Kisah Para Rasul 23:6 - Allah Wene Hurumbik Keron

⁶ Yig isaruk atisireg, at Paulusen it Yahudi ap inowesi wonggaltuson epmano nin Farisi ap, eke nin Saduki ap weregma ilanggen isaruk atisireg, it obog yig isaruk wilil, “Nomini-o, an nebe bilin nikni ebe Farisi aben endag napagma, nebe Farisi ap welahi-o. Eke fobik it aphe obog iniluksoho minduhup isahu ulug nindi ebetukmu, naren baltuk ahep-o,” ulug yig isarisi.

Kisah Para Rasul 23:6 ပူးပေါင်းရင်းမြစ်များ

Matius 10:16

At Yesusen yig isaruk wilil, “Hit hinesanggo holtuk amiek­-o. Wam domba epmano it oloyangge hahon inayeg libil inaptukon inambeg lahap isaruk etno hag, lahap hisaruk ahi-o. Eke wam elien orom niog ulug aphe inamben baltuk etno hag, hit hinebe yaharoho wilil, sue yalme indi fano wereg etno hag hit hinindi fanoroho welamuk-o.

Matius 22:23

Laruk apagma, it Saduki aben uruk wilil, “Nit it warehon wereg ambehen niniluksoho minamuhuk fug-o,” ulug urukon etno At Yesus ambeg waharuk apareg, yig ituk wilil,

Matius 3:7

Eke ariroho ikma belap inaptuk weregma, it Farisi Saduki ap ang­go­lo inim ikma belap ninabukag ulug at ambeg waha­rukmu i­langgen isebareg, yig isaruk wilil, “Hit walo udaki du. At Allahen aphe dahon asine inobam imbisahu ambehen hite aliek ulug sen yig hisehek-o?

Kisah Para Rasul 22:3

“An nebe o Tarsus Kilikia etnowen Yahudi ap-at endag atuk seyareg oke, o Yerusalem dumen at Gamaliel etnowen yanggul nituk wilil, it ninetamukien wene duroho suruk amuk eke duroho suruk am fug ulug ebahon etno fikfag yanggul nepag-o. Eke hit Allah yabuk suk ulug kidia hinahla buruk ahep etno hag, an Allah yabuk suk ulug ariroho-at nahla buruk seyag-o.

Kisah Para Rasul 22:30

Eke fobik ininggik misig noholug, at Roma ap inowe suon etno ahla buruk wilil, “It Yahudi aben at Paulus obam inune dahon etno keroho ulug yig ituk-o?” ulug inunema wiog ulug suruk wilil, at Paulus hele warehon etno hibilipfuruk atisireg, it imam ap suon inim, it Yahudi ap inowesi suon inim obog-at wonggalik wamag-o, ulug yig isaruk atisireg, at Paulus inolohotma minduhupfirisi.

Kisah Para Rasul 22:5

Ariroho yig hisihion ari, it imam ap suon inim, it Yahudi ap inowesi inimen demat uruk ulug iniluk-o. It Yahudi ap inowesi epmanowen holal baloko og nituk apagma, an nebe it ninomini Yahudi ap o Damsyik werehon epmano inambeg lalug, holal etno og isahuken ulug suruk wilil it aphe obog Yesus wene warukon epmano hele waroko og inaplug o Yerusalemen war inabukag ulug nahla buruk aheyareg, o Damsyik laruk seyag-o,” ulug at Paulusen yig isarisi.

Kisah Para Rasul 23:1

Minduhupfuruk atisimu, at Paulusen it Yahudi ap inowesi suon epmano inolohotma ilanggen yet isaruk atisireg, yig isaruk wilil, “Nomini-o, an amuk inim eke kidia inim At Allah il fam dag sirikikon napelegsoho apma nombaharuk atisimu nindi nahlahiroho-at welahi-o,” ulug yig isaruk atisimu,

Kisah Para Rasul 23:15

Ari halug, hiren at Paulus aren baluog ulug at Roma ap inowe suon etno ambeg lahap nisa ma, ulug yig imuk-o. Eke at ebe waharuk halug, niren wabuog ulug kwalema kahaleg welamahuk-o,” ulug yig isarusa.

Kisah Para Rasul 23:20

Ulug yig ituk atisimu, at udag etnowen yig ituk wilil, “O sono it Yahudi aben at Paulus aren baluog ulug hat hambeg lahap nisa ma, ulug yig himuhup-o.

Kisah Para Rasul 23:7

Yig isaruk atisireg weregma, eke it Saduki aben inahla buruk wilil aren aphe iniluksoho minduhup isahu fug-o. Eke it malaikat inim, inahut inim isaruk ahe fug-o, ulug inahla buruk atusa; eke it Farisi aben inahla buruk wilil, aren aphe iniluksoho minduhup isahu-o. Eke it malaikat inim, inahut inim isaruk ahe-o, ulug inahla buruk atusa.

Kisah Para Rasul 24:15

Eke At Allahen aphe fanowon inim, dahon inim iniluksoho minduhup isahuon it Yahudi aben demat ulug inindi ebetuk etno hag, anden ariroho-at ebetuk ahi-o.

Kisah Para Rasul 24:21

Eke misig du it inil fam wilil irikikon etno ari anden, it aphe warehon etno At Allahen minduhup isahu ulug nindi ebetuk nealug naren baltuk ahep,” ulug yig isarikik. Ulug at Paulusen at Feliks etno yig itisi.

Kisah Para Rasul 28:20

Yig isaruk atikikon oke, eke kidia wol hinaptikikseg, hit ninim wilil wene baluog ulug suruk ahe-o. Eke an hele wareg welahion ari, it Yahudi ap At Kristus ahurumbik warukon etno inuk waruk wilil welahi-o,” ulug yig isarisi.

Filipi 3:5

Eke an nebe Israel ap-at endag atuk seyag-o. Eke an nungguluag Benyaminon wilil, nebe Ibrani ap welahi-o. Eke it Yahudi aben wene duroho suruk amuk eke duroho suruk am fug ulug ebahon etno fam an nebe Farisi ap welatikik-o.

Kolose 1:5

Eke hit o amuken wene fano wene hinesanggo holtikipseg fam, boholmen fano ninabuhu-o, ulug hinindi ebetuk wilil, demat ulug uruk ahep-o.

Ibrani 6:19

Eke so etno iken walug la nowen ulug hele fam liloko umburuk etno hag, niren demat og nisahu ulug ninahla buruk ahe etno fam, ninindi oag weregsoho welahe-o. Eke bilin At Allah unde suon etno o Allah ibam epmano baharik undama misig sum songsohon etno heal halug, nintul nantul kurukmu, it aphe epmanowen demat nit ninake suruk-o, ulug inahla bebag etno hag,