Kisah Para Rasul 24:14 - Allah Wene Hurumbik Keron

¹⁴ Eke kidia anden nahla bihion hat yig hirik-o. An kidia it ninetamuki Inikni Allah etno obam ebetuk wilil, At Yesus inuk fam Allah obam ebetuk ahion ari, iren dag ulug uruk-o. Ariroho urukon oke, eke an hag at Musaen ebahon etno inim, eke it nabien wene holal embebahon etno inim eberoko waruk ahi-o.

Kisah Para Rasul 24:14 ပူးပေါင်းရင်းမြစ်များ

Matius 10:32

At Yesusen yig isaruk wilil, “It obohen An Yesus Amloho welahi-o, ulug selegmaroho urukon halug, An At Nikni boholma werehon il fam du An nudaki ulug ariroho uhuk-o.

Matius 22:40

Ari halug, at Musaen wene duroho suruk amuk eke duroho suruk am fug yig nisebahon etno inim, eke it nabi ap Allah wene hurumbik yig isarukon epmanowen yig isebahon epmano inim, wene ebe alem biren eta-at yig nisaruk-o,” ulug yig isebag.

Matius 7:12

Eke it apheyen ariroho fano ninaptuk amag ulug hinahla buruk hisalug ari hag, ilitoho at fano inaptuk amuk-o. Eke Anden ariroho yig hisihi ari, at Musa inim, it nabi ap epmano inimen wene duroho suruk amuk eke duroho suruk am fug ulug yig nisebag-o,” ulug yig isebag.

Lukas 1:70

Ari, At Allahen amuk it nabi ap inune fam yig nisaruk wilil,

Lukas 16:16

Eke at Yohanes ikma belap inaptukon etno awan waharuk eleg heheg, at Musaen wene duroho suruk amuk eke duroho suruk am fug ulug ebahon etno inim, eke it nabi ap wene holal embebahon epmano inim, du-at senebuk ulug hinahla birikip-o. Eke at etno waharuk atisireg, At Allah weregma welamon wene fano wene etno yig hisaruk atisimu, it aphe obohen inasineroho kuk ulug uruk-o.

Lukas 16:29

eke at Abrahamen yig ituk wilil, ‘It hosi epmano hurumbik iniluk amag ulug at Musa inim, it nabi ap wene uruk apahon inimen holal embebahon etno wereg-o. Ari halug, it iniluk amag ulug holal embebahon etno fam inesanggo holukag-o,’ ulug wene holal embebahon etno fam yig ituk apagma,

Lukas 24:27

Yig isaruk apareg, eke fobik At Yesus etnowen at Musaen wene embebahon etno inim, eke it nabi ap obohen wene embebahon epmano inim, At Yesus ahurumbik Alkitab fam weregma obog dindiloko yig isebag.

Lukas 24:44

Naruk apareg, it epmano yig isaruk wilil, “Kidia hinilanggen neyehebon ari, bilin hit ninim wilil yig hisaruk atikikon epmano ilitoho-at hehep-o. Eke at Musaen wene ebahon etno inim, eke it nabi aben wene embebahon inim, eke buku Mazmur fam werehon epmano inim obog An nahurumbik wereg etno ilitoho seg atisi-o,” ulug yig isebag.

Yohanes 1:45

Yig ituk apagma, at Filipus etnowen at Natanael weregma ilanggen hebag. Ilanggen haruk apareg, yig ituk wilil, “At Musaen wene duroho suruk amuk eke duroho suruk am fug ulug ebahon etno inim, eke it nabi ap wene holal embebahon epmano inimen ap misig ahurumbik ebahon etno ebe kidia ninil hehe-o. Ninil heheon ari, At Yesus, Yusuf amloho ibam Nazareton etno ninilanggen hehe-o,” ulug yig epag.

Kisah Para Rasul 10:43

Ariroho yig nisarision etno it ap nabi epmanowen bilin At ahurumbik yig isaruk wilil, ‘It yi aphe di aphe At inuk eberoko waruk isalug, iren dag suruk atuson epmano inobam inapelegsoho At inuk fam apma imbisahu-o,’ ulug bilin it nabien ebahon epmano yig hisaruk ahi-o,” ulug at Petrusen yig isebag.

Kisah Para Rasul 13:15

Horie uruk apareg weregma, it wene urukon epmanowen at Musaen wene holal embebahon etno inim, eke it nabien wene holal embebahon epmano inim yig isaruk apagma, it o Allah wene uruk ambeg unde werehon epmanowen at Paulus omini epmano inim yig isaruk wilil, “Nomini-o, wene misig wereg halug, nit nindi ninahien hulen ulug yig nisimiek-o,” ulug yig isaruk apagma,

Kisah Para Rasul 15:5

Yig isaruk apagma, it Farisi ap Yesus wene warukon nin minatuk apareg, yig isaruk wilil, “It Yahudi ap iniyunggul ambilik baltuk etno hag, it iniyunggul ambilik balukag-o, ulug at Musaen wene duroho suruk amuk eke duroho suruk am fug ulug ebahon etno inesanggo holtug sukag ulug yig isimuk-o,” ulug yig isebag.

Kisah Para Rasul 19:23

Epma weregma, o Efesus etno Allah wene obogsoho waruk atusama, wene ayeg waroko inenggal-at uruk ulug uruk atusa.

Kisah Para Rasul 19:9

Ariroho surukmu, it nin inindi arikon epmano wene weheg eleg wilil, At Yesusen sebahon epmano it aphe obog inil fam seberoho embeheg suruk atusama, at Paulus etno it sohorep isaruk atisireg, it omini epmano og inaplug at Tiranusen sekolah yanggul isaruk ambeg etnowen nintul nantul inim uruk atusa.

Kisah Para Rasul 22:14

at etnowen yig nituk wilil, ‘It ninetamuki Inikni Allahen ahla bebahon etno hat hiluk amag ulug fuloko hombaharisi-o. Hombaharisireg fam, At anggimbu obabut fanowon hilanggen haruk weregma, At une fam yig hitukmu holtikin-o.

Kisah Para Rasul 24:22

Yig ituk atisimu, at Feliks etno Yahudi wene fano ilukon oke, “Yoho arat ehe-o,” ulug irisi. Uruk atisireg, yig ituk wilil, “At Roma ap inowe inuk Lisias etno waruhumu, hawene fanoroho baluhuk,” ulug yig itisi.

Kisah Para Rasul 24:5

Eke at ap du narlog harlog dag-at sil nuruk hehe-o. At ebe it Nasrani ap inowe wilil, it Yahudi ap o ahik ya da epmano heal inaptuk-o.

Kisah Para Rasul 25:8

Yig ituk atusama, at Paulusen wene onggo yig isaruk wilil, “An it Yahudi aben wene duroho suruk amuk eke duroho suruk am fug ulug ebahon etno inim, eke o Allah ibam etno inim, eke it Roma ap inowe Kaisar etno inim dag seko imbisiog ulug sirikik fug-o,” ulug yig isarisi.

Kisah Para Rasul 26:22

Ariroho suruson oke, eke At Allahen nili oko ninim weregma, o yoho du fam hit suon inim, doron inim, obog-at nawene yig hisaruk ahi-o. Eke anden yig hisaruk ahion etno hag, it nabi ap inim, eke at Musa inimen hurumbik yig nisaruk wilil,

Kisah Para Rasul 26:27

Nikni Agripa wai, hat it nabien ebahon epmano eberoko waruk ahen hiyihi-o,” ulug yig ituk atisimu,

Kisah Para Rasul 26:4

An nebe etno udag doron famen ariroho welatisi ulug it Yahudi ap obog iniluk-o. An nebe udag doron fam endag atuk seyag ambeg inim, eke o Yerusalem inim welatikik etno it obog iniluk-o.

Kisah Para Rasul 26:6

Ariroho waruk atikikon oke, eke kidia At Allahen bilin it ninetamuki hurumbik yig isebahon etno eberoko waruk atikikmu, inune dahon epmano nobam denggeltusa-o.

Kisah Para Rasul 28:22

hit aphe Yesus wene waruk ahebon epmano o ahik ya daen holtuk eleg isalug, wene ari atog yig nisahun-o,” ulug it Yahudi aben at Paulus etno yig itusa.

Kisah Para Rasul 28:23

Yig ituk atusama, o ari sambit wene uhuk, ulug at Paulus inim uruk atusareg, it inebe obog at Paulus wereg ambeg wonggalik waharusa. Wonggalik waharuk atusama, at Paulusen Allah weregma sukon wene etno ilikia hubet yig isarisi. Yig isaruk mondog weregma, o hupmu atisi. Eke o ari fam yanggul isaruk wilil, at Musaen ebahon etno yig iseheg, eke it nabien wene holal embebahon epmano yig iseheg suruk wilil, At Yesus ari Kristus at-o ulug iren eberoko wawag ulug yig isarisi.

Kisah Para Rasul 3:13

Bilin At Allah inuk it ninetamuki Abraham, Ishak, Yakub iren webahon, At Allahen bilin it ninetamuki Abraham, Ishak, Yakub inabua isebag etno ilitoho kidia At Amloho Yesus etno inuk suontepfirisi-o. Suontepfirision oke, eke hiren At ebe wabukag ulug at Pilatus etno inggikmu imbirikip-o. Imbirikipmu, at Pilatusen ebe hele hibiloko imbisiek ulug yig hisarision oke, hiren At niron eleg-o ulug irikip-o.

Kisah Para Rasul 5:30

Eke bilin hiren At Yesus e fam lenggaloko umbulug watikipmu, it ninetamuki epmano Inikni Allahen iluksoho minduhupfirisi-o.

Kisah Para Rasul 7:32

‘An it hetamuki Abraham, Ishak, Yakub Inikni-at welahi-o,’ ulug yig ituk apagma, akolen olohore herag apag.

Kisah Para Rasul 9:2

yig ituk wilil, “Nowe-o, an it Yahudi ap o Allah wene uruk ambeg o Damsyik etno laminen holal baloko og nimin-o. O epma it aphe Allah wene iniluk amon warukon etno heag inabil laruk aruhukseg, ap inim, hweap inim hele waroko og inaplug o Yerusalem niog suhuluk waruhuk-o,” ulug yig epag.

Roma 1:9

Eke an nintul nantul hit hinake sembahyang uruk wilil, At Yesus Kristus awene fanowon etno nindimuen eberoko walug yig isil nuruk ahi ari fam, At Allahen demat hinake sembahyang uruk-o, ulug yig hisahu-o.

Roma 3:21

Eke ari halug, At Allahen aphe alem dahon inobam werehon elehap surukon wene etno selegmaroho yig nisaruk wilil, wene duroho suruk amuk eke duroho suruk am fug ulug ebahon etno fam elehap suruk ulug yig nisaruk eleg-o. Eke at Musa inim, it nabi-nabi obohen wene du hurumbik yig isaruk wilil,

1 Korintus 11:19

Eke it hinim welahebon arien fano surukon epmano selegma amag ulug, hinim healeg welahep etno alem ari-at-o.

2 Timotius 1:3

Eke an dag misig sirikikon etno napeleg atlug, it ninetamukien suruk apag etno ilitoho Allah yabuk suruk wilil, Nikni Allah wa ulug yig ituk ahi-o. Eke hat hake nintul nantul sembahyang uruk wilil, wa ulug uruk ahi-o.

Titus 3:10

Eke ap misig aphe heal inaptukon etno misi­him esanggo ware­heg, eke birenam esanggo wareheg suruk atlug, fobik akeleg sohorep isin-o.

1 Petrus 1:11

Hurumbik etno uruk wilil, “O maram waruhureg, og hisahu-o,” ulug inahla burukmu, At Kristus Roh Kudus etnowen yig isebag, “Fobik At Kristus wabuhup oke, iluksoho suon-at minduhupfuhu-o”, ulug hurumbik yig isebag.

Wahyu 19:10

Ariroho yig nituk atisimu, eke anden nut wanduksoho wilil, malaikat etno obam sembahyang iug ulug sirikikmu, eke aren yig nituk wilil, “Eleg-o. Eke an hag hat inim, eke hat homini inim, eke it obog At Yesusen yig isebahon demat ulug eberoko warukon epmano inim, nit obog At Allah anggimbu-at welahe-o. Ari halug, haren At Allah obam-at sembahyang imihin-o,” ulug yig nitisi-o. Ariro­ho yig nitisi ari, At Yesusen yig isebahon etno demat ulug eberoko webag etno fam, it nabi aben Allah wene yig isebag-o.