Kisah Para Rasul 24:24 - Allah Wene Hurumbik Keron

²⁴ Eke fobik ininggik dorat welatusareg, at Feliks uhwe Drusila, Yahudi hweap etno walug waharisi. Waharuk atisireg, Paulus ayonggo imbirisireg, yig ituk wilil, “Haren At Yesus Kristus awene eberoko wawon etno yig nisamihin-o,” ulug yig ituk atisimu, inesanggo holtusa.

Kisah Para Rasul 24:24 ပူးပေါင်းရင်းမြစ်များ

Markus 6:20

at Herodes etnowen ahla buruk wilil, at Yohanes obabut fano mondog surukon etno ebe nakol-o, ulug ili waruk apareg, wabuk fug-o ulug maha embebag. Maha umburuk apareg, at une esanggo holfag etno fam, yi angge di angge suruk wilil, at Yohanes une esanggo holiog ulug welapag.

Lukas 19:3

Ariroho weregma, At Yesus etno waharukmu ilanggen haminen ulug sebahon oke, at ebe horohon fam it aphe anggolo wonggalfahon epmano inahla wilil, At Yesus ilanggen hebag fug.

Lukas 23:8

Lahapfuruk apagma, eke at Herodes etno At Yesusen sebahon epmano nintul nantul esanggo holtuk apareg, ebe ilanggen hiog ulug suruk wilil, “An nil fam sukfugangge misig sukag-o ulug ahla buruk apareg, kidia ebe nilanggen hamin-o,” ulug ahien suruk apag.

Kisah Para Rasul 16:31

it etanowen yig ituk wilil, “Hat homini hinim hinindi Yesus obam ebetuk atlihipmu, hinili wikon-o,” ulug yig ituk atusareg,

Kisah Para Rasul 20:21

Eke it Yahudi ap inim, it bilin Allah wene inapeleg welatuson inim obog-at iren dag surukon epmano inobam inapelegsoho imbisalug At Allahen apma imbisahureg fam, At Ninowe Yesus inuk eberoko wawag, ulug obog-at yig hisarikik-o.

Kisah Para Rasul 24:25

Holtuk atusareg weregma, at Paulusen fano surukon etno inim, eke inindi aso welamon etno inim, eke fobik oag deloko imbisawon etno inim dindiloko yig isarukmu, at Feliks etno akol haruk atisireg yig ituk wilil, “Kidia arat ehenteg fam hibam lamihin-o. Fobik wene nesanggo holuk nindi atuk halug, hayonggo umbuhuk-o,”

Kisah Para Rasul 26:22

Ariroho suruson oke, eke At Allahen nili oko ninim weregma, o yoho du fam hit suon inim, doron inim, obog-at nawene yig hisaruk ahi-o. Eke anden yig hisaruk ahion etno hag, it nabi ap inim, eke at Musa inimen hurumbik yig nisaruk wilil,

Galatia 2:16

Eke iren At Yesus Kristus obam ebetuk isalug etno fam alem dahon inobam werehon etno elehepfuruk-o. Eke nit ari ilitoho At Yesus Kristus obam ebetuk nisalug, alem dahon ninobam werehon epmano At Allahen elehepfukag ulug At Yesus Kristus obam ebetuk atukuk-o. Eke it Yahudi aben wene duroho suruk amuk eke duroho suruk am fug ulug ebahon etno ilitoho suruk ahe etno fam alem elehepfukag ulug surukuk fug-o. Eke ap misig it Yahudi aben wene duroho suruk amuk eke duroho suruk am fug ulug ebahon etno ilitoho suruk halug, ari fam At Allahen alem elehepfuruk eleg-o.

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

Galatia 3:2

Ari halug, eke misig du yig nimiek-o, hit it Yahudi aben wene duroho suruk amuk eke duroho suruk am fug ulug ebahon etno ilitoho suruk hisalug, At Roh Kudus etno og hisarisi ano, eke wene fano wene etno hinesanggo holtug eberoko waruk hisalug og hisarisi ano?

1 Yohanes 5:1

Eke nin At Yesus ari Kristus ulug wapag-o ulug inahla ebetukon halug, Allah udaki-at wereg-o. Eke ikni indi hundutuk isalug at udaki ariroho-at inindi hun inaptuk-o.

Yudas 1:3

Nomini-o, alem At Allahen hit hinili warukon etno holal baloko og hisaminen ulug bihireg fam, fobik it inenggal urukon epmano hit hinune yig isahuben ulug holal baloko og hisaminen ulug nahla bihi-o. Wene At Allahen udaki yig isebahon etno waruk wilil welamuhuben ulug yig hisaminen ulug nahla bihi-o.

Wahyu 14:12

Ariroho uruk atisimu, it Allah udaki epmano inim, eke it Allahen ebahon eberoko warukon epmano inim, eke At Yesusen yig isebahon inahla burukon epmano inim, it epmano inindi oag weregsoho-at welamag ulug irisi-o.