o Tesalonika werehon epmano inesanggo holtuk atusareg, o Berea inim aphe obog inindi kahaltil waharusa.

Kisah Para Rasul 17:2

at Paulus bilin sirisi etno hag, it o Allah wene uruk ambeg etno kirisi. Kuruk atisireg, sembahyang henahan wilil it aphe epma wene yig isarukmu, eke iren onggo yig ereheg suruk atusareg,

Kisah Para Rasul 17:32

Eke at Paulusen ap warehon minduhupfisahu-o ulug yig isarision etno inesanggo holtuk atusareg, it ninen ahunda yatusa. Ahunda yatuk atusama, eke it ninen yig ituk wilil, “Ehenon etno fobik dahagsoho yig nisahun-o,” ulug yig ituk atusama,

Kisah Para Rasul 2:37

Yig isaruk apagma, it epmano wi ulug inakol anggolo haruk apareg, at Petrus omini epmano inim yig isaruk wilil, “Halug nit keroho suk-o nomini?” ulug hinog yig isebag.

Kisah Para Rasul 24:15

Eke At Allahen aphe fanowon inim, dahon inim iniluksoho minduhup isahuon it Yahudi aben demat ulug inindi ebetuk etno hag, anden ariroho-at ebetuk ahi-o.

Kisah Para Rasul 24:26

ulug yig ituk wilil at Paulus hele hibil nabukag ulug uang dot og nirikon ano? ulug ahla birisi. Ariroho ahla buruk wilil, at Feliks nintul nantul at Paulus etno ayonggo umbulug wene inim uruk atusa.

Kisah Para Rasul 26:28

at Agripa etnowen Paulus yig ituk wilil, “Hat kidia wene horohon ehenon etno fam anden At Kristus wene dulum-at eberoko wawag ulug uruk ahen?” ulug yig ituk atisimu,

Kisah Para Rasul 9:6

Eke hat hebe etno minatuk apmihinteg, o Damsyik etno kik waharuk apmihinmu, iren duroho suk ulug hat yig himukon-o,” ulug yig ituk apagma,

Roma 12:1

Eke ari halug nomini-o. At Allahen ninabua nisarisi etno fam, duroho suruk amag ulug yig hisamin-o. Eke hit hiniluk wilil, hinebe At Allah ake embeheg, eke At eyabuk-at suhuken ulug hinahla beheg, eke At ahien hawag ulug seheg suruk amuk-o. Eke hit hinahla buruk ahebon epmano At Allah ake umburuk wilil, ari fam At obam ebetuk amuk-o.

Roma 14:12

nit obohen ninobabut suruk aheon epmano At Allah yig ituk amuhuk-o.

Roma 2:16

Eke ari halug, o ari sambit At Allahen At Yesus Kristus inuk fam it yi aphe di aphe obog inindimu herako ebetukon etno selegmaroho bukaloko umbulug inoag del inabuhu-o, ulug an wene fano wene etno fam yig hisaruk ahi-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

2 Korintus 5:10

Eke nit obog At Kristusen ninoag del ninabukag ulug At wereg ambeg minarik lahukmu, nit ninebe o kweanma duma wilil suruk atukukon epmano onggo ilitoho-at og nisahu-o. Ariroho og nisaruk wilil, fano suruk atukukon halug, o fanowon etno heag niseheg, eke dag suruk atukukon halug, o dahon etno heag niseheg suhu-o.

2 Korintus 6:2

Eke At Allahen yig hisaruk wilil, “Anden hinabua hisarikik etno sambit hinune nesanggo holtikik-o. Eke hinili og hinaptuk ahi etno sambit yalmag hinaptuk ahi-o,” ulug ariroho yig hisaruk ari, Aren hinabua hisaruk etno kidia-at suruk-o, eke hinili og hinaptuk etno kidia-at suruk-o.

Galatia 3:22

Eke at Alkitab etnowen yig nisaruk wilil, “It yi aphe di aphe kweanmon obog dag-at suruk-o,” ulug yig nisaruk etno fam, it aphe At Yesus Kristus obam ebetukon etno At Allahen og hisahuk ulug abug yig nisebahon etno og isaruk-o.

Galatia 5:23

eke inindi seberoho welamon etno inim, eke inonggareg inindi aso welamon etno inim, it aphe yiroho diroho fanoroho suruk amon etno obog-at suruk isalug, fobik inebe dag seko imbisahu fug-o.

2 Timotius 4:1

Eke At Allah inim, At Kristus Yesus aphe inilukon inim, warehon inim oag del inabuhuon etno inil fam nune oag weregsoho yig hituk ahi-o; At Yesus etno waruhureg, aphe obog Inikni aruhu halug,

Titus 1:8

Eke ap etno indi arik elehon inim, eke asine elehon inim, eke ambusu nenek surukon etno donggogsoho naruk elehon etno inim, eke yi angge di angge yu­hun-at hulik ulug ahla buruk elehon etno inim, eke ap huso waharukmu fikfag inabua surukon etno inim, eke fano sukon nindi ulug ahla buru­kon etno inim, eke indi humbulihon etno inim, eke obabut fano­won etno inim,

Ibrani 12:21

Inakolen surukmu, at Musaen alon werehon etno ilanggen haruk apareg uruk wilil, “An kidia nakolen elekelek suruk ahi-o,” ulug ebag-o.

Ibrani 3:13

Eke dag sukon etnowen hinindi kahalik waharuk halug, ninindi dahapatehe ha nowen ulug nintul nantul hit hit hinesanggo war war uruk amuk-o. Eke at Alkitab etnowen yig nisaruk wilil, “O yoho At Allah une etno hinesanggo holtuk ahep ulug yig nisebag halug, nintul nantul-at ariroho uruk amuk-o.”

Ibrani 4:1

Ari halug, At Allah ninim kelsaruk ambeg ninim kuhuk ulug ebahon etno nit-at hurumbik yig nisaruk-o. Eke hiren ap niron misig kirisi fug ehe ha nowen ulug hinakoltoho welamuk-o.

Ibrani 6:2

Eke ikma belap inaptukon wene etno inim, eke aphe inungguluag ininggik sen inaptukon etno inim, eke fobik it aphe warehon minduhup isahuon epmano inim, eke o epma mondog welamag ulug oag del inabuhuon epmano inim, alem ariroho sukon etno obog-at niniluk-o.

Ibrani 9:27

Eke nit yi aphe di aphe obog epmano misihim-at waratuk nisalug, At Allahen oag deloko ninombisaharuk-o.

Yakobus 2:19

Eke hit hag, “Ninikni Allah misig-at wereg-o,” ulug hinindimu ebetuk ahep ari fano at-o; eke hiren ebetuk ahep ari hag, it iblis epmanowen inindi ariroho-at ebetuk wilil, mondog inakolen suruk-o.

1 Petrus 3:15

At Kristus akeleg-at hinindimu hinakol wilil, At akeleg-at Ninowe wereg-o, ulug hinindimu ebetuk amuk-o. O nintul nantul it aphe hinambeg hinog ik waharukmu, Ninowe fano ninaptukon At Yesus at-o, ulug hiren yig isimuk-o.

2 Petrus 1:6

niniluk amon etno holahukseg, fobik ninobabut fanowon etno holahuk-o, ninobabut fanowon etno holahukseg, ninindi bugsoho welamon etno holahuk-o, ninindi bugsoho welamon etno holahukseg, fobik ninindi fanowon etno holahuk-o,

1 Yohanes 3:10

Eke it Allah udakion inim, it iblis udakion inim surukon ari ilit eleg-o. It mot mot suruk elehon, inomini inambit isarukon halug ari, Allah udaki fug-o.

1 Yohanes 3:7

Nomini-o, at misihen hinindi kahaluk nowen-o. At Kristus obabut fano wereg etno hag, eke at misihen fano suruk halug, obabut fano wereg-o.