Kisah Para Rasul 23:9 - Allah Wene Hurumbik Keron

⁹ Winimug aptuk wilil, inune anggolo sahaltuk atusareg, it Farisi ap wene holal baleg unde nin epmano minatuk atusareg, uruk wilil, “At Paulus du demat dag sirisi fug heheon oke, at malaikat misihen yig itisimu, yig nisaruk ano? Eke At Allah une demat yig nisaruk halug, niren at une sahaluk fug-o,” ulug urusa.

Kisah Para Rasul 23:9 ပူးပေါင်းရင်းမြစ်များ

Markus 2:16

Horieg weregma, it wene baleg unde epmano inim, it Farisi ap epmano inimen At Yesus etno it uang onggo kino urukon epmano inim, eke it dag surukon epmano inim dambuksoho wilil orom narukmu inilanggen isaruk apareg, At omini epmano yig isaruk wilil, “At Yesus du it uang onggo kino urukon epmano inim, eke it dag surukon inim keroho ulug dambuksoho wilil orom naruk-o?” ulug hinog yig isebag.

Lukas 23:22

eke at Pilatus etnowen fobik inim yig isaruk wilil, “Aren alem dahon misig nongge sirisimu wabukag ulug uruk ahep-o? At ebe wabukon oke, alem eleg hihireg fam, ebe yikangge akeleg-at warepfulug hele hibiloko imbisamin-o,” ulug yig isebahon oke,

Lukas 23:4

Yig ituk apagma, eke at Pilatus etnowen it ap Allah unde suon inim, eke it aphe obog wonggalfahon epmano inim yig isaruk wilil, “At ap du alem ari dag sirisimu angginon etno obam imbiminen ulug nahla bihi fug-o,” ulug yig isebahon oke,

Lukas 5:30

Inim horieg weregma, it Farisi ap nin inim, it wene baleg unde epmano inomini nin inimen inilanggen isaruk apareg, At Yesus omini epmano yig isaruk wilil, “It uang onggo kino urukon inim, it dag surukon inim hit keroho ulug hinim-at orom naruk ahep-o?” ulug hinog waruk apagma,

Yohanes 12:29

Une etno uruk apagma, it yi aphe di aphe obog wonggalik wapahon epmanowen inesanggo holtuk apareg, uruk wilil, “Kidia o serlemban une misig ehek-o,” ulug uruk apagma, eke it ninen uruk wilil, “Eleg-o, une ari at malaikat misihen yig erehek-o,” ulug ebag.

Kisah Para Rasul 11:17

Nindi ebetuk wilil, At Ninowe Yesus Kristus obam ebetuk nisalug, At Allahen og nisarisi etno hag, it At awene inapelehon epmano-at og isehek-o, eke anden At Allah ariroho og isa fug keroho yig irik-o, ulug nahla birikik-o,” ulug at Petrusen dindiloko yig isaruk apag.

Kisah Para Rasul 22:6

At Paulusen yig isaruk wilil, “An o Damsyik waharuk wilil, o ilingge bul kwalema horog fanggog ik waharikikseg fam, boholmen o seleg misig hetnogsoho nobam belabik waharisimu,

Kisah Para Rasul 22:7

kweanma ying atuk atikikseg weregma, boholmen une misig yig nituk wilil, ‘Saulus wai. Hat nongge farim An nowariog ulug waharuk ahen-o?’ ulug yig nitukmu nesanggo holtuk atikikseg,

Kisah Para Rasul 23:29

Walug laruk atikikseg, ninim wilil, aren alem dag sirision fam wabul ano, eke aphe dahon imbisaruk ambeg kolabul ano, ulug alem heaharikikon oke, eleg atisi-o. We inonggarehen wene duroho suruk amuk eke duroho suruk am fug ulug ebahon etno fam obam denggeltukmu isarikik-o.

Kisah Para Rasul 23:8

Ariroho inahla buruk wilil, it Farisi ap inim, it Saduki ap inim inebe minggiroko neken wilil, winimug aptuk atusa.

Kisah Para Rasul 25:25

anden alem heaharuk atikikseg, aren dag sirisi fug ulug nahla birikik-o. Ariroho nahla buruk atikikseg, eke ap etnowen uruk wilil, at Kaisaren nawene balukag ulug irisi etno famen, at Kaisar ambeg lahapfuhuk ulug nahla birikik.

Kisah Para Rasul 26:31

Wilip atuk atusama, at misihen eheg, at misihen eheg uruk wilil, “Ap du aphe dahon imbisaruk ambeg kolapfeheg, eke warepfeheg sukag ulug obam denggeltuson oke, dag sirisi fug hehe,” ulug urusa.

Kisah Para Rasul 27:23

Eke o sono an nohorukmu, At Ninikni Allah une waruk ahion etno o malaikat misig nambeg waharisireg,

Kisah Para Rasul 5:39

Eke At Allahen yig isarukmu suruk isalug, hiren war inabuk ulug hinahla buk fug-o. Ariroho suruk wilil, At Allah hinim healeg neken welam ari hai-o,” ulug at Gamaliel etnowen yig isebag. Yig isebahon etno demat ehek ulug inindi ebetuk wilil,

Kisah Para Rasul 9:4

Seleg atuk apagma, at Saulus etno kweanma bule amburuk apareg weregma, boholmen une misig yig ituk wilil, “Saulus wai. Hat keroho ulug An nowariog ulug mug naplug wahen-o?” ulug yig itukmu esanggo holtuk apareg,

1 Korintus 10:22

Eke At Ninowe inuk suon etno seberepfuk ari fano buruk ahep ano? Eke at oag eleg, nit ninoag wereg ulug uk ari inim fano buruk ahep ano? Ari mondog eleg-o.